بطء الكتابة عند طلاب ثالث ابتدائي

[عاصمة الجمال]

[السلام عليكم كويتيات انا عندي مشكلة ولدي بثالث ابتدائي وبطيييييييييييييء حيل بالكتابة لدرجة انة يرجع من المدرسة مو مكمل اللي كاتبة من السبورة كل ما سالتة قاللي امسحوة ما كملت ومادري شسوي من السنة اللي طافت واحنا على هالحال ابي حل بسرعة الله يعافيكم لا تطنشوني ابليييييييييييييييييييييييييز

 

[بتبوتااا]

الحال من بعضه والله .. نريد حلاااااا

 

[شهد_77]

اي واللللللللللللللللللللللله اصلا مايعرف يكتب شي الا اسمه واللي يحر زيادة ان الابله كله حاطتله صح وعلى شنو على كلمات غلط واحرف غلط تحسون كلش ماتبي الفكه

 

[ّأشواق]

رد : بطء الكتابة عند طلاب ثالث ابتدائي

نفس المشكله ..............

 

[درب الحنة]

رد : بطء الكتابة عند طلاب ثالث ابتدائي

اتوقع المشكلة من المعلمة لازم تساعدهم بالتدريب المتكرر

يعني كل مرة تقلل الوقت وقت مسح السبورة

فبيتعلم الطفل شوي شوي

رفع

 

[فراشة الوادي]

سبحان الله نفس الحاله بنتي جذي دخليه القاعده الحلبيه تأسيس

 

[om al ghaleen]

لا والمشكله الابله تكتب اين الباقي ؟؟؟ يعني مايعطون مجال للكتآبه


//

 

[ام خالد 78]

اي والله ولدي بثالثه وكاسر خاطري الكتاب صاير جنه جريده يلوع الجبد وكل دفتره ناقص يقولي يمسحون السبوره بسرعه

 

[um meshoooo]

same problem والحل القاعده الحلبيه انا دخلت بنتي الي 3 و الي 4 ولاحظت الفرق

 

[بنت الوفا]

رد : بطء الكتابة عند طلاب ثالث ابتدائي

يوووو جنج تتكلمين عن ولدي العربي والانكليزي دفتر نااقص وكتبها اكمل شنو يكمل وانتي مسحه السبوره مدري شسوووي حتي ولدي اللي بسادس نفس الشي نبيييييي حل عفيه بنااات

 

[بسكوتا كتكوتا]

ايه والله حتى انا ولدي بثالث ابتدائي نفس النظام كله اكمل

ولا لما اسئله ماما ليش جذيه يقولي

الاستاذ ما يخليني اكتب يقولي خلاص الحين صحه ثانية
اقوله ايه صح كلامه مايصير تكتب بحصة الاستاذ اللي بعده

حاول تخلص نفسك بنفس الوقت

واللهتعبانه معاه مفي هالموضوع

الله يستر

 

[ريوومة 1982]

و اللي ما يكتب بالاساس لانه ما بيبي شالحل معاه !!

واي ماخليت شئ ماسويته بس وهو ما يبي قلبه مو يم الدراسه مو غباء و لا بطئ بس كسل

اليوم الابله ماسكتني تقول ما بكتب ولدج بالحصه كلش !!!!!!!!

مع انه ولدي بثانيه بس ابي يتقوى

 

[همس الجــليــد]

رد : بطء الكتابة عند طلاب ثالث ابتدائي

واااااااااااي معاناتي مع ولدي بس انا اكشخ اشوي ؟؟؟؟؟؟؟؟
ولد اختي نفس الصف اسمله عليه سرييع ادق عليها وانكمل بالبيت خخخخخخخخ

 

[عاصمة الجمال]

يعني سنو سوي يا ربي حرام الدفتر كلة اكمل
اروح اكلم ابلاتة والا اشلون ابي حل

 

[ام نهارر]

رد : بطء الكتابة عند طلاب ثالث ابتدائي

والله تفس المشكلة بنتي بثالث وماتعرف تكتب ولا تقرأ ونص الأحرف ماتعرفهم جربت معاها كل شي بس مانفع مادري شسوي إذا تعرفون مدرسين تأسيس بلغوني واللي يعافيكم ،،،

 

[عقــد منثور]

رد : بطء الكتابة عند طلاب ثالث ابتدائي

الحال من بعضة ... يقوولى يمسحووون السبوره بسرعة ... وكل يوم اذكره اكتب بسرعة بس ماكوو فايدة

المفرووض الابلة تحط فى اعتبارها هالشئ وتراعى قدرات الطلاب ..

 

[برونزيه شقرا]

رد : بطء الكتابة عند طلاب ثالث ابتدائي

واااااااااااااااي نفس مشكلتي بنتي بثانيه وأحسها ضايعه بالطوشه حتى النقل تنقله غلط
تعبببببببببببببببببببببببببببت منها وتعبتها وياي مره أزفها ومره أقول ياهل ماتفهم مو منها من الابلات اللي مايأسسون عدل
وبين وبينج يوم الاحد من الساعه 4 انا بالقاعده الحلبيه
بسجلها لاني تعبت

 

[جورىة2]

رد: رد : بطء الكتابة عند طلاب ثالث ابتدائي

والله تفس المشكلة بنتي بثالث وماتعرف تكتب ولا تقرأ ونص الأحرف ماتعرفهم جربت معاها كل شي بس مانفع مادري شسوي إذا تعرفون مدرسين تأسيس بلغوني واللي يعافيكم ،،،

انا بعد اللة يعافيكم ابى مدرسة تاسيس:jumpon:

 

[بسكوتا كتكوتا]

بنات بليييييييز شنو الحل واللي يعافيكم

نبييييييييييييييييييييييييي حلوووووووووووووووووووووول

 

[استعجلت الرحيل]

رد : بطء الكتابة عند طلاب ثالث ابتدائي

واي مو انا بس والله مسكين ولدي كل يوم تكفخ وصراخ اهو بثالثه والدفتر يبرق من اللون الاحمر مايعرف يقرا ولا يكتب ويوم الاحد بسجله بالقاعده الحلبيه اخر قرار وايبله مدرسه تابع معاه لاني اذا كملت معاه يا ذابح يا مذبوح