بصرااااحة شي غريييييب!!!!

[وحيدة المشاعر]

مرحبا ياحلوات

اليوم رحت استلم اوراق التعيين من المنطقة التعليميه وبما اني خريجة تربية راح يكون تعييني ابتدائي ومتوسط ..
بعد ماخلصت اوراقي انصدمت انا والبنات اللي معاي انهم حاطين لنا التعيين بس في مرحلة الابتدائي ناقشناهم وقلنا حنا تربية اساسيه لازم يكون لنا اختيارين ابتدائي ومتوسط ومارضوا يغيرونه ..
وانا رفيجاتي اللي قبلي يوم تخرجوا تعينوا متوسط ..
وبصراااحه انا بخاطري متوسط مابي ابتدائي..
فحابة اسأل اللي مرت بهالشي وتعينت متوسط شسوت؟؟
واذا حطيت ابتدائي بالتعهد مايصير اغيرها بعدين؟؟؟​

 

[كرز حالي.]

رد : بصرااااحة شي غريييييب!!!!

هلا حبيبتي
ومبروك التخرج والتعيين بعد:icon30:
انا اللي اعرفه ان خريجات التربيه الاساسيه مؤهلات للابتدائي فقط
الا اذا كان في نقص في المراحل الثانيه ممكن يعينونج فيها
او اذا كنتي اقتصاد منزلي على طول يحطونج متوسط ولا ثانوي لان مافي بالابتدائي اقتصاد

 

[وحيدة المشاعر]

رد : بصرااااحة شي غريييييب!!!!

هلا كرز حالي
الله يبارك بعمرج يالغالية ...
بس من زمان ان التربية الاساسيه ابتدائي ومتوسط ..
وموبس تخصص الاقتصاد لا حتى باقي التخصصات ...

 

[gogona]

رد: رد : بصرااااحة شي غريييييب!!!!

حبيبتي عادي هالوزاره تخبط انا حريجة تربيه اساسيه تربيه اسلاميه لمن قدمت اوراقي حطوني بالمتوسط تخيلي ويالله بفضل الله سخر لي مديرتهم ورضت اتحطني ابتدائي

 

[وحيدة المشاعر]

رد : رد: رد : بصرااااحة شي غريييييب!!!!

الله يعين من خربطتهم ...
وبصراحه بخاطري بمتوسط ...

 

[نونا 3000]

حبوبه نصيحه خلج على الابتدائي ابرك لج حتى التوجيه مو متشدد حيل وربي وناسه الابتدائي

انا خريجة جامعة الكويت ولما تخرجت قالوا لي تعيينج متوسط لان فيه نقص وانا كان تخصصي ابتدائي وربي رفضت وقعدت بالبيت سنه كامله ورفيجاتي راحوا متوسط واندموا وفيه منهم جابوا واسكه وردوا ابتدائي طبعا الحجي هذا سنة 1999

 

[:: Diva ::]

رد: رد : رد: رد : بصرااااحة شي غريييييب!!!!

حبيبتي اذا ما حطينا باعتبارنا النقص في بعض المدارس و بعض المراحل
فمخرجات الاساسيه للمرحله الابتدائيه

شرايج انا تخصصي متوسط ثانوي
و قطوني ابتدائي ؟!

 

[وحيدة المشاعر]

رد : رد: بصرااااحة شي غريييييب!!!!

حبوبه نصيحه خلج على الابتدائي ابرك لج حتى التوجيه مو متشدد حيل وربي وناسه الابتدائي

انا خريجة جامعة الكويت ولما تخرجت قالوا لي تعيينج متوسط لان فيه نقص وانا كان تخصصي ابتدائي وربي رفضت وقعدت بالبيت سنه كامله ورفيجاتي راحوا متوسط واندموا وفيه منهم جابوا واسكه وردوا ابتدائي طبعا الحجي هذا سنة 1999

اسعدني مروورج

وانا كنت ميداني ابتدائي بس اولى وثانية جنج بالروضه مع اني سيطرت عليهم وشخصيتي زينه بس تعب اما عندج ثالثة ورابعه وخامسه احس بنات كبار يفهمون ...
وانا بخاطري ببنات كبار عشان جذي خاطري متوسط..​

 

[وحيدة المشاعر]

رد : رد: رد : رد: رد : بصرااااحة شي غريييييب!!!!

حبيبتي اذا ما حطينا باعتبارنا النقص في بعض المدارس و بعض المراحل
فمخرجات الاساسيه للمرحله الابتدائيه

شرايج انا تخصصي متوسط ثانوي
و قطوني ابتدائي ؟!

نورتي الصفحة

بصرااااحة احس مافي مراعاة لرغبة المعلمه واذا عن النقص اتوقع كل المراحل فيها نقص ..
وانا يوم حطوا المرحلة بس ابتدائي رحت للمديرة عصبت وقالت مو على كيفهم انتوا يالاساسية ابتدائي ومتوسط واللي بالتعيين مو راضيه تغيره لي ..​

 

[مريم ص]

العادة كل دفعة يحطونها بمرحلة
انا جذيه كانت دفعتي كلنا تعينا بثانوية عامه و كنت ابي مقررات بس ما حطونيي

 

[الجــادل]

رد : رد: بصرااااحة شي غريييييب!!!!

