بعد الولاده تعبتتتتت

[$$king moon$$]

مسااااء الخيررر
بنااات الحمدالله ولدبتاريح 11/1
وعقب طلعتي من النفاس باسبوع بلش فيني
عوار موطبيعي بعظامي
ظهري وساقي وايدي وركبي بموت من العوار
وحتن البندول مايسوي شي حيل تعبت
وامس رحت الافنيو وانا امشي بغيت اطيح من العوار
يعني لازم اقعد مااتحرك ولاامشي وايد
بس اروح السوق او ابذل اي مجهود يبلش عوار عظامي
بنااات الله يخليكم منو صار فيها جذي نفسي
وشنو الحل
مع العلم اني تنفست عدل مدل وخذيت اللهوم عدل
بانتظام وحتى شريتها من ام خالد الهاجري
الله يعطيها الف عافيه
فيدوني بنات والي ماعندها رد رفعيلي الموضوع
الله يرفع من قدرج

 

[انا لها شمس]

الله يعينج انا صارلي ٧ شهور والده وبمووووووت من ظهري بعدني

حسب يمكن اذا كنتي ضعيفه الحمل وااايد ياثر ع ظهرج والعمود يتقوس وبعد الولاده
يبدا تدريجيا يرجع لوضعه الطبيعي بس يبيله رياضه تقوين فيها عضلات الظهر

انا كان وزني وانا حامل ٦ شهور ٦٣ كيلو حيل تعبت من ظهري وريولي


واستمري ع الرياضه عشان تقوين عظامج

وكثري مساج يريحج بعد


ماتشوفين شر

 

[سارة ة]

اااااااااب

 

[$$king moon$$]

الله يعينج انا صارلي 7 شهور والده وبمووووووت من ظهري بعدني

حسب يمكن اذا كنتي ضعيفه الحمل وااايد ياثر ع ظهرج والعمود يتقوس وبعد الولاده
يبدا تدريجيا يرجع لوضعه الطبيعي بس يبيله رياضه تقوين فيها عضلات الظهر

انا كان وزني وانا حامل 6 شهور 63 كيلو حيل تعبت من ظهري وريولي


واستمري ع الرياضه عشان تقوين عظامج

وكثري مساج يريحج بعد


ماتشوفين شر

بعدقلبي ماقصرتي بس مولازم اخذ حبوب كالسيوم
ولا مولازم بس رياضه كافي

 

[ام اغلى الناس]

الله يشفيج
يمكن نقص كالسيوم
يمكن ماكنتي تاكلين كالسيوم وفيتامينات
سوي تحاليل وراجعي دكتوره

 

[مربى و قيمر]

الله يشفيج يارب

 

[جمالي خيالي]

حايشج برد

تغطسي بماي حار

 

[كتالونيه]

ررررفع

 

[sweet-love]

حبيبتي ماتشوفين الشر
انا اتوقع فيج نقص كالسيوم ونقص حديد فالا فضل اتسوين لج تحاليل وتاكدين
لاني انا جذي وسويت تحاليل وعقب خذيت حبوب كالسيوم وحديد بس كل واحد تاخذينه بوقت غير مايصير تاخذينهم مع بعض

 

[اسطورة الليلك]

شكل عندك نقص في فيتامين ب
حاولي تاخذين مكملات غذائيه

 

[نورالدنيا***]

شوفي انا مرت علي هالحاله وكتبلي المستوصف الحكومي ابر فيتامينات جنه 6 ابر عقبهاارتحت

 

[عنووشه]

حبيبتي حاااايشج بررررد

جيبي رداده تسوي لج مساج وكاسات هواا


تدفي عدل


وبعدين توووج وااالده ليش تطلعيين السووق توو الناس



لا تستهينين بالنفاس ترا اذا ما حافظتي علي نفسج بيعوور اعظامج الهواا

 

[زهور المحبة]

الحمدالله عالسلامه
حرام عليج توج والده شلون طالعه السوق
تو الناس وبعدين هالعوار اخاف داخلج هوا من الطلعات

يبيلج رداده زينه جيبيها خل اترددج او صينيه ادلكج واتسويلج كاسات هوا
ولازم تتدفين عدل عظامج وجسمج كله مساماته مفتوحه يدخلج الهوا حتى مع اذونج
وجلدج

 

[a-a-alrajhe]

حبيبتي فيج نقص كالسيوم سوي تحليل احسن..
((انتي والدة 1/11 يعني طالعه الاربعين 10/12 البنات يقكرون انتي والدة11/1 هذا اللي فهمته صح...؟؟!!)))

 

[عالمي المجنون]

يبي لج ردادة ترد اعظامج و سوي كاسات هوا

انا كنت جذي من ترددت و سويت كاسات الهوا وااايد ارتحت

وسوي لج اسبوع وترك مسااااج

 

[cute_batoota]

اتوقع ان نقص كالسيوم لان اهو الي يسبب عوار جذيه الله يشافيج ان شاء الله سوي تحليل وراجعي دكتورج وان شاء الله ما فيج الا العافية يارب

 

[اميرة في اخلاقي]

حبيبتي هالله هالله بحليب مع الحلبه وحده بوحده يقوي العظم كل يوم اشربيه وادعي لي

 

[قمرالكون1]

اتوقع نقص كالسيوم الله يقومج بسلامه ماتشوفين شر قلبي أخذي فوار كالسيووووم

 

[$$king moon$$]

حياتي والله ملكم حبايبي ماقصرتوا
اتصدقون سويت سيرج بالنت وشكله فيني التهاب بالعظام
او بداية هشاشه لاني ماخذيتي الفيتامينات فترة حملي بانتظام
وبالنسبه حق ولادتي انا ولدت شهر 11
يعني 2011/11/1
بس كلش موترقعه مااقدر امشي ريولي اتعورني وركبي وظهري
والله اول مره احس بالعوار الي يحوش يدتي
ياعات اقوم بليل ابجي والله من العوار شفتوا عوار الاسنان والصداع
جذي واكثر بعد
بروح ان شالله باجر اسوي تحاليل
نصيحه بنات الي حامل هالله هالله بالكالسيوم والفيتاميات
لايصير فيكم جذي

 

[$$king moon$$]

حبيبتي هالله هالله بحليب مع الحلبه وحده بوحده يقوي العظم كل يوم اشربيه وادعي لي

المشكله الحلبه اتمتن وانا قاعده انزل وزني
بعدقلبي