بطاقة الخير من بيت التمويل

[ام عفراء]

السلام عليكم ورحمة الله وبركاته

حبيت اسأل عن بطاقة الخير مسبقة الدفع من بنك التمويل الكويتي

في احد جربها واستخدمها ؟

وهل تنفع في الطلب من مواقع بالانترنت ؟ والا مايقبلونها ؟

باختصار

ابي تجاربكم مع هالبطاقة قبل لا اعزم واطلعها

 

[shai5at al3arab]

انا اليوم مستلمتها

رحت بفتح بطاقة تمويل نت قالوا لي اهي ما تمشي بكل المواقع

وامدحت لي الموظفة بطاقة الخير ، قالت تمشي بكل المواقع العالمية وما تنرفض

وميزتها اني انا اعبيها باي مبلغ ابيه ، يعني احول لها من حسابي واشتري فيها .. مو يقصون من حسابي مع المعاش مثل الفيزا

لا مثلا بشتري شغلة ب200 دينار ، احول لها 200 دينار واشتري ..

واول ما استلمها تكون ما فيها شي صفر وانا احول لها .

ووبس يعني وايد اقتنعت فيها وانا وايد محتاجة لها.

بس في شغلة ما قالتها لي الموظفة ومكتوبة بالبروشور ، انهم ياخذون نسبة حق التبرع

المهم رفيجتي فهمتني انه بالسنة يقصون منج 5 دنانير ويتبرعون فيها حق الحج والعمرة ، عشان جذي يسمونها بطاقة الخير .

 

[اللولو]

ايه حبيبتي انا مجربتها..وتنفع للطلب من النت او حجوزات الطيران والفنادق
وطريقتها انج كل ماتبين تستخدمينها تعبينها بالمبلغ الي انتي محتاجته عن تمويل اون لاين او طريق خدمتهم الهاتفيه..
نصيحتي لج اخذيها وانتي مغمضه لانها وسيله آمنه..
واي سؤال انا حاضره اختي

 

[ام عفراء]

shai5at al3arab

و

اللولو

:stars:

شكــــــــراً ماقصــــــرتوا

:eh_s(17)::eh_s(17)::eh_s(17)::eh_s(17):

 

[شموخ شيوخ]

والله التمويل مووو مثل قبل لا ارباح سنعه ولا حتى خدمه وهالبطاقه آخر ابداعاتهم والمشكله ان موظفاتهم ما يوظحوون لج كل شي وانا جربتهم بالودائع قالوا لي شي وطلع شي ثاني وارباحهم بسيييطه مع انهم ما تضرروا بالازمه الاقتصاديه كثر البنووك الثانيه
انا انصحج تنطريين واسألي واكييييد تطلع لج سلبيات عن هالبطاقه موو متوقعتها

 

[أم فلان]

بس على فكرة المبلغ الي يتبرعون فيه مو من فلوسج من فلوس بيت التمويل

 

[sweet heart]

انا اقولج باختصار فاشله .. لان مثل اي حساب عادي مافيها زود..
توني لاغيتها لان مالها سالفه بس يبون يدبسونا بحسابات مالها داعي ..

 

[shai5at al3arab]

sweet heart انتي ما تفتحين حسابات مني والطريج

تفتحين على حسب احتياجج

يعني اذا انتي نوعج تطلبين من النت ، او تحجزين مثلا تذاكر سفر تحتاجين هالبطاقة

لكن اذا لا ، ماله داعي تفتحين وتكودين مثل ما قلتي

بالنسبة حق اللي يحتاجونها وايد زينه

 

[misspurple]

حبيبتي
وطريقتها انج كل ماتبين تستخدمينها تعبينها بالمبلغ الي انتي محتاجته عن طريق تمويل اون لاين
وتقدرين تستخدمينها في النت وبره النت يعني احسن من فيزا نت بس ان الاختلاف ان اول سنة مجانية بعدين ياخذون رسوم سنوية عكس الفيزا نت مجانا

 

[ام عفراء]

والله التمويل مووو مثل قبل لا ارباح سنعه ولا حتى خدمه وهالبطاقه آخر ابداعاتهم والمشكله ان موظفاتهم ما يوظحوون لج كل شي وانا جربتهم بالودائع قالوا لي شي وطلع شي ثاني وارباحهم بسيييطه مع انهم ما تضرروا بالازمه الاقتصاديه كثر البنووك الثانيه
انا انصحج تنطريين واسألي واكييييد تطلع لج سلبيات عن هالبطاقه موو متوقعتها

شكرا لنصيحتج

بس على فكرة المبلغ الي يتبرعون فيه مو من فلوسج من فلوس بيت التمويل

شكرا للمعلومة .. ماقصرتي

انا اقولج باختصار فاشله .. لان مثل اي حساب عادي مافيها زود..
توني لاغيتها لان مالها سالفه بس يبون يدبسونا بحسابات مالها داعي ..

