بس خلاص مو قادره اتحمل

[ام مدعج]

قوه بنات شلونكمن بس خلاص لاعت جبدي مو قادره اسوي رجيم كل مكان رحت كل دكتور رحت عيادته ماكو فايده اراده ميييييح والله مليت ابي بس 10 كيلو مو قادره بس خلاص تعبت مليت حدي وصلت اوووووف

 

[ام طلال]

مشاركة: بس خلاص مو قادره اتحمل

حبيبه قلبي لازم قبل الاراده يكون عندج اقتناع باللي قاعده تسوينه بس اهم شي حطي ببالج هدف وحطيلج حافز عشان تقدرين تستمرين والله يوفقج

 

[ام مدعج]

مشاركة: بس خلاص مو قادره اتحمل

حطيت ام طلال حوافز ماكو فايده انا احب الاكل تعبت والله

 

[ام طلال]

مشاركة: بس خلاص مو قادره اتحمل

حبيبه قلبي كلنا نحب الاكل لكن لحد معين يعني انتي حاولي تشغلين وقت فراغج بشي مفيد عشان تلهين شويه عن الاكل

 

[chica_q8iya]

مشاركة: بس خلاص مو قادره اتحمل

اذا كليتي اخذي بعدها حبة تنزل الأكل أو تنزل الدهن!
ماعتقد عندج غير هالحل............

 

[lolo77]

مشاركة: بس خلاص مو قادره اتحمل

وي هذي المشكلة الازلية
عفية انا بعد ابي حل
المشكله امشي عليه اسبوعين 3 وارد
وانا احب اكل الاكل الغير مفيد واللي يمتن
هاهاها

 

[المرفأ~~]

مشاركة: بس خلاص مو قادره اتحمل

تااج الوفاا نفس الحاله بس الفررق..ان انا احب اكل الليل.....يعني طينتها من قلب

 

[* مـذهـلـه *]

مشاركة: بس خلاص مو قادره اتحمل


شوفي يا قلبي احنا كلنا نحب الاكل و اللي متعود على الاكل بكون صعب عليه يسوي اي ريجيم نفسيته بتتعب فأنا اقولج اول شي لازم يكون عندج اراده قوووووووووووووويه و لازم يكوون في بالج شي تبي توصليله عشان تكون عندج هالاراده .. يعني حطي في بالج عندج مثلا بعد شهر عزيمه او عرس وتبين تطلعين فيه طلعه وبطله حلوه وبهيه او روحي السوق شوف لهدوم و المقاسات لصغيره بتصير عندج اراده و لا شوفي هالعارضات شلون اجسامهم صج انهم جنهم اعواده بس انه البطن لازق بالظهر .. و قبل هذا كله الواحد ما يقدر يصعد الدرج بطمره وحده بالتدريج يعني انتي دام انج متعوده على الاكل ابتدي حبه حبه يعني منعي روحج من الككاو وهالخرابيط بعدين بعد جم يوم منعي روحج من لعيوش و المعكرونيه و الخبز و ابتدي اكلي مشاوي وستيكات وشربي عصير بدال مثلا المشروبات الغازيه .. انا قبل كنت اتعب كل ما قلت بسوي ريجيم ما اسوي الاكل يشدني بس شفت نفسي قاعده ازيد و اللي بعد زيدني حبوب الخميره خلوني اطمر 10 كيلوووو ولاعت جبدي بالبدايه ما قدرت بس و الله انا الحين منصدمه من نفسي البيبسي ما احبه مثل قبل وانا كان غرامي شي اسمه بيبسي و ما اتغدى و اتعشى الا وانا شاربته و طبعا الككاو عندي شي اساسي عادي غداي و عشاي ككاو بس الحين الوضع تغير 180 درجه البيبسي لو شربته اوصل لربع و اقطه ما اقدر اكمله و الله يا بنات من هديت البيبسي بطني دش بظهري .. شوفي يا قلبي انتي منعي نفسج من الاكل بالتدريج ما يصير مره وحده ماراح تقدرين خففي الاكل عقب ابتدي بالريجيم

