بصير وزيرة من أول يوم احم احم

[طموحــة]

السلام عليكم

صباح الخير يا أبلات


ادري عقب ما تقرون الموضوع بتكفخوني وتقولون شوفيلج مكان ثاني

بس والله احب الشغل لو 24 بشرط يكون ضمن نطاق العمل المتفق عليه

بغيت أعرف شنو بنود التقييم اللي على أساسها تاخذون الامتياز

بإذن الله بصير مدرسة حاسوب وعلى بداية السنة اليديدة ابدي

طبعا ما حب سلك التدريس بسبة ان المدرسة مو بس تعليم انما تكون كالعبدة للمدرسة والمنطقة والوزارة سعياً للحصول عالامتياز

سبق اشتغلت والكل يشهد بجديتي واجتهادي وطموحي المهني

لذلك اود من الاخوات العزيزات ايضاح حقوق وواجبات المعلمة عامة ومعلمة الحاسوب خاصة

مع العلم بأني لا أقبل بأي عمل او نشاط خارج مهامي العملية

يصير ارفض اي عمل تعطينياه الناظرة او الوكيلة وبصراحة ما حب احد يامرني كلش ملش، دام فيه عقد بيني وبين الوزارة خلاص انا مو ملزمة باضافات!!!

واكو شغلة بعد اذا انا شغوله وحرچة وشقردية داخل الفصل فقط هل ممكن آخذ الامتياز؟

عفية اللي تعرف الاجراءات المتبعة حال رفضي التعاون مع الادارة اللي تكرف مثلاً لاتبخل عليّ


وعقب كل هذا اتوقع فيكم اللي بتقول هذي داشة بالقوة وهذا توها ماصارت مدرسة هههههه
بس عفية شوي شوي علي ادري رفعت ضغطكم

وميرسي مقدماً وعساكم عالقوة




*

 

[baby qa6wa]

upup
سبحان الله وبحمده سبحان الله العظيم
استغفر الله العظيم من كل ذنب عظيم

 

[طموحــة]

شدعوة وينكم يا أبلات

لهالدرجة مطيعات مالكم بعوار الراس ههههه

 

[Q8Buying]

للرفع

ومنكم نستفيد

 

[أنوار@@]

تبين الامتياز ............ مبادره............. يعني على قولة احدى الناظرات الله يذكرها بالخير لما جتنا التقارير اتفقنا ان احنا نكتب كل صغيره وكبيره انسويها فكتبنا مقصف والمناوبه ومربية الفصل الفلاني التميزفي اعداد البرامج المدرسيه والالتزام بحضور الانشطه داخل وخارج المدرسه والاشراف الاداري .............. جااان اتنادينا ناظرتنا الفاضله وقالت لنا في شفله ناسينها قلنا شنو فقالت ما كتبتوا الحضور للمدرسة صباحا والانصراف نهاية الدوام ....ههههههههههههه اتطنز فقالت هذا اللي انتوا كاتبينه قاعدين تاخذون عليه راتب ومعاش شنو سويتوا اعمال اضافيه فامسحوا كل اللي كتبتوه . ............ تقصد بادرتوا بورش عمل او معارض او دروس رياديه او صبغتي الصف او الممرات اوسويتي مجله وحطيتي اسمها بالصفحه الاولى وكلفتك ما لا يقل عن 100 دينار اذا سووووييتي هذولي تاخذين امتياز ولا احد يقدر يناقشك ( الاهم الالتزام بالحضور والانصراف وعدم الغياب او التاخير )

 

[Melazlaza]

لا حبتك عيني ما ضامك الدهر
صيري لدودة مطيعة بتحصلين الي تبين رفضي اصغر طلب او بنظرهم اصغر امر من اوامرهم وبتشوفين الويل لووووول هالمجال الزين فيه ما يكمل
كنت اركض ركض والله شاااااااااااغولة والناظرة كانت خووووش مرة قايلة حق موجهتي هذي شاغولة وشاطرة ماراح تكمل بالتربية لوووول وكاني مستقيلة وقاعدة بالبيت فكة من وزارة التعاسة والتخريب

 

[طموحــة]

مشكورات بنات عالرفع

واما انوار عز الله ماقصرتي يالغالية.

انزين مثلا الاحتياطات مابي امسكها، وبعد المناوبة ونشاط الاذاعة وطباعة الاوراق وانشطة المدرسة

وبعد فية شغلة الاستئذانات يحق للوكيلة تمنعني ؟!

 

[أنوار@@]

هلا حبيبتي الامور اللي قلتيها كلها ما يصير ترفضينها واصلا يعدونها من صميم شغلك اللي قاعده تاخذين عليه راتب والاستئذانات بكل الوزارات 4 استئذانات بالشهر الا المدارس 2 على الرغم ان الاستئذان بالخدمه المدنيه من حقنا ال4 استئذانات بس لان المعلمه عموما تكرف واذا اخذت امتياز تبي اتحافظ عليه لان اهم شي الامتيازات تكون متتابعه حق الترقيات معلم ج ب وكذلك الترشيح فلذلك شئنا ام ابينا اصبحنا مطيييييعات جدا وحتى لو ما يسمحون لنا بالاستئذان عاااادي علشان الترقيات وهالامتياز ومنع الاستئذان لها حق تمنعك اذا مو امضبطه حصصك او عندك شغل لازم يخلص بس الادهى والامر عند تقول الوكيله ليش بتستاذنين اشتبين تقولين وانتي ما تبين اتكذبين بس خلصتي شغلك وعندك استئذان وبتاخذينه ما تبين ايطوف الشهر الا انتي ما خذته استئذانين وليشش مع العلم ان ما لها حق تسالك ليششش

 

[Q8Buying]

يعني لازم ندعي بأن يرزقنا الله بإدارة مدرسية زينه! تفهم حقوقنا وواجباتنا
وإلا لا نستطيع أداء الواجبات فقط!
وآنا بالنسبة لي ... لو كانت أمور غير مفروضة علي .. وطلبوا اسويها ..
وحسيت انها ما تكلف علي أو عندي امكانية اسويها عن طيب خاطر! مو عشان سمعا وطاعه
واتوقع اكو اوراق رسمية فيها واجبات معلمة كذا او الادارية كذا
هذي بحطها بيني وبين اداراتي او زميلاتي في العمل... عشان تكون الامور واضحة
عن نفسي بسأل اداراتي عن ورقة مثل هذي..