انا ناوية اطلعها عشان ودي اجرب اطلب من الانترنت يعني حاطة في بالي انه لها وظيفة محددة

شكرا لمشاركتج

sweet heart انتي ما تفتحين حسابات مني والطريج

تفتحين على حسب احتياجج

يعني اذا انتي نوعج تطلبين من النت ، او تحجزين مثلا تذاكر سفر تحتاجين هالبطاقة

لكن اذا لا ، ماله داعي تفتحين وتكودين مثل ما قلتي

بالنسبة حق اللي يحتاجونها وايد زينه

اهم شي جربتيها في اكثر من موقع يعني ماشية اوكي والا في مشاكل لها مع المواقع ؟

شكرا لمتابعنج

حبيبتي
وطريقتها انج كل ماتبين تستخدمينها تعبينها بالمبلغ الي انتي محتاجته عن طريق تمويل اون لاين
وتقدرين تستخدمينها في النت وبره النت يعني احسن من فيزا نت بس ان الاختلاف ان اول سنة مجانية بعدين ياخذون رسوم سنوية عكس الفيزا نت مجانا

مشكورة للتوضيح

:blueSmCLR::blueSmCLR::blueSmCLR::blueSmCLR:

تسلمون بنات ماقصرتوا .. وياليت اللي مجربة مستخدمتها تذكر لنا اذا واجهت وياها مشاكل او شي لا سمح الله:080402ask_prv:


​

 

[noor sultan]

للرفع

 

[طير الحب]

انا اليوم مستلمتها

رحت بفتح بطاقة تمويل نت قالوا لي اهي ما تمشي بكل المواقع

وامدحت لي الموظفة بطاقة الخير ، قالت تمشي بكل المواقع العالمية وما تنرفض

وميزتها اني انا اعبيها باي مبلغ ابيه ، يعني احول لها من حسابي واشتري فيها .. مو يقصون من حسابي مع المعاش مثل الفيزا

لا مثلا بشتري شغلة ب200 دينار ، احول لها 200 دينار واشتري ..

واول ما استلمها تكون ما فيها شي صفر وانا احول لها .

ووبس يعني وايد اقتنعت فيها وانا وايد محتاجة لها.

بس في شغلة ما قالتها لي الموظفة ومكتوبة بالبروشور ، انهم ياخذون نسبة حق التبرع

المهم رفيجتي فهمتني انه بالسنة يقصون منج 5 دنانير ويتبرعون فيها حق الحج والعمرة ، عشان جذي يسمونها بطاقة الخير .

نفس الكلام انا اليوم مقدمه عليها

الزين انه لو بتشترين ب100 حطى فيها 100 واشترى على حسب اللى تبينه:eh_s(15):

 

[A.Designer_90]

ماقصرتو بنات أفدتونا وأنآ مطلعة وحدة بعد واللحين عرفت الطريقة
مشكورين

 

[LoloBlueStyle]

ليش كل سنه رسوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والله بيت التمويل عليهم سواااالف

 

[شوتايم]

انزين هالبطاقه لازم الزامي كل شهر احط فيها مبلغ معين ولا متى مابغيت حطيت فيها المبلغ اللي ابيه ؟؟؟؟

ودي اطلعها بس متردده

 

[sweet.sanfoora]

أنا مجربتها حجزت فيها الفنادق و تذاكر الطيران حدها عجييبة وثاني شي والأهم تاخذين أجر

 

[بدوية بملامح كشميرية 86]

انا فاتحتها من 5 شهور

وماشوف فيها زوود انا فتحتها عشان احط فيها فلوس لان بوفر فيها هههههه

 

[mi corazon]

بيييييييييييييييه ذكرتيني فيها فتحتها من سنه وسيت الرقم السري لول

 

[*أم*خالد*]

يعني بنك شكبره وفلوسه مليارات

مايلقى يتبرع ويرز اسمه ويطلع الخير باسمه الا من ورا ظهور الناس العاديين ؟؟

صج صج تجاره بالدين