السلامـ عليكمـ ..~ :eh_s(8):
شلوونكمـ بناات شخبااركمـ ..~
* قبل لا ابدأ الموضووع رجاااءً اللي ماعندها اسلووب او لغة الحوار او تبي تسبب مشااكل :eh_s(14):
وتخلق الفتن لااااا تررررررد الموضووع يتعذرهاا ومن غير مطرود :eh_s(4):...
وتخلق الفتن لااااا تررررررد الموضووع يتعذرهاا ومن غير مطرود :eh_s(4):...
* ورجاءً لاتقولون اني حاطه الموضوع عشاان اسبب المشااكل او الفتن والله يشهد علي اني بوصل وجهة نظري والكلام اللي بقلبي ... ولا تنسون (ان بعض الظن اثم ) ...
* ورجاءً ابي الردوود تكوون محترمه وانها تدل على تربيتج ومعدنج الطيب عشاان تكسبين النااس باخلاقج وطيب اصلج وتكسبين احترام العضوات لج ...:eh_s(15):
* ورجاءً من غيير همجيه ... ولازم الكل يتقبل رااي الثااني خصوصا احنا بلد ديموقراطي وكل وحده لها حرية الرااي ..:eh_s(15):
ابدأ موضووعي ..~ :ggdw:
" بصرااحه انا شفت جم موضووع بالقسم هذا يتكلم عن سياقة المرأة للسياره في المملكه "
اول شي : برد على عضوه كاانت كاتبه ان الكويتيات اهما اللي بدوا وان الموضووع اللي مكتوب
كاتبته وحده كويتيه ... حبيت اقوولج تأكدي قبل لاتسولفين لان اساسا مو مبين منو اللي كاتبه
الموضوع واحنا نعرف ان منتدانا مفتوح حق الكل واكثر من جنسية مسجله بالمنتدى
ماندري اذا كانت كويتيه او سعوديه ..~
فحبيت اقوولج " ان بعض الظن اثم " وتقبلي راايي بكل سعة صدر ..~:eh_s(17):
ثاني شي : بصرااحة قريت جم رد من العضواات ما يليق لمنتدى رااقي مثل منتدى كويتيات اللي
سمعته واصله للكل والدليل عدد العضوات تبارك الرحمن:eh_s(9): ..~
سواءً من الكويتياات او السعودياات كلنا حبايب وخوات :eh_s(22):... و ما نووصل لهالمستوى ..~
وبالنسبه للسياقة السيارة احنا مالنا شغل خلااص اهماا كيفهم يسوقون ولا مايسوقون
وكل ديره تفرق عن الثانيه ويسوون اللي يناسبهم ويريحهم ..~
ثالث شي : بصرااحه الكلام اللي نقال بحقنا مو شويه اهنتونا بما فيه الكفايه والوحده ماتقدر
تسكت الان الاهاانه تعتبر اهانه للكويت :eh_s(14):كلها والشي هذا محد يرضاه وشي طبيعي
ان كل وحده تدافع عن بلدها ولكم الحق بس ما توصل للاهانه والتجريح بالكلام اللي ماله داعي
وانا ما انكر ان بعض السعوديات انهانوا وانجرحوا من الكويتيات لان السالفه صارت وحده بوحده
والسالفه صاار فيها ( قذف المحصنات ) <<< واتوقع تعرفوون معناها شنو ... وتعرفون
شنو عقابها عند رب العباد ... اللي تقول ان احنا لحمنا رخيص :eh_s(14): او مانستحي او او او
كلام ماله اول ولا تاالي ... " ترى كل ديره فيها الزين وفيها الشين " << حطوها بالكم عدل
نفس مافي كويتيات محترمات وينحطون على الجرح يبراا في سعوديات جذي ونفس ما في كويتيات
قليلات ادب او ما يستحون في سعوديات جذي ومحد يقدر ينكر الشي هذا صح ولالا ؟!
وبالنسبه لسياقة السيارة فيها سلبيات وفيها ايجابيات شي طبيعي لان تقريبا كل شي له
سلبيات وله ايجابيات <<< بس مابي اتطرق للموضوع هذا اكثر من جذي ...~
وحبيت اقولكم المحترمه محترمه ويين ما تكون سواء ساقت السيارة ولا لا ..!!
رابع شي : حتى الريااييل كان لهم نصيب من الموضوع ..!! اللي يقولون ان رياييل الكويت
حريم مو رياييل ؟!! ليش يعني عشاان زوجته سااقت صاار حرمه مو ريال ؟؟!:eh_s(4):
في وحده ترضى فيكم ان يقولون عن ابوها ولا اخوها ولا ريلها ... الخ مو رياال ؟؟!
