بس خلاص تعبببت

[freakiya]

السلام عليكم ...
ادري بتقولون موضوعي مكانه غلط بس راح تعرفون بالنهايه ليش حطيته هني ..
الحمدالله انا تزوجت من شهر 7 و الحين افكر احمل ادري مبجر خخخخ
القصه و مافيها ان انا يتني الدوره اول ما كملت 10 سنين اتوقع صغيره شوي بس من يتني و اهيا مخرببببطه يقولون من حبوب عطوني غلط بالطبيب مع العلم السالفه مو عبط لان عطوني حتى ابره غلط و الحين رافعين عليهم قضيه المهم كانت تييني الدوره يوم واحد بس و بقعه صغيره و انتو بكرامه بس بالحمام لما سافرت علاج عطوني حبوب ياسمين و بالكويتي (مع حمل) لووول
انتظمت الدوره فره طويله مع العلم استخدمته شهر واحد بس و انتظمت فتره طويييييييييله سنين
بس قبل لا اتزوج بجم شهر انعفسسسسسسسسسسسسست
ركزو معاي و شوفو شلون تستعبط الحلوه ...
اول مره تاخرت اسبوع بعدين سبوعين بعدين 3 بعدين شهر بعدين شهرين بعدين 3
والحين ما تنززززل نهائي الا اذا خذيت حبوب و بطلع الروح تنزل @@
ابي انظم دورتي مع العلم احين متاخره علي اسبوعين لا تقولون اخذي حبوب اللي اعرفه مو زين الرحم يتعود عليها ثاني شي ابي احمل و مابي اعفس الدنيا بعد تعب بحبوب
حطيته بالهقسم لان 100% عندكم خبره و اسال متزوجه و عارفه احسن من عزوبيه سامعه و مو مجربه شسوي :"( حتى ايام التبويض ما اعرف متى و ريلي و اهلي و اهل ريلي باختصار العموم مناشبني على الحمل لدرجه امي قامت تقطها جدامي عند ريلي شبي فيها انا ازوجك بدالها على اساس غشمره بس لكلمه تجرح و ريلي جم مره يتهاوش معاي على اليهال انا توني صغيره عمري 18 اهوا 28 يقولي انا مو صغير لي متى انطر و باجر اكبر يصير مالي خلق اليهال ادرري كلامه صح بس شسوي مع العلم ترا مانعني اخذ حبوب يعني لو بقوله ياسمين بيذبحني لو بقوله نظام الي اخذ حبه مادري شسمها و بعد جم يوم تنزل غصصصصصصصصب يرضى بس مو معقوله بسوي جذي كل شهر انا من تزوجت كله حبوب انزلها
بليييييييييييز ساعدوني ترا ريلي وصلت فيه يقولي ال مشكله ترا الف غيرج يتمنوني اقوله اذا خذيت غيري ما اتم معاك يقولي جذي اسهل لان ما بينا يهال اهوا حرام وايد زين معاي مابي اظلمه و مدلعني وايد بس اذا تهاوشنا تصير مصيبه​

 

[freakiya]

شدعوه ماكو ولا رد

 

[naseem]

هلا فيك وربي يسخر لك ما تتمنين

حبوبه بسالك انت اكيد عملت فحوصات وكذا
ماجبتي سيره شنو قالت لك الدكتوره شنو عندك

اللي اعرفه اللي تتاخر عندها الدوره بالاشهر احتمال عندها تكيس او هرمون الحليب مرتفع

وكلهم علاجهم سهل ان شا الله. بس لازم نعرف ايش مشكلتك بالضبط حتي نساعدك بشكل احسن

 

[هذا مزاجي]

والله ماادري حبوبه
ان شاءالله البنات يفيدونج

 

[منور الإماراتية]

طيب روحي يوم انتي وياااه المشتشفى

عند دكتوره اخصتصااصيه نساائيه

وشوفي شوو سبب تااخر الدوره

يمكن لاسمح الله عندج سبب بسيط هو الي يمنع الدوره من انها تنزل

يعني لو تكيس بسيط علالاجه شهرين 3 ويرووح

وخليه ويااااج عشان لوو وصفت لج الدكتوره حبووب يقتنع فيهــا

وولو عنده اي اساله خليه يسال الدكتوره فيهــا ..

