بعد ماتغير الجو اليوم الأثنين شوفوا شنوا اللي صار

[عنب أحمر]

السلام عليكم ورحمة الله

صار لهم جم يوم يحذرون من عواصف ترابية والواحد مافيدة شئ طبعا وزارة التربية مو معانا بالخط لا حس لاخبر عايشين بعالم ثاني المهم اليوم الجو من الصبح تشوفونه بس بعد السعاة عشر زاد الهواء وشد الغبار حتى السيارة مو قادرين نوصل ها طبعا الوهقة إحنا بالدوامات وعيالنا بالمدارس واشتغلوا مسجات واتصالت تعالوا اخذوا عيالكم بسبب سوء الأحوال (( طيب انتوا عارفين شنوا فيها لو وقفتوا يومين بتغير شئ وإلا عيالنا محل تجارب وكله وإلا قناة الوطن تحذر من سوء الطقس مع أمطار خالية من الأشعاعات بعد شنو السالفة شدراكم مسرع حللتوها
حرام عليكم عيالنا أمانه تسألون عنها لا تجازفون بحياتهم الدنيا ملحوقة وقفوا سوا طرق ثانية والله الفصول غرف إعدام مو تعليم لا تكييف إذا شغال الصوت يجيب الصداع وإلا تصب ماي خربانه وين اللي تقول صيانه عندى استعداد أصور لكم مدارس عيالنا الساحات مكشوفة والماي مقطوع والبرادات مصدية ولا بنص الساحه غبار خافوا الله يامسئولين !!!!!!!!!​

 

[المنقسي]

صاجة إختي والله لاحقين على الدراسة بس صحة عيالنا أهم من كل شي ما يسوى عليهم يداومون وعقبها بشوي يدقون علينا تعالوا أخذوهم يعني شايفين الجو جذيه بعد إشحقة هاللوية انا والله ماراح أخلي عيالي يداوموون والله المستعان

 

[كرز حالي.]

شووفووووووا السعوديه معطبن الشعب 10ايام كسر روتين
صارلهم 3 سنوات جذي
واحنا دوااام بكل الاحوال والمناهج متعطلع وتذمرررر وقرارات مالها لزمه

 

[dnyay_mll]

يامعوديـن التربيـه من متى معطينا ويـه
من نفسـكم غيبـو عيالكم
وخل التربيـه تطق راسها بالطـوف
منو اهم الشهاده ولا صحة الياهل؟؟
انا عيالي فيهم حساسيه وربو
ماسوت علينا هالمدرسـه
لا والمصيبه الروضه يدقدقون اليوم ليش مغيبه البنت
يعلكم الشقوووووول
غيبوهم وخل يطولون اسبوع ماراح يسير شي

 

[اميره بكلمتي]

الله الحافظ

 

[شــــــــــــــوقــــه]

اول شي الحمدلله على كل حال احنا احسن من غيرنا

و الجو اليوم وايد اهون من العاصفة الي صارت

و احنا بالمدرسه طول اليوم محد طلع بس على اخر حصتين بدو يطلعون والحصة الاخيره قالو الكل يروح صالة البدنية

اهو بروحه خنقة و البنات يحوسون اخر شي طلعونا بره قبل 1 ونص يعني مسوين شي !!

بصراحه انا اشوف ان وايد مبالغين بالموضوع الغبار كان عادي ما يستاهل كل هذا

 

[عقــد منثور]

وزاره الحريم شترجون منها ؟ لو يصير شئ بهالطلاب منو المسؤول ؟

يووم ما راح يأثر على عجله التعليم .. شدعوه عاد احد راد عليهم .. الناس بتغيب عيالها ..

امس طلعت ولدى وباجر مادرى على حسب اذا غبار خفيف بيدوم والشكوى لله ..

 

[ريماس21]

بناات خلكم حقااانين يعني اصلن الطلاب ما يداومون من شهر يعني الله الحافظ ليش هالبلبله كلهاااااا


اللي فيه ربواا وغيرهه من يشووف الجوو لاا يودي وللده او بنت


حيل مكبيرين السوالف

الله يهدااكم وماايصيبناا الا ماكتب الله لنا

 

[جزيرةقاروه]

الله يعينا حنا الاهل طبعا

 

[على الطيب تربيت]

الله يعين بس

 

[اثمان]

اليوم راح اغيب اعيالى


امس كنت على اعصابى بالسياره اسوق مره اشوف ومره لا

 

[انا لحبيبي .]