 

[مستشاره قانونيه]

مشاركة: بس خلاص مو قادره اتحمل

اول شي قللي من اكلج مثلا اذا تحبين العيش والمعكرونه لاتقطعين بالمره لا اكلي بكميه اقل والله ذاك اليوم وحده قاعده تسولف بالعياده تقول عندها بنتين بالجامعه وحده كان وزنها 90 والثانيه 85 والحين صارو بال50 والسبب انهم قللوا بالاكل يعني مو مره وحده اقطعوا نهائيا بس بالتدريج واقطعوا البيبسي والكاكاو وولمده سنه يعني مو بيوم وليله اضعفوا اكيد يبيله فتره واستمرار واراده قويه مافي احد يضعف بشهر ولا اسبوعين الا تشوفينه رد وزنه وازياده عن اللي نزله بس شوفي اذا كنتي تحبين الاكل وماتقدرين تقللين في وايد بنات ياكلون اللي يبون لي الساعه 6 واشتركي بنادي بعد يساعد عالضعف

والله يكون بعونج ويقوي ارادتج ترى بس 10كيلووو اشوووويه

 

[^مزهريه^]

مشاركة: بس خلاص مو قادره اتحمل

!!!!!!!!!!!

وجود سنتر؟؟

ولا انا متخربطه ؟؟

مو انتي الي اشتركتي فيه ؟؟

حتى انا ترى ماعندي اراده ابدا ابدا وابي انزل 25 كيلو بس


ومو قادره احب الككاو والمعجنات


بس انا اقولج اللي نفع معاي صج صج دايت سنتر والله
نزلت 5 كيلو بشهر صج شويه بس على الاقل كل شي آكله وكنت اخربط واايد يعني لو ملتزمه جان نازله اكثر
وميته واشترك فيه الحين بس الماده ماتساعد

 

[بنت الوفا]

مشاركة: بس خلاص مو قادره اتحمل

وانا مع دلوعه اهم شى الارده ولله انا احب الاكل والببسي
بس كرهت حالى لمااشوف بطنى وفكرت اسوى شفط دهون بس الماده زفت
وبديت اخفف الاكل خاصة العيش وبديت برجيم من عندى حليب بجاى وخبز بزبدة الفول السودنى
وتعودت عليه حتى كرهت الاكل كلما اشوف بطنى واتذكر جسمى قبل احمل كنت عود
اهم شى الارده

 

[بنت الوفا]

مشاركة: بس خلاص مو قادره اتحمل

اضافة قبل انام اشرب ماءمع خل التفاح
واذقعدت نفس

 

[ام مدعج]

مشاركة: بس خلاص مو قادره اتحمل

مشكووووووووووووووووووووورين عالروردود انشاء الله بتصير عندي اراده يارب صح مزهريه انا مع جود سنتر والي الحين معاهم بس امس تعبت نفسيا جان اكل وجبه كامله اكل شارع المطاعم

 

[سارا ديور]

مشاركة: بس خلاص مو قادره اتحمل

لازم تكون إرادتج قويه

 

[cat women]

مشاركة: بس خلاص مو قادره اتحمل

ترى انا تقريبا نفس وضعج بس اشقمت اسوي مااسوي ريجيم من اول شي اول شي اسويه ابدي اصغر معدتي اتغدى اقل من كل مره واتعشى اقل بعدين اشوي اشوي لما اسوي ريجيم بعدها مااتعب لاني امخففه اساسا فعندي الاكل شي عادي وثاني شي المطاعم برجر كينج وهارديز وشارع المطاعم لووول كل هذيييل اساس الكرش والله يوفقج

 

[& ياملحي كيوووت &]

مشاركة: بس خلاص مو قادره اتحمل

الله يعين يارب

 

[*الحالمه*]

