بصراحه الي تراجع عند دكتور بدون زعل

[فرح وسعاده]

بنات حبوبات كويتيات ميخالف عالسؤال :tek:
ابي اسال الي تراجع عند دكتور شنو وجهة نظر:tek:ها بالموضووووع انا اتعجب وما اتخيل اني اراجع عند دكتور مع وجووووود هالكم الهائل من الدكاتره لحريم

 

[هتووف]

انا اراجع عند دكتور ((ومو اهوا اللي يحطلي السونار معاه سستر تحط السونار وتغطيني واهوا بس يشوف بالشاشه )) ماشوف فيها شي واصالا الدكاتره اشطر من الحريم

 

[bnt_kwt]

هذا دكتور مأدي قسم وحالف على القرآن انه يصون شرف المهنه
ومحلل الدكتور انه يكشف عليج حبيبتي
صح وجود المرأه الدكتوره افضل بس ما يضر اذا دكتور كشف عليج

وعلى فكره مافي اشطر من الدكتاره الرياييل
وشوفي خراب الدكتورات الحريم اكثر من علاجهم

هذي وجهه نظري الخاصه افضل اتعامل مع الدكتور الريال احسن الف مره من الدكتوره

 

[Emanova]

الريال سرعه اتخاذ القرار احسن من المره ....و يكون باله طويل مو نفس الحريم

 

[مبدعة]

الصراحة الريال اجدر بالعلاج من المره و من ناحية السونار مو اهو اللي يحطه و لا يشوف معاه ممرضه

 

[m e m e]

الريال عادي عندي احسه احسن و افهم و حتى لو فحص هاذي وطيفته مو قاعد يسويهه ابنظره بايخه انا الدكتور اللي جم مره اراجع عنده دين و ملتحي و خايف ربه

 

[F@ntG Q@t]

اذا تعسرت الولاده للعلم انه لازم يدخلون دكتوووووووووووور سواء الوحده رضت واذا مارضت عواقب الشغله عليها وبعدين الدكتور حالف وأغلب دكاترة الولاده دينين مو مثل دكاترة التجميل وبعدين الدكتور احسن بواااااااااايد من الحريم مع امثله عندى وايد من أهلنا
اهم شي حسن النية متي ما حسنتي النية بالي جدامج الى جدامج يحسن النية فيج :tek:

 

[Dloool_q8]

اانا ناويه ان شاء الله اروح عند دكتور احسن الف مره من الحريم ما سمعت احد ذمهم بيوم واشطر

 

[تمر حنا]

شي معروووف ان الريال احسن واشطر من المره واساسا سوو دراسه وطلع الريال اجدر بمهنة الطب من المره وعن نفسي كنت ارجع عند دكتوره بس احسها مو شاطره كلش وهي حيل معروفه والحين بدلتها بدكتور والحمدلله ارتحت

 

[كويتيه مذهله 87]

هو مو حرام
بس أذا فيه دكتوره ليش اروح حق دكتور
ومنو قالكم أن الريال أشطر من الحريم بسرعه حكمتوا كل واحد وشهادته وخبرته
وأحس الدكتوره تفهمج أكثر
لانها مرا مثلج

 

[++The DuchesS++]

راي من راي البنات
ما فيها شي اذا كان الدكتور
شاطر ومعروف وناجح

 

[Amory]

حبيبتي وين هالكم الهائل من الدكاتره الحريم اللي تتكلمين عنه يا ترى؟؟؟؟؟!!!

اذا انتي مثلنا تعانين من تأخر الانجاب يالله يا حلوه قوليلي منو هالدكاتره الحريم اللي اتقولين عنهم؟

احنا بالكويت افضل الدكاتره ابطفل الانابيب معروفين ( اللي نسبة النجاح عندهم عاليه ) معروفين ومعدودين عالاصابع

و اذا كانت العمليه ( طفل انابيب ) اتكلفنا 2000 وفوق فيا ترى وين انروح ؟ اكيد بندور افضل واحد واللي عنده اكثر نسبة نجاح وانروحله.

ثاني شغله فرضا جربت مره ولقيتها مو خبره ابحالتي أو عالجتني وما حملت شي اكيد بشوفلي دكتور افضل و الدكاتره دايما يكونون اشطر من الدكتورات الحريم ابهالعمليات.

وبعدين اول وتالي هذا دكتور وهذه مهنته والله يعلم ابنيتي اللي انا رايحه علشانها.

