بشتري ملابس بيبي هديه ساعدوني

[مولاي الفرج]

السلام عليكم

حبايبي بشتري حق وحده من اهلي توها والده

بشتري حق ولدها ملابس

بس موعارفه شلون اهديه لها

يعني مرات المحل يحط الملابس بكرتونه حلوة

ومرات لا

شلون اغلف هالكرتونه ولا ادور كرتونه من بوابه الهدايا واحط الملابس داخل

موعارفه

 

[13-6-2009]

تقدرين اتحطينهم بسله واتزينين السله بعدين تربطينها بخام تور وشرايط
ودي احط لج صوره بس ماعرف اتمنى اوضحتلج الفكره

اذا ماعرفتي كتبي بقوقل الصور ( سلة هدايا) تطلعلج
*

 

[manoooram]

اذا شريت ملابس مواليد وأبي اقدمها هدية أحيانا المحل يغلفها لج بطريقة حلوة مع الكيس والكرت
وبعض المرات أروح بوابة الهدايا من هناك أغلفها أحطها ببوكس حلو مع ظرف صغير

 

[james546613]

اشتري كرتون حلو وحطي بداخلة الملابس والكرتون يباع في قسم المكتبات في الاسواق الشعبية وفي منه بناتي وولادي ومخمل واقمشه وبعضهم عليه ترتروفصوص وكرستال وغيرها ...ولا اشتري صندوق جاهز وريحي نفسج

 

[ام اغلى الناس]

بمذركير يبيعون سله فيها ملابس بيبي مع اكسسواراتها
رفيجة اختي جابتلي بنفاسي بدله منهم
تهبل
بدله وكبوس ودلاغ

ونسيت هههه
بس ترى السلال تختلف
لاني مره شفة سله حجمها اكبر من اللي جتني وفيها دبدوب لعبه
روحي وشوفي
او انتي ركبي بدله ولعبه بسله خشب

 

[Gamosha]

في إيكيا قسم اثاث والعاب الاطفال تلقين صناديق كرتون انتي تركيبتهم ملونه ألوان اطفال حلوة
تقدرين تربطين كل قطعة ملابس اشتريتيها بروحها بشريطة شفافة ملونة يعني ممكن تلقين البلوزة على شكل حلزوني وتربيطينها بشريط شفاف ملون تور مثلا وبعدين تحطين كل قطع الملابس اللي شريتيهم ولفيتيهم بروحهم بالصندوق الكرتون وتحطين معاهم العاب صغيرة تلقينهم عند إيكيا ألوحدة على ريع دينار اللي تصير على اشكال حيوانات محشية قطن وتقصصين ورق كريشة من المكتبة ملونة داخل الصندوق وتسكرينه وتلصقين عليه كرت حلو

 

[فلافل وبطاط]

 

[مولاي الفرج]

يسلموووووو ماقصرتو