[ بعد ما حطيت حرّتي فيه حسيت بتأنيب الضمير : ( ]

[لحظآتَ]

مساء الخير يا حبوبات .. :eh_s(22):

شأخباركم كويسين ؟

,




بدش بالموضوع دوغري

سلمكم الله اليوم وأنا طالعه من الجامعه تأخر علي السايق ,
وحيل حيل زحمة وواقفة بالشارع صايره ملطشه , انطره ,
لإنه مصخرني شوي يدق يقول ماما اطلعي برا أنا وصلت
شوي يقول لا لا زحمه , توني بالخالديه :eh_s(1):
يعني تمصخر ما بعده تمصخر ..

المهم يوم شرّف بعد نص ساعه من المُماطلات ... حطيت الحره فيه لا شعورياً
مع اني حيل حيل بالي طويل وهاديه سواء مع الهنود او غيرهم .. !!


,

بعدين ’ لما فكرت بيني وبين نفسي حسيت اني حيييييييييل حيل تندمت !

واللي زاد جرعة الندم عندي , اني كل ماانزل من السياره لازم , لازم اقوله مشكور فلان !
ويستانس يقول عفوآ .. اليوم يعني زعلانه < عشتو
ماقلت له مشكور .. :eh_s(1):!!!
جان يدق علي لما وصلت البيت قال ماما انتي زعلانه !
لا يزعل ماما , والله طريق زحمه اسف ومن هالكلام ...!!


وقتها انهرت وبغيت ابجي هههههههههههههههه لإن بروحي مأنبني ضميري عالزفة ..
وهالموقف زاد احساسي بالذنب ...

مالكم بالطويله انهيت الحوار معاه وخذيت عهد ع نفسي
لو شنو يصير ماعاد احط حرتي بأحد لإن هالشيء ضعف مو قوة !!


,






الأسئلة اللي بطرحها عليكم : ..



- متى تطلعين عن طورج وتبدين تقطين حجي ما تثمنينه .. سواء هالخدم او السواوييق
أو حتى على اقرب الناس لج !

- الأهم من هذا متى تبدين تندمين على الكلام اللي قلتيه .. وشتسوين لا تندمتي تكابرين وتصرين ع موقفج ولا تصلحين الموقف عشان ضميرج يرتاح ؟؟؟؟؟؟؟؟

- هل انتِ من النوع اللي اذا تعرض لضغوطات يحط حرته بالآخرين ....؟!!!!
وناويه تغيرين هالطبع ولا عادي مو حاسه انه سلوك سلبي , ينبغي تغييرهُ !




:


حبيت اعرف وجهات النظر ..
عشان اشوف انا مبالغة بردود افعالي ولا صج الوضع بايخ ويلزم التغيير .؟

وسلامتكم .. :eh_s(22)::eh_s(17):









​

 

[نهى الأحمد]

الله يسعد مساج حبيبتي



حلو انه الانسان يحس بتأنيب الضمير

هذا يعني انه ضميره صاحي لانه صرنا في زمن الضمائر النايمه


انا ما اعمم هالكلام على الكل

بس اخص فئة معينة



رح ارجع لج واجاوب على الأسئلة

ولايضيق خلقج حبيبتي

 

[قطوه بيضاء]

باين عليج طيوبه وضميرج حي

انا مستحيل ازف الانسان اللي اضعف مني لاني ادري ماراح يرد

ممكن انسان قوي لو غلط ازفه بس الضعيف لا

فديت قلبج الطيب

 

[فلنتينو]

شووفي حبيبتي
شي طبيعي الانسان حزة الشي اللي ينرفز طبيعي يطلع من طووره ويقعد يهاوش ويعصب
حتئ لو اعصاابه هاااديه
في كل الناس

بس من تاخذين وقت تقعدين مع رووحج تندمين علئ اللي سوويته وتتحسفين

انا نفسج واايد اشياء اطلعني من طووري
بعدها بفتره قصييره اطخ واحس بتأنيب الضمير ليش زفت وهااوشت

الواحد لحضة العصبيه مايدري شيقوول ..

