بشرتي تعبانه.ابي دكتور جلدية زين

[Horikita Maki]

السلام عليكم بنات

الله يسلمكم بشرتي كانت فيها حبوب وعالجتهم بحبوب لمدة ست اشهر
في دار الشفاء .. بعدها الحمد لله راحت الحبوب تقريبا 4 اشهر

الحين ردت حبوب تحت الجلد وتسبب اثر وبقع لما تروح

رحت سويت تقشير مافاد
سويت ديرما رولر مافاد
سويت سكارلت عند عيادة الاتحاد اللي يم مروش دكتورت سهيله
4جلسات مع ليزر وهم احس زااااد ..

لما اكلم الدكتوره اقوول لها ما شفت حل كل جلسه 200 دينار
تقول لي صبري

اخر شي قالت لي سوي بلازما الدم .. بس للحين ما سويت
صراحه احس يلعبون علي هالدكاتره ويجربون بويهي والله ببجي قاعده اقط فلوس
هذا غير الالم وبعد ماكو فايده
عفيه الله يخليكم اللي تعرف دكتور زين تقول لي والله تعبت

 

[فنتاستك 22]

أن شاءالله البنات يفيدونج



رفع لعيونج

 

[Horikita Maki]

بنات شدعوه ولا رد .. ابي نصيحه

 

[يحبنى الله *]

حبيبتى الله يعينك

انا الحمد الله ما عندى ميزانية


رحت السيف الدكتور بدوى أسد عطانى ادوية ما شريتهم لأنهم فوق المية قلت اسوى ليزر قالوا ب300 ست جلسات


وما سويت شىء خايفة اقط فلوس وما استفيد

 

[رحيل المرافيء]

حطي مرة وماي ورد
وروحي الجلدية حكومي احسن لج
واستخدمي ريتن ايه
وغسول سيباميد تلاقينه بالجمعية ممتاز

 

[Horikita Maki]

اهو مو عن الفلوس عادي ادفع اي شي بس ابي نتيجه
اللي دفعته وايد بس احس ما استفدت شي

ابي دكتور ما يخليني حقل تجارب

 

[قاهره عذالي]

حبيبتي

انصحج بمجموعة برو اكتف

تقضي على الحبوب

والحبوب اللي تحت الجلد حطي عليها كريم مضاد حيوي مثل الفيوسيدين او محلول زينيرت

واكلي حبوب دلاسين مدة اسبوع وتلقين الحبوب اللي تحت الجلد جفت

انتي طبيعة بشرتج دهنيه واكيد عندج لخبطة هرمونات

دخلي بنظامج اليومي كوب من شاي البردقوش تلقينه بالعويد يساعد هرموناتج تعدل

 

[فّقدّ]

*


آب آب آب آب /* ​

 

[انامل ساحره]

شوفي الدكتور عمر شمس الدين دكتور جلديه ونصايحه تهبل بالانستغرام

 

[French Vanilla]

انصح بالدكتور بوحمره و في دكتور بدار الشفا ايي زياره كل شهر

 

[Horikita Maki]

مشكورين بنات انا الحين صرت اراجع دار الشفا ومادري شبيصير

 

[cute_mama83]

عندج دكتور عيسي بشور شاااااااااااطر بس عيبه اول موعد تحلصين بعد سنه
بس بشرتج تصير خياااال

حطي لج موعد معاه وبهالفتره خلج مع الشفا وشوفي شنو يصير معاج اذا تحسنت بشرتج معاهم ولا لا

 

[زهرا_*]

اب اب اب اب

 

[فجرر]

انا ماصرت اثق بالعيادات من بعد تجربة اليمه فقعو لي الحبوب والاثار تمت 8 شهور موشوية

الزبدة اني مريت بنفس حالتج وصرت اخذ مرايا واروح يم الشمس من ورى الدريشة على ضوء الشمس عشان اشوف الحبوب
وافقعها يطلع منها زيوان ابيض فقعتها كلهااااااااااااا وارتحت والله هذا الي صار اتمنى فهمتيني المهم افقع الحبوب بخفه بدون يتم اثر مثل العيادات عشان يبون فلوووس وتشترين كريمات حق اخفاء الاثار هذا الي سويته لان بالشمس اشوف الحبووب وااااااضح اعصريها بيدج شوي شوي وبعدييييييييين حطيييييييييييييييي هذا السر جل رتن اي للتقشير 3 ايام تسوي لج تقشير لبشرتج تقشير خفيف وافالون المبيض وبس انا هذا الي سويت طبقي الي سويته واايد حلووو ونسيت اقولج انا سويت بخار بالبيت حطيت جدر وماي حااااااااااار اغلي الماء واخذي فوطه(منشفة) وغطيه ع الجدر ودخلي ويهج داخل الجدر وسوي لويهج بخار 10 دقايق عشان المسامات تتفتح سوي يومين لان المسام انا كان مغلق ومافي مجال تطلع الحبوب ببشرتي فكانت تجي ع شكل حبوب تحت الجلد اتمنى فهمتيني اي استفسار ع الخاص والله هذا الي سويته واستخدمت غسول نتريجنا اتوقع الاخت قاهره عذالي نصحتني بيه يزاها الله خييييييير الحين الحمدالله ع كل حال بشرتيه اوكية ماشاءالله

 

[ام عبد العزيز م]

للرفع