بشرتي ياصبايا وش اسوي فيها..

[أم النووفي]

مرحبا بنات

ابي استشارتكم زواجي بعد خمس شهور إنشاءالله وبشرتي دمار ومضيقة خلقي مادر ي وش اسوي

توقعون لو بعدين اسوي مع برنامج العروس تنظيف للبشرة ينفع
لان بصراحه رحت لاكثر من عيادة ولكن تشفيط فلوس بدون فايده

وش اسوي بنات ابيها تطلع صافيه نفس البيبي ابي فيها نضارة

ساعوني بنات وجهوني على شي اسويه مليت والله من اللي استخدمته:eh_s(11):

 

[قلبهـ 86]

روحي عياده الجلديه اللي بطيبه كلينك

 

[آصغر عروس]

لما تروحين العياده بتعرفين طبيعه بشرتج والغسول اليومي الي يناسبها
وخراب البشره يا يكون من الجو او من المكياج او من الاهمال
المهم اذا من الجو لازم اتحطين واقي شمس كل ماتطلعين وقت النهار عشان لا تسمر . .
واذا كان الجو غبره وطلعتي لازم تغسلين ويهج بعد هالغبره عشان لا يصير فيج حبوب من الغبار . .
من المكياج لازم اتمشينه عدل بعد ما تحطينه مايكون في بقايا مكياج اهي الي اتسبب حبووب
ولازم بعد قبل المكياج اتحطين البيس "مثل كريم ينحط للبشره قبل المكياج" ظروري كانه يمنع المكياج يدش في طبقات الجلد
وبشرتج لا تهملينها كل يوم تغسلينها بالغسول اليومي او صابون دوف الابيض او صابون بابايا ينظف البشره وكرميها عن الجفاف
وداومي على الغسول اليومي , سوي تنظيف بشره عند عياده زينه ومعروفه , وسوي مقشر طبيعي لويهج كل اسبوع (سكر+ماي )
بس اهم شي من كل هاي لازم تروحين عياده عشان اتقولج شنو مشاكلج اللي بالبشره وشلون اتعالجينها !

 

[دلوعة أبوهآ]

روحي دكتوره جلديه تفيدك أكثر ..
وبعدين علاج البشره يحتاج شهوووور والنتيجه ماتبين بسرعه
ليه مآرحتي واهتميتي من أول ...!

 

[قارورة عسل]

لاباس عليك

 

[ماك تشيكين]

روحي دكتور جلديه وخلي يعطيج حبوب الرواكتين جنه جذي اسمه المهم تاخذينهم لمده سته شهور كل شهر كرتون بس اذا انتي حامل لاتاخذينها تسبب تشوه بالجنين انا الحمد لله انفعوني بس ترى اتجفف انا جفف المنطه حوالين الحلج وخشمي شوي وبس روحي وسالي الدكتور اكثر عن هالحبوب *

 

[Hawaii]

رررررفع