 

[ليه الجفآ]

الأسئلة اللي بطرحها عليكم : ..



- متى تطلعين عن طورج وتبدين تقطين حجي ما تثمنينه .. سواء هالخدم او السواوييق
أو حتى على اقرب الناس لج !

والله مااطلع من طوري الا اذا مجروحه من احب الناس .. واكون ساكته بس لاااحد ينبشني انفجررر ..






- الأهم من هذا متى تبدين تندمين على الكلام اللي قلتيه .. وشتسوين لا تندمتي تكابرين وتصرين ع موقفج ولا تصلحين الموقف عشان ضميرج يرتاح ؟؟؟؟؟؟؟؟

مااندم لما ارضى وارتاح بعدها اقول شسويت ..؟! ليش قلت جذي وجذي ..عاااد اصلح اموري بتعامل

يعني بشكل غير مبااشرر



- هل انتِ من النوع اللي اذا تعرض لضغوطات يحط حرته بالآخرين ....؟!!!!
وناويه تغيرين هالطبع ولا عادي مو حاسه انه سلوك سلبي , ينبغي تغييرهُ !

مااحط حرتي باحد كتوومه اسكت انسى الكلااام كلش

بس لااااا احد ينبشني ويحاجيني ... لاني اعتزل الناااس .. عشان ماااحط حرتي في احد ..


:







​

 

[شادن33]

خلاص الحلو فيج ان حسيتي بالندم
ياختي احنا كلنا جذي
من العياال والبيت
المهم الندم والاعتذااار

 

[PuPa^^SWeeT]

حلوو التندم وتانيب الضميير


وفيج الخير اللي فكرتي بالسايق اللي تعنى علشان ايي اخذج


ربنا يصبرنا


و جو الازدحام ينفرز الكل

 

[أإلع ـشق دلع ـهـأإ]

يدل ع طيبة قلبج

في غيرج يسب ويعصب ولآ يآنبه ضميره عآدي !!

 

[كراميلا مرة]

انا من مثلج واعظم بعد
اذا عصبت ماعرف شقول ولا ادري شسوي
بس حيل من النوع اللي اتندم على اي شيء اسويه حتى لو عادي
واذا زفه ولا صراخ اجلس اتعذب فتره يالله انسى لين اعتذر من الشخص
وودي واحاول اغير طبعي بس للاسف من اتحسن
ارد مره ثانيه للعصبيه
الله يهدينا

 

[granted]

اول شي قبل الموضوع فديت ردودج على البنات طريقة تفكيرج وتبسيطج للمواقف بمااني بالمشاكل الاجتماعيه اشوف ردودج
لمن تواسين البنات صج صج احس عندج موهبه من الله بهاالموضوع
لمن اقرى ردج احس خلاص كل السالفه تهون على صاحبة المشكله مو حشو صبري ومدري شنو
ماشاء الله كله اقرأ اقول فديتها الله يوفقها احبج في الله


- متى تطلعين عن طورج وتبدين تقطين حجي ما تثمنينه .. سواء هالخدم او السواوييق
أو حتى على اقرب الناس لج !

لمن اصير شايشه مسبقاً ويقوم حد يستفزني هني صج يصير لساني مدفعيه واقط حجي بس صج يعني مو تبلي بس يجرح نوعاً ما اكيد
واصارخ ومااحس اني اكتفيت لان هالحاله ماتفرغ احس تتصاعد مهما حجيت احس ابي بعد
اكره هذي الحاله احس اني غبيه

- الأهم من هذا متى تبدين تندمين على الكلام اللي قلتيه .. وشتسوين لا تندمتي تكابرين وتصرين ع موقفج ولا تصلحين الموقف عشان ضميرج يرتاح ؟؟؟؟؟؟؟؟

لمن اتندم على حسب الشخص اذا من اهلي اراضيه تبوسم على شوية صلاحيات ممنوعه مسبقاً اسمحلهم يتجاوزونها بس اليوم (رضاوه)lol باجر لا
اذا من الخدم لا والله اصير عاديه وجنه ماصار شي وعقب فتره اسبوع او شي اشتريلهم شي كرت او شي حق عيالهم بس من غير مايفهمون انها رضاوه بس بنفس الوقت مااحب انهم يكرهوني يكسرون خاطري اهم حالهم حالنا ياخذون على خاطرهم وينجرحون الدنيا حدتهم ومالازم يخسرون كرامتهم بعد


- هل انتِ من النوع اللي اذا تعرض لضغوطات يحط حرته بالآخرين ....؟!!!!
وناويه تغيرين هالطبع ولا عادي مو حاسه انه سلوك سلبي , ينبغي تغييرهُ !