وخبريها انج تبين تحملييين وا نشاء الله يااارب يرزقج بالذريه الصالحه يارب

 

[رووح ابووها]

والله انا نفسج تتاخر اسابيع وممكن يطوف شهور ماتنزل
بس قبل اتزوج اب 5 شهور انتظمت وبعدين ردت اعتفست
ف مااعرف شي

اب لعيونج ..

 

[تبطي عظم!]

حبيبتي علاجج عند دكتوره نساء وولاده تاخذ عليج فحوصات شامله

هرمون حليب وغده + تفحص الرحم اذا فيه تكيسات وغيره

تعطيج حبوب تنظم الدوره اقلها تاكلينهم كورس كامل يعني ٣ شهور

وبعدها تعيين التحاليل كل شيء سليم تعلمج الدكتوره متى تبويضج ويصير الجماع بايام التبويض

لا تحاتين كل شيء وله علاج حبيبتي بس مو هني بالمنتدى علاجج عند دكتوره استشااريه

ما ادري امدح لج منو ماعرف لان كل الي اعرفه سامعه فيهم بس ماجربت احد

ع العموم يمدحون دكتوره هند الحمدان واذا فيه احد يعرف عنوانها او ايشيء عنها يكتب

لان جد سامعه فيها بس ماجربتها ~

 

[_- The moon -_]

حبيبتي ساعات تاخر الدورة تكون سببها النفسية حاولي هاليومين لا تفكرين بسالفه الحمال وخليها على ربج ,,،

مثل ما قالت اختنا منورة الاماراتية اخذيه معاج عند الدكتورة عشان يستوعب الوضع

والله يرزقج بالذرية الصالحه عاجل غير آجل ,,، وان شاء الله تنزلين موضوع قريب عن حمالج يارب

 

[عسل مرت قيمر]

حبيبتي روحي حق دكتوره تفيدج احسن من البنات

لان لها خبرتها وطراستها وتخصصها

مايصير تسألين اي احد عو شي طبي


راجعي وشوفي شتقولج


وان شاءالله يكون شي سهل وربي يرزقج بلحمل ياارب ويشافيج


والله يهديه زوجج بعط هلشي م. بيدج يعني شتسوين

قوليله يعني انا مابي يهال

اكيد ابي

بس شسوي مو بيدي بيد الله

 

[tbola]

احسن لج روحي حق الدكتوره يمكن تعطيج حبوب الي تنظم الدوره

 

[reem83]

روحي فحصي ومعاه اهو وروحي لطبيبة للحمل عشان تتاكدين احسن وتعطيج نظام يعني ولا وحدة فينا راح تفيدج

 

[جوري 2007]

امج من صجها @@ وحتى ريلج الصراحه شنو هالكلام !! الله يعينج ويعين نفسيتج

روحي دكنورة شاطرة وانصحج ببهواني بالهادي مادري اذا ليلحين موجوده وشوفي اشتنصحج فيه ولاتاخذين حبوب من نفسج

وهم عندج "قيام الليل " الحل السحري المضمون باذن الله استمري فيه شهر وتعالي بشرينا

 

[اوراق جنجفه]

حياتى مايبيلها استشاره لازم تروحين حق دكتوره امراض نسا او عند حريم معالجات ويكونون معروفات
والله يرزقج بالضنا يارب

 

[Model Look]

امبيه مو من صجهم توج متزوجه !!

لا يلعبون بنفسيتج ،، اول شي تسوينه تنظيم دورتج معنه اعرف بنات دورتهم مو منتظمه حملو وتشوفين المبايض اذا فيها تكيس ولا لا ولا ضعف وريلج خل يسوي تحاليل بعد

 

[مياسه الحساسه]

الله يرزقك بالذريه الصالحه
بس روحي لدكتوره عشان تنظمها لك وبأذن الله بتحملي

 

[Tulips]

حبيبتي لاتلعبين بنفسج بهالحبوب

خلاص تركي هالحبوب وخلي كل شي يمشي طبيعي

و راجعي دكتوره شاطره بهالحالات

 

[الزيـــــ^^ـــــن]

!!


روحي دكتووووووره

والله يرزقج

 

[جديده 1]

بإختصار روحي افحصي عند دكتوره نساء شاطره موضوع عدم نزول الدوره مو هين

 

[رتو الكيوت]

علاجج عند دكتوره نسا وولاده : )

 

[freakiya]

مشكورين بنات بس قبل زواجي فحصت اول مره قالو هرمون الحليب مرتفع بعدها بيوم قالو تحليلج غلط كل شي طبيعي
عفيه بنات ادعولي والله تعبت