بشنو تحطون عيالكم الصغار بزواراتكم عشان ما يتأذون

[ايمان80]

قوة امهات
انا ام لاول مرة ولله الحمد
بس عندي سؤال
بزواراتكم حق حمولتكم
وين تحطون البيبي عشان مايتأذى من شطانة اليهال الثانيين

صراحة مابي احط بنتي بجيستها او سرير السلة ابي شي ثابت وقوي وضد الصدمات
لان اسم الله عيال حمولتي وايد شياطين وعادي يطبون ع بنتي ويقلبونها
فشرايكم احطها بعربانه اللي فيها car seat
وشنو احسن نوع عربانات او كراسيً يناسب ظهر البيبي

ياريت تردون علي بأسرع وقت

 

[Snow-White]

فيه سله يكون لها ستاند يعني تصير مرتفعه عن الارض او ممكن تحطينها بعربانتها .. بس عموما انتي خليها بمكان صاد شوي عشان اليهال لا ييون صوبها وماعليها الا العافيه ان شالله.

 

[هيبة الطاووس]

آنا بنيتي أحطها بكرسي اليهال واخليها
لأني ما رو مكان غير بيت اهلي وبيت حماتي

 

[sunshine22]

!!

مادري انا الجاهل الصغير مااخذه بزواراتي باستمرار اللهم الاعياد ومرتين بالسنه جذي
مع اني ساكنه مع حموله
بس البيت شبه خالي

 

[غنوة ستايل]

اقل من اربع شهور عندي ما اتركه
اكبر عند الخداااامه واذا نام تجيبه عندي

 

[0oR0R0 honeyo0]

الله يخليلك بنتك ويحفظها من كل شر انا بقولك ايش كنت اسوي شوفي لما كان ولدي صغير توه مولود لما شهرين كنت اخذ معاي شغله جدا مريحه بالشيل ومو متعبه ابدا هيا عباره عن سرير يصير شنطه ولما تبطلينه يصير سرير وكنت احطه ع القنفه يمي لان السرير صغير
*http://www.amazon.com/gp/aw/d/B004LKS0GQ/ref=mp_s_a_42?qid=1305016791&sr=1-42

او اذا اكبر من كذا انصحك تشتريله من مامز اند بابز العربانه الي اسمها urpo
حلوة وايد عمليه وتصير سرير اذا بينام وتصير مقعدة اذا بيقعد روحي شوفيها ولاتنسي تدعيلي الله يخليلي ولدي ويرزقني اخوانه واخواته اللهم امين ..

 

[نكهةالبرتقال]

اتوقع العربانة احسن حل و دايما خلي بنيتك يمك الله يحفظها

 

[wa7a90]

انا احطها بسرير الي على سلة موسى

ولي قعدت احطها بكرسي هزاز شاريته من سنتربوينت هذيل ثابتين ببيت حمولتي

 

[ديمورها]

انا شاريه من مذر كير كرسي سيارة اهو 3 بواحد
كرسي سيارة , واذا بنزل عند احد افك حزام الامان عنه ويتحول لجلاسة اطفال سهلة الحمل ، برضو اقدر اهز الكرسي اذا ضطريت يعني من تحت مو مستقيم لا منحني ،،صراحة استهلكتها صدق يعني من اطلع من النفاس
الى ان يصير عمر البيبي 10 شهور000

 

[لهفة المشتاقه]

اب
اب
اب

 

[Nokia N95]

احسن شي ... الحباسة
اخذي لج وحدة رخيصة من مذر كير او سنتربوينت ... بالعشرينات .... وخليها في بيت حمولتج
وكل ما زرتي حطي بنتج فيها
انا ساكنة عند حمولتي .... وفي حباسة عندهم .... وحباسة ثانية عندي ....
لانها اامن شي حق البيبي ....

حطي بـ google كلمة playard
وشوفي صورهم

هذي تقريبا مثل اللي عندي ... من سنتربوينت ...
ثلاثة في واحد
ممكن تخلينها سرير حق الياهل ....
واذا كبر شوية ... تشيلين السرير اللي فوق وتصير حباسة ....
وفي مثل سرير صغير حق تبديل الحفاظات .... سعرها بـ 59 اذا ماني غلطانة ....
الصراحة حيييييل عملية ...

وهذي من مذركير ... خالتي شاريتها حق بنتي ....
فكل ما اصعد عند حمولتي ... احط بنتي فيها
حتى وهي صغيرة .... وقت الغدا او العشا ... اقدر احط بنتي بجيستها وما اخاف عليها

وبسهولة تقدرين تثنينها ... وماتاخذ مكان
بس قولي لهم يعلمونج شلون