والله ايه بس انا تعاملت مع هالصفه لمن احس ان الضغط واصل حده اصك على روحي بغرفتي ليمن اهدى
لاني لمن اغلط على حد ضميري يجلدني وانقهر من هالشي وهم اغلط زود شسوي بروحي
قلت احسن شي اصك على روحي لحد مايطيح الي براسي ساعتها اطلع لهم وانا زينه

 

[قمر بيت أبوها]

,

الأسئلة اللي بطرحها عليكم : ..​

- متى تطلعين عن طورج وتبدين تقطين حجي ما تثمنينه .. سواء هالخدم او السواوييق
أو حتى على اقرب الناس لج ! ​

الحمد الله ماحصل لي اني طلعت من طوري علي احد غير خواتي

- الأهم من هذا متى تبدين تندمين على الكلام اللي قلتيه .. وشتسوين لا تندمتي تكابرين وتصرين ع موقفج ولا تصلحين الموقف عشان ضميرج يرتاح ؟؟؟؟؟؟؟؟​

انا مااطلع عن طوري الا عشانهم لانهم يخربون حياتهم فاعصب عليهم ومنهم وعليهم
واندم لما اشوف يتحاشوني ويخبون علي فأقول أفا ياقمر ماعرفتي تمسكين اعصابكم عليهم شويه

- هل انتِ من النوع اللي اذا تعرض لضغوطات يحط حرته بالآخرين ....؟!!!!

وناويه تغيرين هالطبع ولا عادي مو حاسه انه سلوك سلبي , ينبغي تغييرهُ !
انا ماأحط حرتي يعني تأخر أحد ولا شي عادي عندي اهم شي بالاخير ان هالشي حصل بس خواتي المراهقات بصراحه يفجرون المخ :bbbiu:

الله يهدي خواتي ويعقلون ويريحوني شويات :yaaaaaarb: ​

:​

حبيت اعرف وجهات النظر ..
عشان اشوف انا مبالغة بردود افعالي ولا صج الوضع بايخ ويلزم التغيير .؟

​

مبالغه اكيد لان السايق تأخر لسبب وحتي لو تاخر من غير سبب تفاهمي معاه باسلوب لان مهما كان احنا بشر ومانبي غير الاحترام فيما بيننا

وسلامتكم .. :eh_s(22)::eh_s(17):
الله يسلمك حبوبه :eh_s(7):​

[/QUOTE]

 

[لحظآتَ]

نهى الاحمد ..:eh_s(17):
حبيبتي والله صاجة بكلامج ..
الزمن ماله ذنب البشر هم اللي نفوسهم تغيرت
الله يرحمنا برحمته ويعين ...
حيـآج الله بكل وقت وأي وقت

,

قطوه بيضاء :eh_s(22):
لالا انا شريره :eh_s(22): .. وخايسه
بس نحنْ نرى الناس والأشياء كما نحنُ لا كما هي
بالعامي .. كلٍّ يرى الناس بعين طبعه ياقلبي عشان جذيه تعتقدين اني طيبة ..
وهذا اللازم .. وإن شاء الله راح اقتدي فيج ..
حياج الله وهلا بج ^_^

,

فلنتينووو .. :eh_s(17):
معاج حق .. الإنسان طبيعته جذيه
بوقت الانفعال ما يثمن كلامه ولا يووزنه صح
هني يجي دور السيطره وتهذيب السلوكيات
لإن هذا اللي يفرقنا كبشر عن بقية الكائنات الحية ....
واعتبر اللي يوزن سلوكياته وانفعالاته هذا شخص سوي وقوي ايضاً ^_^
يالله ان شاء الله نتعلم نمسك انفسنا ونسيطر عليها ..
حياج الله يا عمري ..



