بعيد دراسه البكالريوس!

[روعة البراءة]

السلام عليكم شخباركم ابلات
انا عندي باكالريوس تربيه تخصص عربي مساند اجتماعيات ومتوظفه من سنتين ومو متخيله نفسي اكمل تدريس عربي مع هالمنهج التعبان
فسؤالي هل اقدر اعيد دراسه بكليه التربيه بتخصص ثاني او لا؟؟
واذا ممكن شلون الطريقه ؟؟
[/b]

 

[الكحيله ساره]

أحسن طريقه روحي للكليه وإذا ماتقدرين دقي تلفون على عميد الكليه وإسأليه تقدرين تطلعين الرقم من البداله

 

[روعة البراءة]

مشكووورة الكحيله

 

[أحلى قصة]

ااااااااب

 

[بنفسج ..~]

مو من صجج !!!
عشان بس مو عاجبج المنهج تعيدين الدراسة بكيرها والتخصص ؟
جيبي واسطة حولي إجتماعيات أو حاولي تتقبلين عملج كمعلمة لغة عربية بطريقة التدريس
أو تغيرين المدرسة أو أي شيء .. فيه حلول كثيرأحسن من أنج تبدين من اول وجديد !!

عموماً الله يوفقج حبيبتي

 

[لولواا]

حولى اداريه اذا مو عاجبج التدرس او كملى ماجستير بجامعه خاصه

 

[روعة البراءة]

مشكورين حبايبي انا احب التدريس بس حيييل مصعبين طريقته علينا وحاكرينا بطريقه تدريس معينه ماتنفع الطلبه والله يعين ان شالله
والله يكتبلنا الخير

 

[أبلة فاتن]

عندنا وعندكم خير افشل تدريس العربي مرضضضضضضضضضضضضضضضضض حولي اجتماعيات ونااااااااااااااااااسه يجنن

 

[funrose]

جنه بمدرستي القديمة كان عندنا مدرسة رياضيات بعدين حولت صارت معلمة حاسوب بس ما ظنتي عادت البكالوريوس جنة في طريقة ثانية اذا ما كنت غلطانه كان في نشرة بالمدرسة عن تغيير التخصص مو ذاكرة اشلون غيرت تخصصها بالضبط لان هالسالفة صار لها جم سنه روحي السكرتاريا بمدرستج وسالي عن تغيير التخصص​

 

[ام صمونة]

اذا تبين نصحيتي

انقلي الى وزارة الاوقاف

تصيرين مدرسة نحو بدار القران

المنهج حلو يعتمد على قواعد اللغة العربية

و مع هذا تتعاملين مع ناس كبار و فاهمين و يبون يتعلمون

نظام الصفوف بدار ينقسم الى قسمين
تمهيدي >>> نساء كبار يتم تدريسهم كيفية القراءة والكتابة

مطور>> تكون خليط مابين كبار سن و شابات بس يعرفون يقرون ويكتبون ويتم تدريسهم النحو قواعد

انصحك بدار القران جدا متعة والجو العام مريح للغاية

ربي يوفقك و يسهل عليك