من عمر الدنيا خريجين التربيه الاساسيه تعيينهم ابتدائي

والمتوسط والثانوي خريجين جامعه الكويت

لكن بالفتره الاخيره صار نقص فاستعانو بالتربيه الاساسيه للمتوسط

 

[LA TROO7]

رد: رد : رد: بصرااااحة شي غريييييب!!!!


التربيه الاساسيه معروف تعينهم ابتدائي الا بحاله النقص وانا اقول الا بحاله الواسطه

عندج واسطه روحي لهم من بكرا ويوقعون لج متوسط

وبصراحه المتوسط اريح لج

 

[مطيريه ماركه]

رد: رد : رد: بصرااااحة شي غريييييب!!!!



،


آنآ نفس حآآآلتج مآبي آبتدآئي وقآلولي مآنقدر متوسط عندنآ حآجة
خريجآت آسآسية شِكثر آعرفهم تعينوآ متوسط

 

[pure feminine]

رد : رد: رد : رد: بصرااااحة شي غريييييب!!!!

التربيه الاساسيه معروف تعينهم ابتدائي الا بحاله النقص وانا اقول الا بحاله الواسطهعندج واسطه روحي لهم من بكرا ويوقعون لج متوسط

وبصراحه المتوسط اريح لج

صاجه لولو

النقص والأحتياج آخر شي تفكر فيه الوزاره

والمنطقه بالذات نظامهم يحبون يقصون عـ المدرسه الجديده ويستغلون أنّ ما عندها خبره

فيقطونها بأشين مدرسه وأكثر مدرسه ينحاشون منها المدرسات

وغالباَ ما يحطوون التعيين الجديد عند البنيييييييييين :denya:


أذا عندج وااسطه ما تاخذ معاج السالفه كلها سااعه ويشخطلج ورقتج بالمدرسه الي تبينها ولا نقص ولا حجي فاضي

 

[صباح الليل]

رد: رد : رد: رد : رد: بصرااااحة شي غريييييب!!!!

والله حبيبتي الابتدائي احلى واريح
والله يوفقج وين ماتروحين انشالله

 

[وحيدة المشاعر]

رد : رد: رد : رد: رد : رد: بصرااااحة شي غريييييب!!!!

مريم ص
الجــادل
LA TROO7
مطيريه ماركة
pure feminine
صباح الليل

مشكورين على تواجدكم وردودكم​

 

[شكو بإسمي]

حاليا التربية فيها نقص بالابتدائي فالغالبية يقطونهم ابتدائي حتى خريجين الجامعه

وبالنسبه لي أنا خريجة جامعه وكانوا بيحطوني ثانوي بس أنا قلت ابي ابتدائي عشان الطلعه والعطله مبجر بس طلع هالقرار مو من صالحي لأن مدرستي حيل شديده وماتطلعنا إلا على طقه الجرس يعني حنا والبنات مسابق وخصوصا كنت متعوده على بنات كبار يفهمون بسرعه ويوم توظفت عطوني اولى وثالثه

بس مع الايام حبيت الابتدائي اكثر والبنات يونسون :friends::23_asmilies-com:

وترى ما فيه امتحانات ولا بطيخ بس يغثونج بالشغل الاداري

وإذا ماقدرتي تستحملين اطلبي نقل حق المتوسط أنا طلبت نقل

 

[مشغوله و محتاسه]

لا بنات شنو ماكو اختبارات ..

اهي مو دسمه مثل الثانوي خو

بس في .. و في لجان و نص السنه و اخرها اختباارات جنها ثانيوة عامة !

 

[^ حـلـــــوى و رهـــــش ^]

انا أذكر رفيجاتي خيرووهم
وبعضهم راح متوسط عادي ..
بعدين ما تدرين عسـاها خيـــــــره ..


وبعدين من قال الابتدائي أريح ..
كفايه شغل الالعاب والوسائل .. والابتكـارات اللي في كل حصـه ..
ولازم وسيله تعليميه مبدعه .. أو لعبه تجذب الطلبه ..
يعني معروف ..
شغل المتوسط .. شغله أكثر اداري ..
والابتدائي .. شغله أكثر فني وبالحصص ..

بعدين الحين في امتحانات .. وكنترول .. ولجان مراقبه .. وتصحيح جماعي
وكل شي ..

بعدين ما تدرين .. يمكن تحبين الصغار أكثر ..
انا بصراحه ما أفكر أبدا أروح متوسط أو ثانوي .. مالي في سوالف المراهقات :eh_s(4):

والله يوفقج يارب وين ما تكونين حبوبه:eh_s(7):

 

[شكو بإسمي]

لا فهمتيني غلط .. اقصد مراحلي اللى ادرسهم اولى وثالثه مافيها اختبارات << مرتاحين شويه من اعداد الاختبارات

واكييييييد نصحح امتحانات 4 و5 حتى لوكانت مو صفوفي