واتوقع انها عالتعود...
شلون عودتي ادارتج او زميلاتج... راح يستمرون معاج على هذا المنوال
فمن البداية وجوب ان تكونين مثلا رسمية.. وراقبي الوضع... واخذي عليه وفهميه
لان احنا جدد في هذي التجربة او الوظيفة..

انا قريت موضوع لمنال القلب... استفدت منها وايد
اهيا على قولتها حابه مهنة التدريس... بس ما ترضى احد يستغل هالاشياء فيها... حسيت جذيه

ومن وجهة نظري...
اللي يسمونها حصص ريادية وورش عمل ومادري شنو
هذي تفيدج وتفيد المدرسة وراح الادارة تحب مثل هالانشطة

تفيدج من ناحية انج تتعلمين شي جديد وتبقين على تحديث مستمر في علمج
ومن ناحية الالقاء ومهارات البرزنتيشن والعلاقات الاجتماعية
وتفيد المتلقي طبعا وتسجل مثل هذي الانجازات باسمج واسمهم واسم المدرسة
وهالشي ربما يعتبر انشطة اضافية لكنها قد تكون ممتعة بالنسبة لج ( من الممكن )

مثلا سوي دورة فوتوشوب للابلات
برنامج اذاعي مميز
او اي نشاط يسجل باسمج

"المبادرة" مثل ما قالوا البنات

وسوي كل شي بكيفج! مو ملزومة فيه او مجبورة
قصدي متى ما تناسب الموضوع معاج

وشكرا

 

[طموحــة]

Melazlaza. ههههه حسستيني چني أشتغل عند أبوهم ، بس أمانة آنا من عمر ماحب أحد يامرني ويقول سوي ولاتسوين

انزين شهالظم بس استئذانين وباجي الوزارات ٣ و٤
هههههه ولابعد يسألون ليش !!!! أي شي ، اهم شكوووو والله اذا سألوا اجعمهم عن جد شي يقهر تدخل بالخصوصية مال أمة داعي

انوار ترى حطمتيني ، بالله عليج معقولة المناوبة من صميم عمل المعلمة!!!!

انزين الحين لما توظفتي علي شنو وقعتي ؟ وشلون التقييم ؟ جم بيد الادارة ؟ وجم بيد التوجيه؟ يعني الدرجات مقسمة علي شنو

Q8Buying نصايحج وايد حلوة ومهمة بنفس الوقت ، بشري شصار معاج؟!

انزين من ناحية ورش العمل والامور اللي تدخل بالتعليم ان شاءالله ناوية عليها ومؤمنة بأهميها من ناحيتي وناحية التوجيه والطالبات والمعلمات

وبصراااااحة مالي نية اسوي اي شي يخدم الادارة وراي انشطة خاصة بتفرغلها وبتفرغ لطالباتي والتوجيه غيره مو ملزومة
والله شكلي بتنازل عن الامتياز لعيون كرامتي وراحتي من عوار الراس



فديتكم حبيباتي عالردود ، نعم الخوات الله لايحرمني منكم :*

 

[بنتmbc1]

up

up

up

up

up

 

[Q8Buying]

آنا حمدلله نجحت في المقابلة

الحين مادري شسوي

اتوقع لازم انطر اتصال عشان الفحوصات

ومادري اي مرحلة بيحطوني

والله ولي التوفيق ..

 

[بنات حواء2]

وااااااااااااااااااي
ملهين المدرس عن شغله الاساسي و وضبفته الاساسيه
هاملين الاهم و مهتمين بسفاسف الامور

 

[أنوار@@]

هلا حبيباتي بس مع كل العيوب في التدريس حلللللو وتعودنا عليه وباذن الله كل حرف تنطقينه بياخذه منك طالب اوطالبه لك الاجر مو من احد مو فلوووس اجر وثواب................ من رب العالمين

 

[طموحــة]

آنا حمدلله نجحت في المقابلة

الحين مادري شسوي

اتوقع لازم انطر اتصال عشان الفحوصات

ومادري اي مرحلة بيحطوني

والله ولي التوفيق ..

مبرووووووووووووووووووك موفقة يالغلا

وااااااااااااااااااي
ملهين المدرس عن شغله الاساسي و وضبفته الاساسيه
هاملين الاهم و مهتمين بسفاسف الامور

عشان جذي الكل يودي عياله المدارس الخاصة

هلا حبيباتي بس مع كل العيوب في التدريس حلللللو وتعودنا عليه وباذن الله كل حرف تنطقينه بياخذه منك طالب اوطالبه لك الاجر مو من احد مو فلوووس اجر وثواب................ من رب العالمين

صاجة الأجر محد يختلف عليه , بس هم الحق حق وآنا مستحيل أتنازل عن حقي كمعلمة
بروحهم ما زادوا الراتب هالدور يبونا خدم وشغالات عندهم :rgewrg: