بشرى سارة أكاديمية جديدة ثنائية اللغة في المهبولة بتفتح لسنة 2014-2015

[American.Life]

السلام عليكم شلونكم يا احلى كويتيات عندي لكم خبر رووووووووعة لبنات المنطقة العاشرة او حتى المناطق الداخلية وقلت ابشركم فيه

في مدرسة بيفتحونها لسنة 2014-2015في منطقة المهبولة قريبة شوي من مدرسة الرسالة ثنائية اللغة

الحلو فيها إنها أكاديمية ونظام تدريسها أمريكي والمدرسات أمريكيات وحق الاسلامية والعربي من الاردن وسوريا مالكها ماضي الخميس اللي كان مالك مدرسة أجيال اللي بالرقعي المدرسة فيها مسبح وصالات ألعاب داخلية وسينما بحطلكم أكاونت الانستجرام مالهم وشوفة وصح المدرسة أسمها أكاديمية جلوبال وهذة أكاونتهم gbacademy بالانستجرام

 

[Aloe Vera]

اي سمعت فيها الله يوفقهم

 

[حورية بنت حواء]

جم رسومها في السنه
الروضه والابتدائي

 

[NAWAL.D]

شدعوه أسعار مبالغ فيها أولى روضه وثانيه روضه ٢٥٠٠ ًوأولي ابتدائي ٣٥٠٠

غاليه حيل ولا انا غلطانه

بتسجلون اعيالكم

 

[NAWAL.D]

شدعوه أسعار مبالغ فيها أولى روضه وثانيه روضه 2500 ًوأولي ابتدائي 3500

غاليه حيل ولا انا غلطانه :eh_s(10):

بتسجلون اعيالكم

 

[just_click]

بالتوفيق للجميع

 

[حورية بنت حواء]

ايه صاجه وااايد غاليه

 

[American.Life]

الحضانة تقريبا 1900 و الروضة 2200 أنا بسجل بنتي فيها ان شاءالله منو سجل فيها؟

 

[أم حسوون]

السلام عليكم ، حماتي سجلت ولدها فيها غالية بس ما ني عارفة جم بالضبط ، ولدها بالروضة ، المدارس الخاصة صايرة أسعارها مو طبيعية صراحة ، واللي عندها أكثر من طفل شيسوي ، الله يعين؟

 

[American.Life]

أم حسون عدل كلامج المدارس الخاصة صايرة اسعارها مو طبيعية

 

[American.Life]

للحين ماكو أحد سجل فيها؟

 

[American.Life]

منو اللي عيالة سجل بالمدرسة؟نبي نسوي جروب

 

[ashwaq1]

مضطرين ندخل حكومه والسبه الاسعار نار اذا روضه جذي جامعه جم بندفع