/

ليه الجفا .. :eh_s(17):
أولاً اسم الله عليج من الجروح فديتج .. :eh_s(22):
وبنظري والله الواحد يمسك مشاعر الغضب اللي فيه ويتعوذ من ابليس
أما الحزن والضيقه حبذا لو ينفّس عنهااا
لأإن فيه عالم نفس ناسيه اسمه يقول ان المشاعر المكبوته والرغبات .. مع الوقت تتحول إلى عُقد نفسيه
يعني الضغوطات نفسي عنها بالقدر الطبيعي مو عاد تحطين حرتج بكل احد
وزين تسوين حل حلوو هذا انج تروحين غرفتج ليما تهدي اعصابج ... وتنسين
الله يكملج بعقلج يارب:eh_s(7):
وهلا بج
/



حي الله شادن 33 ..
صاجه والله وربي يعين كل أم شايله هم ومسؤوليه
محد بيلومها والله لاعصبت بس بعد حلو الواحد يسيطر على نفسه مثل ماقلت فوق
حياج الله اختي ..:eh_s(7):

/







​

 

[لحظآتَ]

بوبـآ سويت .. :eh_s(17):
أهلاً وسهلا ياقلبي مرحبااا ...
:eh_s(22):اللهم آميين أجمعين ....
وحيـآج الله اختي ..

,

العشق دلعهـآآ ... :eh_s(17):

أولاً الله يرزقج يارب بالذرية الصالحه السويه المعافاه
من كل عيب خُلقي وخِلقي اللهم آمييين
وعسى ربي يرحم جدج سعد ويغمده واسع الجنان ...
فعلا ً صاجه بكلامج ..
الله يجعلنا من اللي ضمائرهم حيّة وشغاله بكل وقت ^_^

,

كراميلا مُرة .. :eh_s(17):
حي الله عضوة نادي الكتاب
على فكرة من اشد متابعينج هناك .. انتِ وكذا عضوة بعد ..
ما لج بالطويلة .. حلو دامج عارفة ان اللي تسوينه غلط
معناته لج نيه ان شاء الله تحاولين تحاولين ليما تتغلبين على هالشغله السيئة !!
يالله نحاول حتى لو فشلنا اكثر من مره اهم شيء نتوصل للهدف اللي نبيه وهو السيطره على الذات ^^
اللهم امين ياقلبي والله يستر علينا وعليج من العصبيه وبلاويها

/



granted :eh_s(17):

أمبييييييييييييه :eh_s(22):
والله استحيت حييل .. ياعمري عمرج والله ...
أحبكِ الله الذي أحببتني فيه ...
مدري شقول أحس اني انخرست هههههههههههههه
تكفين لا تزعلين مني والله ما عندي اي رد مناسب للكلام الحلو اللي كتبتيه ..
ولا جان رديت على كل حرف انقال
كل اللي بقوله لج [ شكراً من عُمق القلب ] ...

,
فعلا هذي بعد مشكله تقهر
لما تكونين متضايقه من شيء او يعورج شيء واحد يستفز أو يحاول يغثج
ماكو الا حلّين يا تنفجرين بوجهه او تكتمين لحد ما تبجين ههههههه
وكل الحالتين .. اشكالنا فيهم تصير غبيه
والله عجبتني فكرة الرضاوه كرت ولا اي شيء ... شكلها راح تكون الحل الأمثل لنوبات تأنيب الضمير
وطلعتي نفس ليه الجفا .. حلوه والله سالفة اني اصك على روحي عشان اطخ تالي عاد اطلع لهم ..
يالله ان شاء الله بحاول أطبق كل هالحلول ..
ألف شكر لج حبيبتي حياج الله

:eh_s(7):


/



قمر بيت أبوها .. :eh_s(17):

ماشاء الله حاطه حرتج بس بخواتج ههههههههههه
يبا الخوات يهونون والله يعني حدها نص ساعه وترضـآ ..
بعكس الناس اللي ماكو بينكم ميانه وتفاهم ... هني صج تحسين بمغثه لا هاوشتيهم !

