بشتري سيارة و محتارة ابي تجاربكم

[Kawaii GiяL]

السلام عليكم و رحمة الله و بركاته


:eh_s(17):


بناات ابي اشتري سياارة
امييل للجيب .. بس مو رافضه الصالون هم عادي
اهم شي السيارة تكون ممتازة
1- من ناحيه الشكل ( خارجي و داخلي ) ابيها تكون رزة شوي
2- اهم شي بعد عندي المكيييف واااي بنااات ضروري المكيف يكون ثلج ثلج ثلج
3 - و سواقتها مريحه و ثابته و body السيارة يكون قوي يعني مو اي ددعمه تروح فيها
4- و قطع الغيار مايكون نار

و حدودي 10 - 12 الف لا اكثر و ما تقل عن سنه 2010

ابي تجاربكم :eh_s(17)::eh_s(7):
​

 

[ابلة رسم كتكوته]

انا جربت bmw 540 كانت صج سياره شكل واستخدام وتكنلوجيا بس ما اذكر مكيفها نسيت بس عموما bmw زينه
وجربت الجاكوار من ناحيه زينه ومن نواحي وايد مو شي انا جربت ال x-tybe البدي متاااانه مو طبيعيه لدرجة انه اللي يدعمج سيارته اهوا اللي تروح بعيد الشر طبعا والله يكافينا شر الحوادث انا قاعده اقول جذي لانه صار لي حادثين بالجاكوار واحد دعمني على جنب وكانت الطقه وايد قويه وتوقعت السياره راحت يوم نزلت ولا طقه خفيفه وهم الحادث الثاني كان ويه بويه الله ستري على وعلى عيالي من قوة الحادث عبالي سقف السياره طايح على راسي تعورت السياره بس مو مثل ما كنت متوقعه اخف بوااايد من اللي تخيلته وعلى قولة ريلي لو انج بسياره يابانيه جان انعلجت السياره باللي فيها الحمدالله على كل حال تكييفها كان بااارد بس ورا مافيه تكييف عيالي يموتون من الحر وتصليحها كلفني 2700 بعد الحادث وبعد المكاسر طبعا قبل المكاسر 3700 لانه قطع غيارها غاليه وسيرفسها غالي وكانت وايد توقف بالشارع ولاعت جبدي منها وبعتها
والحين سيارتي جيب لكزس الصغيرون مع اني كنت رافضه بتاتا اللكزس ماحبها وكنت باخذ 7q الجيب الاودي بس سقت اللكزس قلت خلاص ابيهااا تكييف ووايد تكنلوجيا وحجمها حلو توكلت على الله وخذيتها والحمدالله صار لي سنه ونص ما اشتكيت منها ولا اذتني الله يتتم عليها
بس انتي اذا رحتي افتريتي بالوكلات احسن بتشوفين اللي يلبق لج ويريحج من ناحية الحجم والشكل والسعر
وان شالله تحصلين السياره اللي بخاطرج

 

[ابلة رسم كتكوته]

نسيت اقول لج الاسعار
اللي ب 12 الجاكوار والباجي اغلى

 

[A.Designer_90]

جيب Acadia gmc
أمريكي ومرييح بالسياقة وشكله مرتب وقصته حلوة لآ إهوأ كبير ضخم
ولآ صغير بأيخ ، يعني حجمه حلو ..ومآفي سيارة ما تخترب و
وترى السيارة على الإستخدأم
وتكيف أكثر من جيد جدا ..
وقطع غيآرهأ مو غالية وآيد

وبنفس الحدود يعني في من 8 آلآف لي 13 ألف على حسب الموآصفآت

واللي سأمعته إنه التيوتا قوية وتكيفها بارد وسيارة تكدينها
وامي عندها لكزز مرتاحة وأيد منها

والله يعطيج خير السيآرة اللي بتشترينهآ ويكفيج شرهإ مقدمأً ..

 

[zqertya]

انا سيارتي جاكوار xf وااايد حلوه وسياقتها رزه وثقيله وصج كلام اختي ابلة رسم تدعمين وماشالله ماتتعور على قولتج فيها متانه والحين مسوين عليها عروووض اخذيها لاتترددين والمكيف حده ثلج ثلج عجيب وعندج المسجله صوته عالي ومايعور الاذون كلش صارلها 3 سنين عندي وماشتكيت منها بس والله من العين اول ماخذتها شوي تاذيت الصراحه والسيرفس مو غالي وبعدين لما تشترينها يعطونج عرض عليها 5 سنين او 3 سنين كل شي ببلاش انا جذي كل شي ببلاش السيرفس والسفايف ووايد اشياء
بس اذا شقيتي تاير سعر التاير ب 100 انا مشلخه السياره خخخخخخ كل شوي شاقه تاير خخخخ حوله

وعندج جيب كيدلاك رفيجتي خذته صج صج عجيب روحي شوفيه يمكن تعجبج خصوصا اذا عندج يهال

انا سقت واايد سيارات بورش وس ال اس والتيما وكامري خخخخ بس عندج الجاكوار رزه ولو تلاحظين اكثر البنات الحين ماخذينها xf وعندج بعد الكلايزلار هم حلوووه


حطي قوقل جاكوار xf وشوفيها

سويت دعايه حق سيارتي خخخخخ

 

[aloooya]

اخذي نفس سيارتي همر لوووووووووول احبها

 

[فراااوله26]

انفنتي او مورانووو اوو اكاديا اووو لينكووون شكله عجيب

 

[magnolia]

جيب لكزس rx وانتى مغمضه من كل النواحى يهبل وكاااافى لكزس وسعره فيييييييه

 

[قمر الكويتية]

إخذي جيب تويونا برادا

حلو و كشخه ،، و مكيفة بارد

و قطع الغيار معقوله

 

[Kawaii GiяL]

مشكورين بنات ما قصرتوو .. حددت اختياراتي
يا نيسان مورانو ,,,
يا انفينيتي ex او fx بس احس ال ex بناتي اكثر

ما اعتقد راح اطلع عن هذيلي .. بس هذولي اللي دشو مزاجي
​

 

[Dark SouL]

شوفي حياتي انا جربت الانفنيتي ex حلوة ومكيفها بارد باختصار نفس المواصفات المطلوبة بس يوم بطلت حلجها مثل ما يقولون موراضية تترقع كلشوي يطلع لها خراب الحين جربت لاند روفر عجيييييييييييييبة بمعني الكلمة مع ان ماكنت مقتنعه فيها بس سياقتها سلسه وسيفتيها قوي وانتي حياتي سوي تست درايف للسيارة اللي تبينها وشوفي شنو ترتاحين لها

 

[ياحلاتي قمر]

سلام عليكم

والله انا بعد محتارة افتريت وايد
عجبني فولفو اليديد ب١٣ وشوي بس مادري يقولون قطع غياره غالي
توني ادري الجاكوار ب ١٢ ?!!
وبخاطري بعد مرسيدس c200 بس هم قطع غيارها غالي

مادري شنو اختار

 

[سيدة قفشة]

افضل سيارة من ناحيه الشكل والقوة اهيه الكامري انصحج فيها لانها قويه من برا وماكينتها روعه والشكل مقبول وعصري

 

[ليان]

غير التويوتا لا تاخذين​