بعد مافرحت بالحمل ونجاح التلقيح!!طلع كيس فاضي..

[ضيم الليالي]

انا رجعت لكم يابنات وانا حزينه :0bee2e8d89:بس راضية بقضاء ربي
انا سويت تلقيح صناعي الشهر الماضي ونجح الحمدلله وحملت
وامس جاني نزيف ولما رحت المواساه قالوا الكيس فاضي مافيه جنين ولازم تسوين تنظيفات
بس الغريب انهم قالوا ان الكيس عمره 9 اسابيه وانا حامل 6 اسابيع بس

غيرت المستشفى ورحت لعيادة ماجده اليتامى وقالتلي ان الجنين بهالعمر مايبين بس الكيس مليان دم يمكن من المشيمة ..سوي تحليل هرموني
سويته...وطلعت نسبته وايد زينه بالنسبه لحالتي>>>>>>>>>>هذا كلام الدكتورة
وطلبت اني اعيده بعد 48 ساعه

انا مااعتقد في حمل ..مابي اتعلق بالامل لان الوحم راح وصدري راح بعد التورم اللي فيه
وانا اعرف نفسي عدل

انتو شرايكم؟

وتكفون ادعولي الله يصبرني ويعوضني عن حملي بتوأم سليم معافى

 

[مبدعة]

الله يعوضج خير حبيبتي و كل شي سبحان الله له فيه حكمة

 

[m e m e]

حياتي و الله ماعندي فكله صبري و شوفي شتقوول ماجده ايهي خوش دكتوره صاحبة خبره
لايضيق خلقج حبيبتي تفاؤلوا بالخير تجدووه

 

[تمر حنا]

ياقلبي انتي قدر الله وماشاء فعل وربي يعوضج ان شاء الله

 

[فرحه بلادي]

حبيبتي لاتتضايقين اذا في خير لج ربي يثبته ويرزقج واذا منه ضرر ربي يبعده

امني بالله ان الخيره فيما اختاره الله

وانتي صبري والا تفكرين خلاص ..اهم شي النفسيه ريحي بالج وتوكل علي ربج

 

[البيداء_77]

حبيبتي امي صار فيها جذي والحمدالله كمل حملها والحين اخوي ضابط كبير بس تقول انها كانت تلهم حلبه مطحونه والحمدالله الدم وقف ورد الجنين وزادت النساء عقب ما اختفت


انشاء الله الامل موجود وعليج بالدعاء واذا ربي ما كتبلج فهذي حكمته ولا تنسين تقولين اللهم اجرني بمصيبتي واخلفني خيرا منها

 

[بطة رشيقة]

حبيبتى لا تكدرين خاطرج هذا امر الله انتى خليج متوكله على ربج واذا ربى كاتب بيكون هالجنين بخير انشالله واذا ربى ماكتب ما تدرين وين الخيره فى الامر لا تكدرين خاطرج ودوم قولى ربى لا تذرنى فردا وانت خير الوارثين الله يرزقج ويشرح صدرج ...... يارب الله يرزقج بالذريه الصالحه

 

[كندوش]

لا يضيق خلقج حبيبتي وانشالله يكون خير ماتدرين نطري شويه وعيدي التحليل اختي كانت جذيه وقالولها سوي تنظيفات الجيس فاضي انطرت بعد اسبوع وسوت تحليل طلع في حمل
والله كريم

 

[زنوبة الحلوة]

حياتي واله الله يعوض صبرج انشالله ويرزقج الذرية الصالحة الهي امين

ويرزقج التوأم السليم المعافيى لازيادة في خلقه ولا نقصان وتقر عينج بشوفتهم

 

[أم الطيب]

حبيبتى لا تكدرين خاطرج ان شاء الله خييييييييييييييييييييييييير
تفائلي بالخير تجديه
ماكو شي على الله بعيد
الله يرزقنا الذريه عااااااااااااااااااااااجل غير اجل

 

[pink-rose]

قدر الله وما شاء فعل
حبيبتي لا تكدرين خاطرج والله يكتب الي فيه الخير ان شاء الله

 

[senyora_q8]

ضيم الليالي انشاء الله تكونين حامل بأثنين بنت وولد وعسى ربي يثبتهم لج وتفرحين [اسرع وقت وإذا ما كتبلج نصيب هالمرة صدقيني خيرة من رب العالمين وانشاء تكونين حامل وإذا مو حامل انشاء الله ربي يرزقج بتوأم حلوين وطمنيني عن آخر ألخبار

 

[Snow-White]

يا حبيبتي الله يعوض عليج ان شاء الله ويرزقج باللى تتمنينه

 

[out of reach]

الله يعينج

 

[بمبرة]

:klhfl:
حياتي ضيم
تفاءلي والله الخيرة فيما اختاره رب العباد
واذا كان في بيبي عسى الله يثبته لج وتقر شوفتج فيه

 

[كويتيه مذهله 87]

حياتي عورتي قلبي
مدامج حملتي راح تحملين
وشوفي الله ياخذ ويعطي يمكن خيره لج
سوي تحليل مرا ثانيه واكيد كنتي حامل لا تقولين مو متأكده لان هرمون الحمل زين عندج
والله كريم

 

[هندااا]

ضيوم ...ان ان شاء الله يثبت ماتدرين....



في موضوع بمنتدى تأخر الحمل اهناك نفس سالفتج...روحي اقري موضوعها...اتقول ان قالولها ان مافي جنين بس جيس فاضي وقالولها بنسويلج تمظيفات بس ماصدقتهم ولا سوت تنظيفات وكملت حمالها وولدت ماشاء الله...


وانتي اتقولين ان نسبة الهرمون زينة ماشاء الله ...خلاص نطري ولهمي حلبة مثل ماقالت الاخت والله يثبته ان شاء الله وريحي نفسج ولاتتعبين...


الله لا يضيع تعبج يااااااارب

 

[ضيم الليالي]

بمنتدانا هذا ولا المنتدى الثاني؟
لاني دورت الموضوع مالقيته

 

[الفنانه79]

قدر الله وماشاااااااء فعل

دايما قولي اللعم اجرني في مصيبتي واخلفني خيرا منها اللهم امين

واذا في خير الله بيثبته لج اللهم امين

 

[Dloool_q8]

الله يصبرج ويرزقج التوأم المعافى يارب