بشره دهنيه ومجموعه بيور زون

[Gold gem]

بنات بشرتي دهنيه حيل مدحولي مجموعه رويال بيور زون اش رايكم او كريم الكولاجين عمري 25ينفع احط كريم كولاجين يابنات ودي يجي العيد وجهي مشرق ومنور الله يسعد كل وحده ترد علياويحقق امانيها محتاجه مشورتكم اخسربالكريمات ووجهي دهني وارميها ماابغى اشتري وارمي وكمان دخلت بمنتدى يقولوا بنات ماينفع نحط كريم كولاجين تحت سن 30بنات الي عندها خبره تفيدني

 

[oorccia]

عادي الكولاجين مايضر ومناسب للعمرك 25

ومجموعة لوريال ماجربته عشان افيدك


واذا تبين وجهك ينور قبل العيد سوي تقشير كريستالي واطلبي قناع فيتماين سي بعده حلو مايضر ويفتح ورخيص مايكلف 150 او 200 الجلسة الواحده

 

[Gold gem]

الله يسعدك طيب اش افضل كريم كولاجين

 

[oorccia]

والله ما ادري صراحة انا استخدم كنت استخدم سيروم كولاجين نانو سعره370 ريال سعودي بس وقفته صرفته لي الدكتورة



لاني بفترة علاج الحين و مضطرة اوقف كل الادوية والكريمات اللي استخدمه


روحي للدكتورة جلدية واساليه قبل لاتستخدمين اي شي احسن لك والله يوفقك ان شالله

 

[Gold gem]

يعني بنات مافي اي وحده بشرتها دهنيه

 

[Gold gem]

سبحان الله

 

[Gold gem]

بنات فيدوني الله يسعدكم

 

[قاهره عذالي]

شوفي

من تصيرين 25

يبدا الكولاجين بالجلد ينقص

تحتاجين كريم عيون ليلي حق تجاعيد

وكريم نهاري مثل غارنييه حق الانتفاخ والسواد

في نصيحه قريتها ان اللي بعمرنا انا وانتي

لااازم تحط مره بالاسبوع او مرتين سيروم كولاجين على الوجه كله بالليل وتنامين عليه

اختاري مثلا وقت الويك اند

ويكون نوع هالسيروم مو دهني تلقين واجد انواع بالصيدليه نفس ماركة فيولا وريكسول

اما بالنسبه لبشرتج الدهنيه

انصحج بصابونة الاحماض 2000 الفلبينيه من ظليت استمر عليها مرتين باليوم

اول ما اقعد لان الدهون بالوجه تكون متراكمه فلازم الصبح صابونه تنشف وتشيل هالدهون وحتى لاحظت تعالج لون الوجه وتفتحه وبالليل اغسل منها واحط بعدها كريماتي اللي حق الحفر والمسام

صرت ما اشوف حبوب وان طلعت حبه حدها يوم وتروح فعلا هالصابونه عجيبه الحين خلصت وبشتري غيرها


انا نفسج ابي ع العيد وجهي يضوي

شريت حبوب خميره عشان فيها فيتامين ب وابي اكلها بعد الاكل حبتين بعد الفطور وبعد السحور

وبعد السحور بساعتين ابلع حبتين كولاجين من حبوب الكولاجين اللي شريتهم ماركة برونسون

لان طريقتهم لازم على معده خاويه وقبل النوم

لان قبل استعملتهم اسبوعين انفخوا وجهي بس قطعتهم لان طريقتهم شوي متعبه ويبون التزام



انتي شنو المشكلات اللي ودج تحلينها بوجهج وهل انتي ضعيفه ووجهج شاحب؟

 

[سكارلت]

قاهرة عذالي

بيض الله وجهج ..والله يجزاج خير
تعلمت منج شغلات وااااااجد
واحب فيج حس المساعدة وحب الخير للناس

تصدقين من كثر ماحبيتج ودي اتعرف عليج

الله يوفقج

 

[قاهره عذالي]

يا حياتي والله من ذوقك

واتشرف فيج والله

 

[ام عبد العزيز م]

للرفع

 

[Gold gem]

قاهره عذالك الله يسعدك ويفرج لك ويرزقك يارب اناموعارفه كيف اعتني بشرتي يعني ابغى كريم قبل النوم وكريم وانابالبيت ابغى اشياء تناسب بشرتي الدهنيه والله يسعدك قوليلي اش اسم كريم الكولاجين عشان اخذه
ابغى عنايه ببشرتي احط كريم مايكون دهني لاني اشتري دايمن ويطلع دهني ويطلع ليا دهون وحبوب ويسبب ليا حراره

 

[Gold gem]

قاهره اش اسم كريم الليل حق التجاعيد اكتبيلي اسمه

 

[Gold gem]

قاهره اش هيا كريماتك حق الحفروالمسام وجهي متروس مسام واتمنى تختفي الله يسعدك منتظره ردك

 

[قاهره عذالي]

الحين احط لج نظامي كامل


اول شي

اغسل وجهي اول ما اقعد

بصابونة الاحماض 2000 الفلبينيه

اغسل فيها الصبح اول ما اقعد ارطب وجهي وافركه فيها واسوي طبقه رغوة منها على وجهي

وانطر دقيقه بعدين اغسل منها

واحط وراها غسول جل طبي ثاني اغسل منه

اسمه exfoliac

طبعا انا انقطع عندي الحب جاني فتره واستعملت له كريمات مضاد حيوي مثل التتراسيكلين والفيوسيدين ومحلول الزينيرت ومع استمراري بصابونة الاحماض اللي تنشف الوجه وتشيل الدهون منه

ممكن تطلع حبه صغيره وتروح بيومها


انا استعمل مجموعتين كريمات :