الله الحافظ ​

 

[وردجوري]

حيل كبرتم السالفه الي يسمعكم يقول مومتعودين ع الغبار هذا جونا ماتغير شي

 

["بوح الجروووح"]

لا والله مو متعودين على غبار بهالشكل الغبار الحين اكثر واللي تقول عادي اشلون عادي الله يهداكم قبل الامطار تثبت التربه الحين غييييير

ليش ماتدرون ان ناس ماتت من ازمات ربو بالذات الاطفال مايتحملون ع الاقل خي يعطل الابتدائي مايعرفون يتصرفون حرام

 

[gardenai]

والله خواتي انا قريت الجريدة الصبح وغيبت اعيالي صدقت الخبر بس الحمدالله ما صار شي المشكلة اني ماني عارفة منو نصدق امس والله طلعت اعيالي من المدرسة ما خليتهم كلهم اصدور يارب شنسوي شنو الحل؟؟؟؟؟؟؟؟؟؟؟؟؟؟

يعنى الوزارة عارفة جونا كله اغبار ليش المدارس مفتوحة المفروض تكون مسكرة فيها اجهزة تقنية موصعبة السالفة تري

 

[منوووووله]

انتو من صجكم عيالنا متعودين عالغباار !! ليش محسسيني انه احنا مخلينهم اربعه وعشرين ساعه بالشارع ولا بالصحرا !!

اصلا اذا صار غبار حكرنا اليهال بالبيت وغطينا البيبان بفوط ماي
عشان الحساسيه والتنك والربوو


بالذمه الي صار امس معه عياالنا شي موطبيعي

داقين علينا تعالو اخذو عيالكم

والله اني رحت بسرعه المدرسه وتعالو شوفو اليهال مطشرينهم بالساحه والي بالبدنيه والي بصف

وتعالي طلعي ولدج والكل حاط كلينكس علا خشمه !!

ومن الزحمه صارت لوويه وعفيسه ونطري ساعه علا ماتلقين ولدج والغبار يطير بهلعبي والمنافع والعيون طبعا انترست رمل

اليهال شلووون !!

والله انهم من فوق لي تحت تقولين مطلعتهم من جيس رمل مغبر شعورهم وملابسهم كلها رمل تقولين كانو يلعبون بالتراب

والي يكحكح والي يمش عينه وايده كلها تراب شي ماينوصف

يعني تدرون في غباار ليش ماتنبهون من الليل خبر عاجل عالاقل عشان مانوديهم ويتبهذلون وفوق هاذا كله مادرسوهم

ويصاارخون بالصوت العالي لحد ايب عياله بااجر !!

بالله ليش هالفوضى !! وين الاهتمام وين التحذيرات على الاقل تصرفو معه اليهال نبي نظام شي يقهررررررر

 

[$ بنت علمي $]

اناا صرااحة مايبط جبدي الا اللي يقووولون احناا متعوودين على الغباارر..:rgewrg::rgewrg::rgewrg:..

احناا صج متعودين بس مومثل امس...:rgewrg::rgewrg:

لاتقولوون احنا متعودين السمااء تصير حمرااا والغبااار قوووي والهوواا يطير الشجر ...

لاتجذبوون ...:rgewrg::rgewrg:

امس مدرستناا فوضة امهاات والابهاات والاخو يطلع اخته والادارة امس كلهاا اهاالي خاايفين على عيالهم:eh_s(4)::eh_s(4):

وابوي امس مطلعناا من المدرسة لماا زااد الغباااار...

ويعني الاخباار الجوية محذرين النااس من الغبااار وقالواا انه قووي والرؤية منعدمة....

واليوووم غبناا والمدرسة كلهاا غاايبة....

وبااجر إن شااءلله بندااوم بعدين صرااحة خفناا من الغبااار وغبناا......:eh_s(4)::eh_s(4)::eh_s(4):

 

[ام خالد 78]

الحمدلله على كل حال

 

[عنب أحمر]

الخوات اللي تقول مبالغين بالموضوع الظاهر الاخت عايشة بر وغبار وتراب علشان جذيه مستغربه من ردودنا
لا حبيبتي مو متعودين على جذيه جو سبحان ربي له حكمة هذا من ذنوب الناس قل المطروتغير الجو وتحمر السماء لا يبا صحه عيالنا اول على الاقل البيوت مسكرة ولا مدارسهم المكشوفة

 

[مطيرية متواضعة]

كافي ازعاااااج

هذا جونا والي مايبية يشوفلة جنسية ثانية

خربت الدولة من الدلع الزاييد
​