مشاركة: بس خلاص مو قادره اتحمل

حبيبتي 10 كيلو مو شي جاااااااايد و صعب

نصيحتي لج اكلي عااااااااادي جدا بس ها خففي الكميه و حطي حيلج بالسلطه و بعدين كملي اكلج عادي


و العشا يكون قبل نومتج ب 3-6 ساعات

طرقة طبخج قللي فيها من الدهون كثر ما تقدري

و كثري من شرب الماي بس هااا قبل الوجبات مو بعدها

و الاهم من هذا و ذاك الرياضه اول ما تقومين الصبح عالاقل نص ساعه

ثلاث او خمس مرات لان الرياضه الصبح قبل الريوق تخلي جسمج يحرق الاكل بسرعه كبيره

دام وصلتي لهالحاله من انعدام الاراده فهذي نصيحتي لج جربيها

 

[ظلال القرآن]

مشاركة: بس خلاص مو قادره اتحمل

شوفي حطي بالج ريلج لايعه جبده من شكلج وكرشتج

وان ناقوس الخطر يدق ولازم تاخذين موقف


والا الحبيب اللبيب يطير مع وحده رشيقه

 

[bnt_kwt]

مشاركة: بس خلاص مو قادره اتحمل

تاج الوفا حياتي انتي
كلنا نحب الاكل ونموت فيه بس شنسوي بعد
والله انا وايد عانيت كنت كل ما اسوي رجيم
التزم فيه يومين والثالث مخربته من قلب قطيت فلوس وكل شي سويت
حتى حالوت اسوي من رجيمات المنتدى ما قدرت
لما قررت قرار حازم وصارم اني اضعف واني لي متى بتم طول عمري متينه شكلي كبيره عندي درزن يهال وانا ما عندي ولا ياهل من المتن المتن مكبرني ومشيني كل الناس يقولون لي ويهج حلو بس حسافه متينه هذا غير ريلي لما كان يعايرني بجسمي كنت حيل مضغوطه نفسيا واعاني معاناه الله لا يوريج من المتن ومن حنت امي وخالاتي علي ضعفي وضعفي ومن تفكيري بالحمال اللي مالي امل منه طول ما اني متينه ومن ريلي اللي اخاف انه يطالع غيري هذا اذا ما طالع والسبب متني البشع هذا غير التعب بالسوق ما القى اي شي من اي مكان لا الا من المقاسات الكبيره

لما قررت اني اكسر كل القواعد واتحدى نفسي واهتم بعمري اكثر واكثر
والحمدلله قطعت شوط كبير كبير كبير وما بقالي الا القليل انشالله
زادت ثقتي بنفسي صرت احلى من قبل مليون مره
طبيا حق الحمل جسمي قام يستجيب للعلاج

لبسي القديم كله قطيته وشريت لي شويه ملابس يديد ما كثرت منهم لاني بعد بضعف
وريلي صار يهتم فيني اكثر من قبل وطلعت غيرته علي

واي وايد وايد اشياء تغيرت فيني

واحب اذكرج انه الاكل والله لاحقه عليه وياما وياما كلينا وشنو الفايده زياده بهالكيلوات
لا والله الزم ما علي صحتي وعقب ما جربت الضعف وحلاته مستحيل راح ارد امتن مثل قبل بحاول بقدر المستطاع احافظ على جسمي
يكفي انه شكلي صغر وايد وحركتي صارت اخف حيييييييل والحمدلله على كل حال الله يثبني انشالله
ويبعد عني عيون الناس اللي على بالهم اني بسهاله ضعفت
ما يدرون اشكثر عانيت وتعبت على ما تعودت على الرجيم وصغرت معدتي

وما اقول الا الفال لج يارب

 

[@ الرسامة @]

مشاركة: بس خلاص مو قادره اتحمل

لازم عيل اتخففين اكلج يعني اكل نص الصحن وبعدين فكري بعمرج وبصحتج قبل لاتفكرين بالرشاقة
والمتين عمره قصير

بسبب الامراض لان قابليته للامراض اكبر