بعد اقل من اسبوعين ولادة.. صدري نشف

[أميرة-]

بنات اكتب لكم ودموعي على خدي

انا كنت ناويه ارضع ولدي طبيعي على الاقل اول 6 اشهر

اول يومين بالمستشفى كانوا يرضعونه صناعي طلعت البيت واصريت اعطيه صدري شوي بالبداية كان يطلع نقط بعدها قام يدر واعتمدت تقريبا اسبوع على صدري ماعطيه صناعي الا مره او مرتين باليوم فجأة بدون مقدمات وقف الحليب قسم بالله قلبي يعورني على ولدي احس بيموت من الجوع اعطيه شوي صناعي بس مابيه يتعود عليه

قولوا لي شنو اسوي .. الحين اخذ حبوب حلبة واكل رهش ومكسرات وتغذيتي زينة بس ماكو حليب شالدبرة

الخين اعطيه صدري حبيبي يبجي يبجي مافيه حليب يكسر خاطري اسوي له رضعه

 

[مملكه الود]

حاولي تشفطينه ويطلع الحليب واكثري من شرب الحليب والحلبة
ودهني صدرج مع التدليك واذامافاد مالج الا حليب صناعي بس لاتخلينه
يجوع والحمدلله على السلامة
ادعيلي اولد طبيعي لان باقي شهرين على الولادة
اتمنى اكون افدتج

 

[مذهلة2013]

اخاف متحجر ؟؟؟؟؟

حطي فوطه فيها ماي حار مايل للدافي وحطيه على صدرج وسويله مساج وبيطلع حليب ان شاءالله

 

[mrs.abk]

شكله متجر وضعية البيبي موب صح في الرضاعة

ارجعي لقسم الولادة خلي النيرس تعلمج عدل

دايما استعملي مخدة الرضاعة واحررصي ان كل ثومة الصدر في حلج البيبي


اشربي عصير رمان بكثرة

رضعي البيبي كل ساعتين وخليه يرضع 20 دقيقة من كل صدر ع الاقل

فيه شاي للرضاعة اسمه نيرسين تي موجود ف يالصيدليات

 

[انتيكا]

صاجين البنات يمكن متحجر سوي نفس ماقالوا حطي فوطه ماي حار و مساج وشربي سوائل وايد وكل شوي خل يرضع منه البيبي عشان يدر