شكلج الإخت الكبيرة بالبيت صح؟
مدري حسيت من كلامج .. اذا صح فأحب اقولج تشرفنا .. لإني بعد ااعاني من هالمشكلة
لذلك احاول اصير متساهله وياهم غصب عني عشان يعلموني بكل أسرارهم ومايخافون مني
جربي هالطريقه ترى حلوه وحيل تنفع ..!
/
اللهم امين يارب تهديهم وتهدينا جميعاً ..
حياج الله ياقلبي نورتي









​

 

[تحت ظلك]

ﺍﻷ‌ﺳﺌﻠﺔ ﺍﻟﻠﻲ ﺑﻄﺮﺣﻬﺎ ﻋﻠﻴﻜﻢ : .. - ﻣﺘﻰ ﺗﻄﻠﻌﻴﻦ ﻋﻦ ﻃﻮﺭﺝ ﻭﺗﺒﺪﻳﻦ ﺗﻘﻄﻴﻦ ﺣﺠﻲ ﻣﺎ ﺗﺜﻤﻨﻴﻨﻪ .. ﺳﻮﺍﺀ ﻫﺎﻟﺨﺪﻡ ﺍﻭ ﺍﻟﺴﻮﺍﻭﻳﻴﻖ* ﺃﻭ ﺣﺘﻰ ﻋﻠﻰ ﺍﻗﺮﺏ ﺍﻟﻨﺎﺱ ﻟﺞ !*


لما أحد يستفزني ويغلط بحقي اكثر من مره خلاص هني افقد اعصابي




- ﺍﻷ‌ﻫﻢ ﻣﻦ ﻫﺬﺍ ﻣﺘﻰ ﺗﺒﺪﻳﻦ ﺗﻨﺪﻣﻴﻦ ﻋﻠﻰ ﺍﻟﻜﻼ‌ﻡ ﺍﻟﻠﻲ ﻗﻠﺘﻴﻪ .. ﻭﺷﺘﺴﻮﻳﻦ ﻻ‌ ﺗﻨﺪﻣﺘﻲ ﺗﻜﺎﺑﺮﻳﻦ ﻭﺗﺼﺮﻳﻦ ﻉ ﻣﻮﻗﻔﺞ ﻭﻻ‌ ﺗﺼﻠﺤﻴﻦ ﺍﻟﻤﻮﻗﻒ ﻋﺸﺎﻥ ﺿﻤﻴﺮﺝ ﻳﺮﺗﺎﺡ ؟؟؟؟؟؟؟؟





لا احاول اصلح الي صار ماأتحمل تأنيب الضمير


- ﻫﻞ ﺍﻧﺖِ ﻣﻦ ﺍﻟﻨﻮﻉ ﺍﻟﻠﻲ ﺍﺫﺍ*ﺗﻌﺮﺽ ﻟﻀﻐﻮﻃﺎﺕ ﻳﺤﻂ ﺣﺮﺗﻪ ﺑﺎﻵ‌ﺧﺮﻳﻦ*....؟!!!!

صراحه لا أحاول ماأظلم احد معاي ماله ذنب



ﻭﻧﺎﻭﻳﻪ ﺗﻐﻴﺮﻳﻦ ﻫﺎﻟﻄﺒﻊ ﻭﻻ‌ ﻋﺎﺩﻱ ﻣﻮ ﺣﺎﺳﻪ ﺍﻧﻪ ﺳﻠﻮﻙ ﺳﻠﺒﻲ , ﻳﻨﺒﻐﻲ ﺗﻐﻴﻴﺮﻩُ !