ما اعتقد احد يرضى لان السالفه فيها اهانه وكرامه بنفس الوقت ..
وبعدين سالفة ان الكويتي يتزوج من برا او السعودي عاادي ياما كويتيين ماخذين سعوديات
وسعوديين ماخذين كويتيات مافيها شي عاادي ويين المشكله بالموضووع او حتى مغربيات
هنديات سورياات ... شنو يعني عاادي لييش مو بشر لا تنسوون ان مافي احد احسن من احد
كلنا متساويين عند رب العباد ومافي فرق بينا الا بالتقوى ...:eh_s(15):
* ممكن سؤاال للسعوديات طبعا مو الكل عشان ما تقولون قاعدة تكلمين عن ديره كامله !!
ليش حاطين ببالكم ان احنا راايحيين فيها ومانستحي ؟؟!
بقولكم موقفين جداام عيني صاروا مافي احد قالي او سامعته من احد ..~
مره كنا بسوريا تحديدا بصلنفه <<< معروفه اكثرها خليجيين
وطبعا فيهاا جم عاايله سعوديه والله من هذي العواايل سعوديات كانوا لابسين عبي
واايد ضيقة ومخصره والشعر طالع والملفع طايح على الكتف .. ونفس الطريقه
والله بالكويت كنا بحديقه ونفس شي سعوديات لابسين عبي ومبطله من جدام
وتحت بنطلون جينز والشعر طاالع ؟؟! :eh_s(1): رجاءً لا تفهموني غلط
انا قصدت اكتب الموقف عشان تعرفون ان مافي احد كامل غير وجه سبحانه
وان الزين والشين بكل مكان مو قصدي الاساءه لاحد لان احنا اصلا
عندنا بالكويت المتحجبه متحجبه وين ماكانت والسفور سفور ...~
عشاان جذي مانحكم على ديرة كامله من خلال شخص او شخصين لانهم اصلا يمثلون نفسهم
مو ديرة كامله وماتدرون يمكن اللي مو متحجبه تكون احسن مني ومنج اهيا يمكن تدخل الجنه
والمتحجبه لا لان سالفه العقاب والثواب بيد الله سبحانه وتعالى ويمكن تكون مسويه شي
بدنياها يشفع لها بالاخره ..~ :eh_s(17):
اخر نقطه حبيت اوضحها وادري انكم ودكم تحذفوني باكبر شي عندكم تحملوني شوي ..~
بخصوص انكم تقولون تدخلتوا بموضوع ما يخصكم ... حبيت اذكركم
بقضية اخوانه البدوون اللي الحمدالله انحلت ازمتهم
انتوا تدخلتوا بهالموضوع وقلتوا انكم ضالمينهم وجم عضوه سعوديه نزلت
هذا الموضوع وصرتوا تكلموون عن الموضوع وجنكم عايشين معاهم
وعاارفين معاناتهم وصرتوا تكلمون بالقضيه وانتوا مو فاهمينها ولا
تعرفون شي عنها ولما قلنا هذي قضيه خاصه احنا نحلها قلتوا لا
هذي قضيه انسانية ومادري شنو وصاارت مشااكل وتسكرت المواضيع..~
وبالنهايهـ ..~
حبيت اقولكم تقبلوا موضوعي بكل سعة صدر ولاتنفعلون واايد قبل لا تردون
ذكروا الله وتالي ردوا على الموضوع بهدوء ومن غير هواااش رجاءً:eh_s(17):
والكويت والسعوديه اخوان وحباايب واقرب دولتين لبعض من الخليج
وانا اتوقع من كثر المحبه اللي بينها تصير بينه مشااكل :eh_s(22):
ويااريت موضوعي يكوون للتسامح عشان تصفى القلوب وخصوصا ان
شهر رمضان قرب وكل عام وانتوا بخير مقدما :eh_s(17)::eh_s(17):
سووري اذا الموضوع شوي مو مرتب والافكار مخربطه عذروني
حبيت اسألكم شراايم باسلوبي ؟؟! لوووول ادري ودكم تطقوني
ترى عمري 15 وبعد شهرين اكمل 16 سنه :eh_s(22):
واتمنى ان مايصير الموضووع هوشه واذا صار هالشي
اتمنى من المشرفه ان تسكره على طوول قبل السالفه لاتكبر