كريمات للتبييض والبقع

وكريمات للمسام والحفر

مرات احط المسامات بالليل والافضل بالليل لان قال الصيدلي

وبالنهار بما انه عطله وما اطلع للشمس وقاعده بالبيت احط مجموعة كريمات التبييض

وانتي كيفج تبين التبييض بالليل والمسام بالنهار عادي لان كريمات المسام فيها واقي شمس يعني عادي تنحط بالنهار



بالنسبه لمجموعة المسامات والحفر وطريقتهم

اول شي سيروم البوتكس من ماركة viola

مكتوب عليه

boto face serum

هذي صورته

بعد تنظيف الوجه مباشره وتنشيفه تحطينه على وجهج ورقبتج تحسين قوامه سائل وتقعدين تدلكين فيه وجهج وهو رطب من السيروم قبل ينشف السيروم على وجهج مدة دقيقيتين الى 5 دقايق

بعدين حطي منبه بعد نص

ولما تمر النص ساعه

جيبي كريم

وجيبي بعد جل erase gel

واخذي بايدج عصره من كل جل فيهم وحطي سيدا على خدج وافركي شوي شوي هم يختلطون مع بعض بالوجه

وكذلك عصرره من هالكريمين بايدج وحطي الخد الثاني والجبهه وهكذا

وعقب سوي مساج للوجهه والكريمات رطبه على الوجه قبل تنشف مدة 5 دقايق وخلاص اتركيه ينشف وجهج




اما مجموعة البقع والاثار

سيروم التبييض من فيولا ومكتوب عليه مبيض قوي

تحطينه بعد غسل الوجه بالصابونه والغسول اللي ذكرته لج

وتنطرين نص ساعه بعد وضع السيروم

بعدها تحطين كريم سويسري من ماركة skin code مكتوب عليه cool white

ينفع حق بشرتنا الدهنيه واللي مسامها مفتوح وتحسس

لان خالي من العطور واي شي مهيج للبشره وينفع للبشره الحساسه

تحطينه على الوجه كله بعد نص ساعه من وضعج لسيروم المبيض القوي من فيولا



هذا نظامي

الكريمات توني باديه فيهم هالمجموعات صارلي يومين


لان الحمدلله الحبوب راحت بفضل الصابونة الفلبينيه اللي حطيت لج صورتها

ماصرت اشوف حبوب

وبما انه عطله وباقي ع العيد 20 يوم قلت دام قاعده بالبيت وماكو روحات بالنهار اهتم بنفسي

هالنظام من صيدلي

وان شاء الله يجيب معاي نتيجه

 

[Gold gem]

الله يسعدك ويجعل وجهك كوجه الاطفال ويرزقك نور على نور من قلبي ادعيلك والله يسعدك بس بسالك قاهره طولت اسالتي بس ذي الكريمات ماتطلع دهون لبشرتي لمن احطها وابغى لتحت العين اش احط لان عيني في سواد ونقط حبوب بيضاء

 

[قاهره عذالي]

لاااا ما تدهن

لان اساسا قبل تحطين هالكريمات تكونين غاسلة بصابونة الاحماض اللي تنشف الوجه عدل

بس اذا فيج حبوب اول حاولي توخرينهم بعدي حطي الكريمات

العيون انا هم مثلج

تحت عيني سواد ووارمين من التعب وخطوط وهم نقط هذي البيضا

والله نفس مشكلتي

اشتريت كريم غارنييه للعين هذا مضاد اكسده وفيه واقي شمس
كنت احطه الصبح اول ما اقعد وبعدها احط كريم واقي الشمس على الوجه كامل واطلع

بالنسبه للي حوالين العين

للحين مالقيت حل

بس شريت حبوب كولاجين وابي ابدى فيهم من الليله اكلهم يمكن وجهي يشد وتخف السوالف اللي حوالين العين

وافكر احط اكياس شاي اكون مسويه فيهم شاي على عيني مثل الكمادات مدة نص ساعه باليوم او 20 دقيقه

لان الشاي فيه مادة الكافيين اللي تريح العين وتخفف من السواد والانتفاخ

العضوه ميمو القصيم امدحت كريمات للعين من تجربتها بس دورت عليهم بالصيدليات مالقيت

وحاليا احط على عيني سيروم البوتكس لما احط مجموعة التبييض بالليل لان خلاص قررت احطها بالليل

يمكن يخفف من المشكله

الحين انا شايله هم المسام والحفر ابي وجهي صبه وحده ولون واحد

والعين ملحوق عليها يمكن الاشياء الطبيعيه تريحها

اما سالفة الحبوب البيضا

رحت كذا عياده جلديه

قالولي كي حلها بس الكي بالمكان اللي حوالين العين راح يعلم ويترك اثر

ومارضوا انه يسوون لي الكي

وفي دكتور ثاني قالي كريم تقشير

بس ماينفع حنا صيف

ويمكن بعد يعلم

يعني رحت كذا عياده خاصه والحكومه

وما عطوني حل

 

[Gold gem]

الله يجعل وجهك كاالاطفال ويرزقك نور ويحقق امانيك يارب

 

[Gold gem]

قاهره ينفع اخذ ايفا كولاجين وقوليلي انابالسعوديه الكريمات الي كتبتيها لياا كم اسعارها وهل هي موجوده بالسعوديه

 

[قاهره عذالي]

مو شرط تشترين نفس الكريمات في واجد نفسها اننواع

اختاري حسب ميزانيتج

ايفا كولاجين احسه دهني مره حطيته وقبيت حب


وما ادري اللي كتبتهم لج عندكم او لا

شوفي بالصيدليه ان مالقيتي بعضهم قولي للصيدلي يعطيج شي مقارب لهم بالمفعول