الحين انا بديت أغير أشياء فيني احاول اهدي نفسي واتعامل اكثر شي ببرود قدام الناس


: ﺣﺒﻴﺖ*ﺍﻋﺮﻑ ﻭﺟﻬﺎﺕ ﺍﻟﻨﻈﺮ*..* ﻋﺸﺎﻥ ﺍﺷﻮﻑ ﺍﻧﺎ ﻣﺒﺎﻟﻐﺔ ﺑﺮﺩﻭﺩ ﺍﻓﻌﺎﻟﻲ ﻭﻻ‌ ﺻﺞ ﺍﻟﻮﺿﻊ ﺑﺎﻳﺦ ﻭﻳﻠﺰﻡ ﺍﻟﺘﻐﻴﻴﺮ .؟*



ميخالف الرسول صلى الله عليه وسلم كان رحيم بالخلق وكان رحيم بخدمه ..

يقول أنس رضي الله عنه

ﻟَﻘَﺪْ*ﺧَﺪَﻣْﺖُ ﺭَﺳُﻮﻝَ ﺍﻟﻠَّﻪِ ﺻَﻠَّﻰ ﺍﻟﻠَّﻪُ ﻋَﻠَﻴْﻪِ ﻭَﺳَﻠَّﻢَ ﻋَﺸْﺮَ ﺳِﻨِﻴﻦَ ، ﻓَﻮَﺍﻟﻠَّﻪِ ﻣَﺎ ﻗَﺎﻝَ ﻟِﻲ : ﺃُﻑٍّ ﻗَﻂُّ ، ﻭَﻟَﻢْ ﻳَﻘُﻞْ ﻟِﺸَﻲْﺀٍ ﻓَﻌَﻠْﺘُﻪُ : ﻟِﻢَ ﻓَﻌَﻠْﺖَ ﻛَﺬَﺍ ، ﻭَﻻ‌ ﻟِﺸَﻲْﺀٍ ﻟَﻢْ ﺃَﻓْﻌَﻠْﻪُ ﺃَﻻ‌ ﻓَﻌَﻠْﺖَ ﻛَﺬَﺍ "*



حتى لو ضايقتنا بعض الموقف حلو ان نتحلى بالصبر والحلم .


أشكر لج موضوعك الرائع

 

[حمام شاقني فنه]

انا بسرعه اطلع من طوري واقط كلام كبير بس اعتذر لكن اعتذاري يكون بتصرفاتي مو بكلمة [ آسفه ] ماتفيد هالكلمه بدون العمل بها فمثلا ازعل اخوي الصغير تلقيني من باجر اجيه اقوله تبي اغيرلك اثاث غرفتك <<<مجرد مثال


بس خدامتنا انا على طول ماسحه فيها البلاط هههههههههههههههههههههههه شغلها تعبان

 

[Sweet October]

اول شي ما شاء الله ع اخلاقج واحترامج :eh_s(7):

ذكرتيني بنفسي كنت ما احب يتأخر علي عشان لا اوقف برا والاوادم تخز ما احب بس يالله لا تتضايقين الواحد اذا معصب ما يدري شيقول ..



- متى تطلعين عن طورج وتبدين تقطين حجي ما تثمنينه .. سواء هالخدم او السواوييق
أو حتى على اقرب الناس لج !

لما اوصل حدي واكون ساكتة ساكتة فترة بعدين انفجر وانا اذا عصبت للاسف ما امسك اعصابي واقول كلام اندم عليه

- الأهم من هذا متى تبدين تندمين على الكلام اللي قلتيه .. وشتسوين لا تندمتي تكابرين وتصرين ع موقفج ولا تصلحين الموقف عشان ضميرج يرتاح ؟؟؟؟؟؟؟؟

مجرد ما يطلع مني الحجي اندم واتضايق حيل واحاول اصلح الموقف على طول

- هل انتِ من النوع اللي اذا تعرض لضغوطات يحط حرته بالآخرين ....؟!!!!
وناويه تغيرين هالطبع ولا عادي مو حاسه انه سلوك سلبي , ينبغي تغييرهُ !


والله مرات غصب علي احط الحرة باللي جدامي بس الحمدلله مو دايما وودي اغير هالطبع بس مو بيدي
وشي اكيد هذا شي سلبي


يعطيج العافية ع الموضوع الحلو :eh_s(17)::eh_s(17):

: