بشرتج جافه تعالي قوليلي شنو الفاونديشن اللي ناسبچ..

[**(فـيـلا دانـتـيـل)**]

السلام عليكم ورحمه الله وبركاته
شلونكم يالغالين

كانت بشرتي دهنيه وكنت احط فاونديشن من ميك اب فور ايفر
وكان وايد حلو

بس الحين صارت بشرتي جااااااافه (( بعد الزواج والعيال ))<< مادري شكو !!

لما احط كريم الاساس يصير ويهي مغبر!!
*:eh_s(11):

وهالشي خلاني اكره الميك اب

صرت ماحط مكياج بالشهور :eh_s(2):
وهالشي حيل مضايقني ..


ولان اساس نجاح المكياج اهو كريم الاساس
فأبي كل وحده بشرتها جافه تقولي شنو تستخدم كريم اساس
وشنو تحط قبل من برايمر او مرطب او او...

ناطرتكم .. ومشكورين
:eh_s(7):

 

[تواضع انثى]

شوفي انا بشرتي ومشكلتي ماهتم فيها بس احب ارطبها بزيت الزيتون واذا مالك خلق استعملي لوشن الفازلين بزبدة الكاكاو

ادري انه للجسم بس ترطيبه لوجهي احسه حلوه ولانها جافه مشي معها الحال

واستعمل فونديشن من ريميل

وطبعا اختاري الدرجه الي تناسبك وان شالله بس اكون افدتك....

 

[أم البناات]

أب لعيونج حبيبتي ان شاء البنات اللي بشرتهم جافه يفيدونج

 

[((غلاي))]

حطي مرطب قبله فور ايفر روووووعه لاتغيرينه

 

[Sparkle]

هذي نصايحي حق الي بشرتهم جاافه
شوفي التقشير تسووينه مرا أو مرتين بالأسبوع فقط لا غير وايد أقرى ردود حق بنات بالمنتدى يسوون تقشير قبل وضع المكياج يوميا وهذا أكبر غلط مو قاعده تتاحين حق بشرتج أنها تجدد خلاياها وقاعده تحسسينها وتكون لها قابليه أنها تصير حمرا ويمكن ببعض الأحيان تتحبب بسرعه كون ما يكون لها طبقه علويه لان قاعده تقشرينه بالينوون ما راح يكون للبشره طبقه حمايه و بسهووله تدش الوصاخه والزيوت

الغسووول حاولي تقرين مكونات الغسوول الي تشترينها البشره الجافه تحتاج على غسووول ما يتحوي على كحوول بنسبه كبيره (عادي تلقين غسووول في كذا نوع كحول فيه) والكحوول يعمل على تعقيم البشره بس بنفس الوقت يجففه
دوري على غسوولي كريمي أو فيه نسبة ترطيب ماركة دووف ونيفيا عندهم منتجات جذي
وحااولي تختارين واحد من هل مكونين
Polysorbate بنسبة 60أو 80
Cocmidopropyl Betaine

أنا أستخدم clean and clear advanced cream cleanser وكوونه غسوول كريمي وايد أحسلي ما راح يجفف بشرتي
ويحتوي على polysorbate بنسبة 60
هذا شكله

المرطب في ناس مرتااحين يستخدمون زبدة الشيا وعندج هل منتجين يمدحونهم وايد للبشره الجاافه

منClinique

و ماركة clarins

حاولي تستخدمين كريم أساس سائل

هذا حلو من بوبي براون اسمه moisture rich
ينااسب البشره العااديه والجافه

بنسبه للبودره أخذي اللوس بودر أخف من البودره المضغوطه

 

[**(فـيـلا دانـتـيـل)**]

تواضع انثي و سباركل
مشكورين واااايد


وينكم بنات اللي بشرتهم جافه

فيدوني بهالموضوع بلييييز

 

[تواضع انثى]

نسيت اقولك شغله بسيييييييييييطه تدرين ان ثلاثة ارباع مشاكل الجفاف عندي انتهت بالماي بس

والله اني كثرت منه الحمد لله تخلصت من اغلب الجفاف الي في يديني انا لو ادري انه بيجيب نتيجة كان صورتلك

يدي قبل كيف كانت والله مابتصدقين كيف صارت الحين وبس من الماي سبحان الله .....

 

[STOP SHAYOO5A TOP]

انا بشرتي جافه واستخدم هيلثي ماكس من برجوا وسعره تقريبا 6 او 7
واحط قبله مرطب جونسون من الجمعيه

 

[lebanon night]

uppppppppppppppppppppppp
نفس المشكلة بس بدي اعرف اسم مرطب و غسول رخيص و حلو للبشرة الجافة

 

[فركيته]

نفس المشكله

 

[**(فـيـلا دانـتـيـل)**]

تواضع انثي .. والله قاعده احاول اشرب ماي
بس لاشعوري انسي
تدرين متي اتذكر
اذا كليت الحبه وشربت ماي
اتذكر اني ماشربت طول اليوم!!
-----------------------
شيوخه .. يليت تحطيلي صورته


في وايد يعانون مثلي @@

عبالي بس انا !!

يلا بنات فيدونا بهالموضوع

 

[Olaa]

انا بعد أعاني من هالموضوع.....لما بتروحين تشترين كريم اساس اشتري النوع اللي خاص بالبشره الجافه....مب المات الخالي من الدهون....في نوع يكون للبشرة الجافة والتجاعيد في أغلب الماركات العالميه....

و حطي مرطب خفيف والاحسن خالي من العطور وخلي بشرتك تتشربه بعده حطي بريمير مرطب قبل كريم الاساس.....أنا عجبني هذا من سماش بوكس

Smashbox Photo Finish Hydrating Foundation Primer

 

[ناتشوو]

اهم شي
نفس نصايح البنات
ترطيب البشرة قبل الاساس
وخلي لبشرتج فرصة تتشربه
5دقايق
مثلا
والاساس لاتاخذين اللي يكون ستيك
لا
اخذي سائل او الكريمي الخفيف

 

[أم*سلمان]

آب

آب

لعيونج

 

[**(فـيـلا دانـتـيـل)**]

بنات اللي بشرتكم جافه
شنو تستخدمون كريم اساس
اي ماركه ؟؟

 

[قطوووة]

انا بشرتي مختلطة

مرات استخدم ماك كومباكت

او نترووجينا سائل

ارتحت له حيل

 

[**(فـيـلا دانـتـيـل)**]

تسلمين


ابي اللي بشرتهم جافه !!

 

[miss_Ba6oOo6a]

لازم مرطب واستخدم كلنك الاصفر عجيب
وجربت كل الانواع الي طحت عليه وعجييب ورخيص ماكس فاكتر سكند سكن
واذا تغطيه اكبر سالوران

 

[**(فـيـلا دانـتـيـل)**]

رحت ماك وقلتلهم بشرتي جافه حيل

عطتني كريم اساس كومباكت للبشره الجافه رووووووووعه رووووووعه رووووعه
وانا احطه بالسفنجه احسه دهني ..

بس قبل لا استعمله احط مرطب من سيباميد.. :rerrerek:

:eh_s(7)::eh_s(7)::eh_s(7)::eh_s(7):
وبچذي حبيت المكياج مره ثانيه
وصرت احط كل ماطري علي بالي
ودلعت نفسي مع مس هارودز
وشريت منها الكونسيلر والفرش
:ggdw:

طبعا قاعده ارطب البشره 24 ساعه
احاول اشرب ماي واااايد

 

[Um Tuki]

بشرتي ججااافة ..

و استخدم فور ايفر hd