راح اكتب لج الغسولات والكريمات اللي جربت سواء انفعت او لا
جربت غسول ريكسول فيتامين سي فضيع من قلب ينظف المسامات
بس للاسف اقطعوه
دورته بكل الصيدليات مالقيت
عطاني مره الصيدلي غسول بديل عن الريكسول ماركة babe
مكتوب عليه غسول جل للبشره الدهنيه
هذي صورته تنظيفه مو شي ولا فادني مع انه غالي شريته ب7ونص دك وغسول ريكسول ب5دك وافيد منه
جتني فتره قشرت وجهي وسويت تقشير كرستال وكان الدكتور يقولي احط كريم نفس مفعول الرتن اي بس اسمه اكرتين انتاج سعوديه
والبشره المقشره حساسه شوي
فعطاني غسول يهدي وكان فعلا يخلي وجهي نظيف
اسمه سيتافيل
انصح فيه اللي تقشر بشرتها بكريمات تقشير في صيدليات تبيعه ب3ونص دك وفي صيدليات ب5دك الا خرده
حاليا استخدم غسول مكتوب عليه exfoliac
لا باس فيه زوين هم غالي سعره 7ونص
هم يهدي البشره نفس سيتافيل لان حاليا قاعده احط اكرتين بالليل قبل انام
الاكرتين ميزته انه يسوي بشرتج بيئه ما تساعد على نمو بكتيريا حب الشباب
اخذ اخف نوع اللي لونه ازرق فاتح ومكتوب عليه تركيز 25, %
ما يخلي البشره تبين قشور حيل واشوف انه يجفف الحبوب ويشيلها
حلو بس بطيء يبي استمرار وينفع للصيف بس ينحط بالليل عقب ما تنظفين وجهج بغسول سيتافيل او exfoliac وممكن بعد تحطينه بس على الحبوب اللي بارزه تلقينه صغرها وقشرها خاصه الحبوب الصغار يفيد فيهم
اما الحبوب الكبار وحمر وملتهبه محتاجه كريم مضاد حيوي مثل الفيوسيدين
بس يكون كريم مو جل لان في انواع جل هذي ما تنفع بالعكس تزيد المشكله
احسن واقي شمس جربته ماركة روك عصار لونه برتقالي يصلح للي تقشر بشرتها ويرطب لان البشره المقشره تبي ترطيب
على ما اذكر سعره 10دك
جتني فتره استعملت صابونة الكبريت
حيل ممتازه كنت اول ما اقعد اغسل فيها احس تشيل الدهون اللي بوجهي
وموجوده عند العطار تنشف الوجه وتشده بعد
واستعملت بعد طين البحر الميت
التزمت فيه قبل عرسي بشهرين او 3
احط منه 3 مرات بالاسبوع على شكل ماسك صار مايطلع فيني حبوب
احسه يسحب الدهون اللي بوجهي ويصغر المسام ويشد البشره
اللي استعملته ماركة بيوتي سيكرتز والمشكله اللي كانت تبيعه سافرت مصر
ومالقيته باي مكان
جربت ماسك طين البحر الميت اللي عند نكتار مو شي وهم اللي ماركة تج مي مو شي بعد
اسبوعيا احط ماسك المره على وجهي مدة ساعه
وهالماسك عباره عن بودر شريته من العطار مكتوب عليه شركة كويت شوب
تحطين منه ملعقه كبيره لو ملعقتين بصحن صغير وتخلطين ملعقه حليب وملعقه روب وتدهنين الوجه فيه راح ينشف ويشد وتنطرين من نص ساعه الى ساعه وتغسلينه بتفريك الجلد
هذي صورته شريته من العطار ومكوناته مكتوبه عليه وحلوه
بالنسبه لي احسن مرطب للبشره الدهنيه هو البيبانثين الازرق لانه البشره بسرعه تمتصه ومو دهني ولا يسبب حبوب ولا يضر المسام وحلو للي تقشر بشرتها او تستعمل الاكرتين بالليل
من تجاربي استخدمت مجموعة حب الشباب من فير اند وايت
فاااااشله وما نفعتني بالعكس زادت الحب
وهذي صورتها
شريتها من الصيدليه ب24 دك
مو شي
مجموعة برو اكتف اللي تطلع دعايتها بقنوات الدعايات حيل فادتني وفعلا قتلت الحبوب احسها
وغسولها يجنن وكريم الحبوب بعد ممتاز والماسك فعلا ينظف حسافه خلصت بسرعه مني يمكن 3 اسابيع من ثاني اسبوع استعمال الحبوب راحت
اذكر شريتها ب18دك من 3 سنين بس حاليا رافعين سعرها الشركه شريتها من تلي سين
فضيييعه لحب الشباب جد
وهم استعملت جل للحبوب المفاجئة من ماركة روك
جل صغير تحطينه ع الحبه مدة 8 ساعات وتلقينه صغرها وقشرها بس ماينفع للحبوب اللي دمامل وفيها زيوان اصفر
سعره كان 8دك ما ادري الحين صار كم
استعلمته من اربع سنين لما كنت اخذ كورس الروكيوتان
