:eh_s(10):السلام عليكم كويتيات
شلونكم ان شاء الله تكونون بخير
:eh_s(7):
اليوم عندي لكم شي حلو :rerrerek:
اول شي احب اقولكم اني متابعه المنتدى لكن ماشارك بحكم انشغالي بشغلي و تجارتي و هذي اول مشاركة لي و راح تلاحظون هم اني ماشارك وايد
قبل يومين و انا اتصفح و اقرى مواضيع البنات مت من الضحك لما شفت ردود البنات على توزيعات ارباح بيت التمويل الكويتي المخيبة للآمال :eh_s(4):
في وحده كان ربحها دينار و مادري جم فلس ماكانت تكفي حتى حق وجبة كنتاكي :krkrkr:
و غير الردود الثانيه والله مت من الضحك دمهم صج كان خفيف
انا الحمدالله تاجرة و بفضل ربي و بتوفيق من الله ماشيه بشغلي و براس مالي و الحمدالله ضامنة ربحي
ففكرت و قلت خل افيد و استفيد و قلت استثمرلكم راس مالكم اذا حابين
للامانه انا ابد مابيوم استثمرت مال احد .. دوم اشتغل بفلوسي ومو محتاجه الحمدالله بس الفكره ان اذا قادره افيد غيري ليش لأ و الحمدالله اعرف اقدر ارباحي و ان كان في خساره لاسمح الله اعرف حدودها و اقدر اغطيها
و اضمن حقكم بإذن الله كوني دارسه الموضوع وشغالة فيه.
ندش بصلب الموضوع ..
اولا ً : شنو ربحكم او استفادتكم من هالاستثمار؟؟؟
:eh_s(10):
اول شي كنت بمشي على نظام الودايع .. يعني تحطين فلوسج بأمان عندي نفس الوديعة استثمرهم لج و اعطيج عليها فايدة أعلى من البنوك كلها و كل ثلاث تشهر تنزل الفايدة بحسابج او تستلمينها كاش مني و بنهاية السنة اردلج وديعتج .. بس في شي طافني و طافكم ! الودايع حرام لأن عليها فايده :/
فقلت خلاص اعتبره استثمار لكم و احدد لكم الربح .. طلع هذا هم حرام لأن بالاسلام يقولج ان نسبة الربح لاتحدد مسبقا ً و ان الشريك لازم يشارك بالربح و الخسارة :/
و احنا الحرام مانبيه فالحين شنو ؟؟؟
:bbbiu:
اللي اقدر اسويه اهو التالي : اعتبريه نفس استثمار بيت التمويل بس بربح ان شاء الله اعلى.. انا اوعدكم ان ان شاء الله ربحج مضمون و كتقدير(انا ماحددت .. مابي احددها عشان لاتصير حرام لكن هذا تقديري من خبرتي ودراستي) بين ال10% و 12% ان شاء الله و حسب الاسلام المفروض تشاركوني الخسارة لكن هالشي انسوه ماراح يصير لأن بإذن الله انا ضامنه حقكم.. اعتبريه حساب توفير فلوسج مضمونه فيه و تنزل عليه الارباح و بنهاية السنة تردين تاخذين فلوسج.
بالسنة ان شاء الله تنزلج الارباح كل ثلاث تشهر بحسابج او تستلمينهم كاش و ماعندي شي اسمه ماكو ارباح :eh_s(1): لأن بإذن الله ماكو خسارة ان شاء الله.
ثانيا ً : جم المبلغ و شنو الاستثمار ؟؟
اول شي تجارتي اللي شغاله فيها لها مبلغ معين فماقدر ازيد عنه و لا اقل و هم له فترة زمنية معينه.. و انا اشتغل بروحي فمابي استثمر مبالغ فوق طاقتي عشان لا انضغط و عشان اقدر صج اركز على ارباح القروب اللي معاي هذا غير مجابل تجارتي.. ومابي احد ثاني يشتغل معاي بفلوسكم عشان لا بغلطة منه يضيع حقكم وتدرون هذي امانة و مسؤولية.
من جذي عدد الاشخاص اللي راح يدخلون الاستثمار معاي محدد و بس يكتمل المبلغ وعدد الاشخاص راح اوقف ..
و اللي حابين و ماحصوا مكان راح احطهم عالانتظار لين يصير موعد الاستثمار اللي وراه
كل مستثمرة قيمة استثمارها 500 د.ك و تقدرين تدخلين بشخصين او اكثر لين يكتمل العدد بمبلغ الاستثمار المطلوب
الارباح ان شاء الله بحدود ال 10% لي ال 12% ( و اذا الله وفقنا بحاول اكثر) تنزل بحسابكم البنكي كل ثلاث تشهر او كل ست تشهر او بنهاية السنة مثل ماتحبين
مدة الاستثمار سنة عقبها تردلكم فلوسكم اقصد فيها ال500 دك , و اللي حابه تقدر تجدد و تستمر .. و اللي تبي تنسحب تبلغني قبلها بشهرين عشان يمديني ادبر الموضوع و ماتستحق ارباح الفترة الثانية لأن راح تخربط الاستثمار .. يمكن تشوفون شهرين وايد على مبلغ مثل هذا لكن تخيلوا لو انسحبت اكثر من وحده فجأه راح يكون في خلل بالميزانية و الاستثمار راح يتخربط وراح انحط على اعصابي.
اما الاستثمار فهو علي و هو سر مهنتي فإعذروني ماراح اقدر اقول سر مهنتي 
ثالثا ً : شلون تضمنون حقكم و تتأكدون ان انا مو نصابة
:bbbiu:
1- اول شي راح تلتقون فيني ويه بويه و تتعرفون علي شخصيا ً .
2- بما ان العقد شريعة المتعاقدين فراح نوقع انا و انتوا على عقد و ابصم لكم عليه عشان تضمنون ان مافي تزوير بالاسم او شي جذي .. ينحط فيه اسمي و رقم بطاقتي المدنية عقب ماتشوفينها و عنواني و البنود كلها عشان تضمنين حقج و انا هم عشان لحد يشتكي علي و يقول باقت فلوسي و انا مسكينه قاعده استثمرهم L اضمن لي و لج.
3- انا تاجرة و ماعندي مكتب فاللي حابة تشارك تكلمني و تشرفني ابيتنا عشان تضمن اني ما انحاش لووول.
و الحمدالله احنا عيال الديرة و بفضل الله خيرها مغرقنا مانحتاج ننصب و نبوق
و رجاءا ً خواتي عندي طلب ..
في ناس شوي اسلوبها يجرح :eh_s(14): و انا وحده حساسة وايد يعني كلمة ترفعني السما و كلمة تقطني بالارض .. اذا مارتحتي للموضوع قوليلي اختي يعطيج العافيه و خلاص لحد يسمعني كلام ماله داعي لأن في ناس تجرح وايد و هي على غلط و انا ماعندي لسان ارد كلش ممكن انا اكون على غلط نوريني باسلوب حلو J
رابعا ً : التوفيق من الله و ان شاء الله خير وان شاء الله اكون سويت كل شي حسب مبادىء دينا الاسلامي و ارضيت ربي بعده انتوا..
:yaaaaaarb:
اللي حابه تشارك حياها الله و اللي عجبها الموضوع دعواتها لنا و اذا ماحبيتوا الموضوع عزيزين و غاليين و راح اكون كسبت صداقتكم و الخلاف مايفسد للود قضيه :eh_s(7):
اي استفسار انا حاضرة .. اللي تبي تراسلني عالخاص
