بعد شهرين عرس اخوي

[هيااام]

السلام عليكم ورحمة الله وبركاته
شخباااااركن بنااااات
عساكن بخير ومرتاااااااااحااااات .. دووووم مووو يووووم

.. حبيباتي انا مشكلتي واضحه من القسم والعنوان ..
انا وزني 90 وطولي 160 وللاسف موقادره على حالي حيـــــــــل
وما اقدر اقااااااوم الاكل
والله تعبت من حالي حيل واتحسر كلما اروح للسوق
اقول متى يارب اقدر البس مثل هالملابس الحلوه مالت علي

انا بنت مو متزوجه وعمري 24 حتى سعيد الحظ مو راضي يجي
والسبب اني متينه
كل الناس تقولي انتي حلوه تهبلين بس متنج وسمنتج مخربه عليج
وتخيلوووو يابنات
اخذت شهادة تمريض وقريب ان شاء الله اتوظف واصير ممرضه

وللاسف قاعده عن امي للحين ماتزوجت
والسبب الوحيد اني متينه

والحين فرصتي ان الناااس تشوووفني من قريـــــب
لازم اضعف بس شلوووووووووون
عرس اخوي بعد شهرين بالضبط

افيدوني ياناس بنصاااايح مو نظام غذائي
واقلل اكثر شي من شنو واكثر من شنوووو

ابي تجاربكن ونصاااايح

 

[اوبراا]

نفس مشكلتي وهم اكو مشاكل غيرهم دشي موضوعي ااااااااااه هموم

 

[كويت الاناقه]

موفقه ياارب وان شالله تضعفين ياارب

 

[((قاهرتهم))]

انشاءالله تضعفين قبل عرررس اخوووج انا اقول لو تدخلين قسم يوميات سمينات ونحيفات
واشتركي معانا نشجع بعض

 

[هيااام]

هلا فيكن حبيبااااتي
الله يوفقكن ومشكووووووورات على المرور ..

.. انتظر الباقي ..

 

[أم خـــدود]

تقدين تنزلين عشرين كيلو خلال شهرين والله بس بشرط روحي دكتور تغذيه والله تضعفين وبتدعيلي

روحي محمد ربيعه

ودعيلي بالتوفيق والزوج الصالح

 

[" ام حمود "]

ان شاءالله تضعفين .

 

[مرحبا بقدوم خلي]

الحقي الحقي على نفسج اول شي اشتري القهوة الخضرا اي نوع روحي الحواج مال النزهة او اللي باي جمعية في بكيفان واحد وعندج بقرطبة وفي ببلازا السالمية القهوة الخضرا اي نوع وكل يوم على الريج قلاص ماي حار مع القهوة واصبع نسكافيه او كابتشينو اللي تحبينه وقولي ((بسم الله الذي لايضر مع اسمه شي في الارض ولا في السماء)) واستمري عليها هالشهرين وشوفي بترقصين رقص بالعرس وبيكون وزنج 70 او 73 ومرتااااحة وشكلج عجيب والاكل اكلي كل شي تبين ربع بس مو نص الاكل ربع
هذا هو الحل الوحيد اللي راح يظبط كل امورج ومبروكييين وموفقه خير

 

[بحرينيه كشوخيه"]

كثري من رياااضه وقللي من أكل المطاعم والجوكلت وشربي شاي أخضر ثلاث مراات بااليووم

والله أنج بتدعيلي بلسبووع تنزلين 3 لي 5 كيلوو بس لازم رياضه ركض أو مشي ساعه

 

[شوشو الشقيه]

اختي عندي رياضه نصف ساعه مشي ونصف ساعه رقص
وعشر دقايق 10 ركوب الدرج

وشربي على ريق نصف ليمون مع ماء دافيء
وبينزل وزنج


عندج وقت واايد
اذا كل شهر تنزلين10 كيلو
في خلال شهرين بتنزل

 

[فجر_الكويت]

ان شاء الله تضعفين بصحه وعافيه يارب

 

[&موناليزا&]

حبوبه الحل الوحيد دشي نادي واستمري على جاي الاعشاب وقطعي المعجنات والشبس والوجبات السريعه والنشروبات الغازيه

انصحج بشده بوجبات دايت كير

 

[هيااام]

مشكووووووووووووورين بنات على النصاااايح
والله استفدت منكن كثيـــــــــــــــر
يسلموووووووو
الله يوفقكن ويرزقكن السعاده والرضا

.. والله يعينني على نفسي ويعطيني القدره على ضبطها ..

 

[اخت خالتهم]

انا وزني اللحين تقريبا 69
و طولي 163
بس شكلي اضعف لان الرياضه مفيييييييده يعني وزني الزايد عظااام عرررفتي ؟؟؟
الرياضه ما تخليج تزيدين تقوي عظامج تخليهم امتن
والا الشحم كله يروح
جسمج يصير حلووو
واللي ورا حلوه
و شكلج طبيعي

شوفي
رجيمي كان مع رياضه ساعه الى ساعه ونص باليوم مشي

الريوق : عصير برتقال أو جاي حليب مع بخصم 2 ملوت رجيم
بين الغدا والريوق
ماي او نسكفيه بسسسس
الغدا .. توستتين سمر مع مرتدلا و شريحه جبن و خس مع جاي حليب وقفشة شكر وحده او بدون شكر
بين الغدا والعشا بس ماي و ممكن جاي
العشا
رقي مفتووووح
او برتقالتين

والله يوووفقج يارب

والغدا تقدرين تخلينه 6 قطع شيش طاووق او صدر دياي او سلطه مع جبن


على فكره هالحجي قبل سنتين كان وزني 81

و نزلت صار 66
ب3 شهور
و الوزن الي زدته من الرياضه و زدت يمكن 3 كيلوات شحم واللحين قاعد انزلهم
بس وزني ما يزيد عن 74 لاني سويت رياضه فـ شد جسمي الحمدلله

اهم شي العزيمه

 

[عز الخويه]

اهم شي مثل ماقالوا البناات قطعي النشويات والمعجناات والكاكاو وخففي اكل وشربي اعشااب وريااضه وربي يوفقكج:yaaaaaarb:

 

[فدوووو]

ياااااااااااارب تنحفين واسمن انا

 

[هيااام]

يسلموووووووو بنوتااااااات
كل الشكر لكم
ويعطيك ربي عاااااافيه

الله يعيني ويقويني على نفسي ..

 

[CuTe KuwaiTia]

الف الف مبروك ربي يوفقه وتشوفون عياله

حبيبتي انتي وزنج مو لهالدرجة يخوف

غيري بالنظام تحركي اكثر لا تاكلين بليل ان شاء الله تخفين وبالاسبوع الواحد تحسين بالفرق

موفقة الله يسهل عليج

 

[حلا..]

والله انا مستغربه منكم يالسمينات هيام حبيبتي ليش ما تروحين لاخصائي تغذيه يحل مشكلتج باقل من شهرين
نصيحتي لج دوري على اخصائي شاطر وروحي له

موفقه يارب​

 

[حلا..]

روحي لاخصائي تغذيه شاطر هو الوحيد الي بيحل مشكلتج والارادة تلعب دور :eh_s(8):
انا ابي امتن شلللللللللللللللللللللللللللللللللللللللللون؟؟:eh_s(11):