 

[Om_Abdulrhman]

والله انا اشوف الدكتوره افضل انا كنت اراجع عند دكتوره والحمدلله ماشفت من الي اسمعه و الوحده ماودها تكشف جدام مرا هل مره رجال

 

[&رعبوووبه&]

الله يخليج هالحريم اذبحونا تاجروا فينا عينك عينك

عشان الماساتهم وسيااييرهم وانا ما اظلم الكل بس اكثر الكويتيات متاجره متاجره متاجره

الريال احسن بواااايد من وجهة نظري وصح كلام البنات ما يشوف شي غلا نااااااااااااااادرا بحالة الولاده

او كي القرحه

لا تحسبين اني اهاجمج بالعكس والله بس باطين جبدي الدكاترة الحريم وخصوصا الكويتيات

تقبلي مرووري

مشكوورة

 

[تفااحة]

انا عندي الدكتور افضل واللة الحريم مانفعوني انا اراجع عند دكتور الحين وماشاللة فاهم وبااالة طويل وارق من الحريم بالتعامل يراعي مشاااعرج اكثر اسألوني انا جربت كل الدكتورااات المعروفااات مافادوني احس العلاج عندهم سريع حتى لو يأثر عليج انا راجعت عند دكتورتين معروفات من ثاني شهر قاالولي تلقيح صناعي وانا توني متزوجة بسم اللة الرحمن الرحيم مامداني ... انحشت منهم وخليتها على اللة واللة كريم ................. ويرزقكم ياارب

 

[صديقه]

انا رايي من رايكم الدكاترة الرياييل احسن من الحريم بمليون مرة
انا مرة رحت عند دكتورة طلبت تحاليل دم وقالتلي سليمة ماقالتلي زوجج سوا تحليل او لازم يسوي ولا قالتلي بفحصج
يوم رحت عند دكتور خذا مني كل التفاصيل وسألني عن وااايد اشياء وسوالي سونار داخلي وطلب تحليل زوجي
ودايما يسجل كل شي اقوله بملفي اما الحريم اذا انتي ماقلتيلهم ماراح يسألونج اسئلة

 

[sweeta77]

والله اهو حسب الظروف
يعني انا اول ما تزوجت مو الحين...من زمان(بس مو وايد)
كانت وحده من اهلنا تراجع عند دكتور وعرفتني عليه
ولدني مرتين ...... واللحين اراجع عند ناهده.....لانه سافر
يعني هالشي مومقصود ان الوحده تسوييه.....بس للامانه لانه كان بالولاده....ما عنده عياده.....كان لو ادق عليه رنه واحده على طول يرد
وخدوم شي مو طبيعي ومن ادق عليه فيني طلق يروح قبلي المستشفى ويقعد لما اولد

بس الحين عرفت ان خياط الولاده مو ذاك الزود....وانهم ممنوعين يسوون تجميلي....فسويتها عند ناهده

 

[أم الكتكوتة]

أنا في بكري كنت عند دكتورة معروفة حيل ولدتني طبيعي وما كلفت نفسها فحص حوضي فنتيجة شفطت البيبي وأنكسرت جمجمته ومات بعد الولادة بيومين - و في حمالي الثاني راجعت عند دكتورة ثانية هم مشهورة للأنه ريلي ما يرضى قالت لي حمل خارج الرحم وحددت لي عملية بس انا قلت لزوجي بروح دكتمر قبل تكفه والمفاجآة أنه طلع حمل عادي وبنتي ربي يحفظها صار عمرها 3سنين احنا مو فيران تجارب لا يمكن دكتورة مره وقولوا الله لايذوقك العذاب فقدان الضنى عشان حلال وحرام والله محلله

 

[ni3ssani]

انا جربت دكاتره حريم وريايل

الدكاتر الريايييل احس انو فاهمين اكثر وما يتوهقون لو حدث شئ في غرفة العمليات ومثل ما قالت بنت الكويت الدكاترة الحريم علاجهم فيه خراب اكثر من علاج

 

[أم عبّادي]

شي معروووف ان الريال احسن واشطر من المره واساسا سوو دراسه وطلع الريال اجدر بمهنة الطب من المره وعن نفسي كنت ارجع عند دكتوره بس احسها مو شاطره كلش وهي حيل معروفه والحين بدلتها بدكتور والحمدلله ارتحت

كلامي مثل كلام الاخت تمر حنا ........

حبيبتي .. احنا ما رحنا دكاتره عبط ... رحنالهم بسبت حالاتنا .. مو مثل اي وحده حمالها يتم طبيعي وعادي وموبحاجه لا دكتور ولا دكتوره

طبعا مو حسد مجرد توضيح ......

والله المستعان :0bee2e8d89: