بس بعرف لي متى؟

[Abraaj]

السلام عليكم

اشلونكم بنات؟

بصراحه اليوم يايه انتقد تعامل البعض مع الرياييل!

لي متى تركضون ورا الريال وتسوون المستحيل واهو مو سائل عنكم؟

ميك اب .. عطور.. صبغات.. صالونات.. ليلة حمره وزرقة وخضره.. وبالنهايه يخونج وانتي تستكين تخافين انه يعرف انج تدرين او تقولين خليه يلعب مرده لي!!!

لي متى تعطينه معاشج وتصرفين عليه بحجة انه الحياة مشاركة؟؟

لي متى كل البيت عليج بحجة انج المرأة ولازم كل شي عليج!

لي متى تفكرين اشلون تجددين حياتكم واهو طاف!!!

لي متى لما في شي يضايقج تسكتين بحجه لا ينحاش من البيت!!

لي متى البنيه لما تتزوج يعطونها الف نصيحه والريال طاف!!

لي متى مخج يقولج الريال شايل عيبه؟

لي متى ولي متى ولي متى!!!


فكري .. انا ماقول خربي بيتج.. صح الحياة مشاركة.. صح الله غفور.. بس كل شي له حد!




راي!

 

[شادن33]

اتصدقين انا ما سويت ولا وحده من اللي لي متى ملوووتج
بس لي متى وحده ان لما نتزوج يعطونه الف نصيحه واهو لاء
ابراااج مشكوره والله ايعينج على اللى متى لوووول

 

[Gifts&Occaions]

اذا الريال يستاهل ليش مااسويله .. اذا مو مقصر معاي وشايلني على كفوف الراحة ليش مااسويله ..
انا عن نفسي الحمدالله لوو الف الدنيا ماالقى ظفر زوجي

 

[رق رق]

الله العالم هذا اهوه مجتمهنا !

 

[ابدا يالغالي مانساك]

..,,,,,,اصصابعج مو سواء ومو كل الرياجيل نفس الشي

فيه اللي يقدر وفيه لا

 

[كليـ دلعـ]

شادن قالت اللي بقووله

 

[حلاه الكون]

اي والله صااااجه
عشتووو الرياييل طفرونا وزهقونا وفوق هذا نضحك لهم ونونسهم
عاد ياليت يحسون

مااقول الا الله يعينا علا حياتنا ومجتمعنا

 

[الجوهرا]

لو خليت خريبت

 

[الأميرة جوري]

للاسف هذا مجتمعنا وهذا الشي اللي تعودوا عليه

 

[orchidia]

مو شرط والرياييل مو سووا

يفرقون عن بعضهم وبعدين الريال فيه مليون شغله برااسسه .. حلاته يرد من دوامه مسوية ليلة حمرا

تبين تقنعيني ولا مرة الزوج يفاجئ زوجته بهدية بطلعه حتى لو كلمة !!!

لا حبيبتي فيه وفيه وووااايد بعدين هذا بيتج ومملكتج مو بس عشانه هو عشانج انتي بعد وعشان عيالكم ..

عيل صارت مشكلة اتطلق لا حبيبتي يبي لها تفكير مو أول حفرة نطب فيها مانطلع !!!!!!!!

هذا مو اهانه لج وبس الا مليون اهانة انج تلقين خطأ وتردين بخطأ

وفي الأخير كل الي قلتي عنه يعتمد على الحب بين الزوجين فــ سألي نفسج فيه هالشي بينج وبينه

أتوقع اذا انتي جذي حياتج روتينية 100 %

 

[صمت المرافئ]

سؤال :
انت الله مبتليج بهالنوعية من الرياييل ؟؟؟
والا تتكلمين عن الرياييل كلهم ؟؟؟
مثل ما احنا الحريم فينا الزين وفينا الشين
الرياييل كذلك
وغلط نعمم على الكل
:eh_s(17): وجهة نظري أتمنى تتقبلينها :eh_s(17):

​

 

[لمى الهاجري]

من يوم من انخلقنا واحنا نونس الريال ونخفف همه وتعبه

 

[ام فهود وشهود]

ههههههههههههههههههههههههههههه
اي والله لي متى ؟؟؟؟؟؟!!!!!!!!!!

 

[Tulips]

والله انا معاج قلبا وقالبا .. بس خلاص مجتمعنا تشبع من هالافكار هذي .. كل اللي ذكرتيه فوق يعتبر واجب على المرااا للاسف والسكوت عن هالشي اكبر غلط ومخلي الرياييل يعيشون الدور انهم الصح .. طبعا ما نعمم بس هذا حال الغالبية

 

[نونو العصله]

في رياييل يبين في عينها
وفي ما يملا عينها الا التراب

وفي النهايه تزرع
تحصد الي زرعته

بلنسبه لي لما اونس زوجي
اونس نفسي بعد
اخلق جو لببيت
مو كله نكد ومشاكل

اصابعج مو سوا

 

[Tom ♥ Jerry]

.



اذا الريال يستاهل احطه بعيني اكيد
بس اذا يخون و يخون و يخون و يجذب واااايد
و فيه عيوب وااايد ما تحتمل لااا هني اقول ستوب

 

[! بــدويه وآآيــد !]

،


اول الرجال يخاف يسوي شي المره تعلم ابوها او ابوه
الحين اذا خان تسكت
واذا على شايله المسؤوليه البلى الاول بالحريم اهم الي عودوا رجال هالوقت على هالشي والدليل كثرت المواضيع انا مومقصره معاه شايله الماجله والاجار والعيال!! حريم هالوقت مايبون سي الا اسم متزوجه مهما كان الرجال مايسوى!!

 

[مستحيل اخونك]

لا والله في رجال يستاهلووووون ينشالون وينحطون عل راس وفي الي ودك تقصين فيه

وثانيا اذا سوينا كذا نبغى مرضات ربنا علينا لان تعرفون حق الزوج علينا

وعشان مانطلع قدام ربي مقصرين اذا سالنا سبحانه


والرسول عليه افضل الصلاه والسلام فيما معنى حديثه

لوفي احد غير ربي يستحق السجود كان امرت المراه تسجد لزوجها

فتخيلي لاي درجه احنا مامورين بكذا

ثانيا سوي الشي وفي قناعتك اني اسوي عباده لربي قبل زوجي

وجهت نظري يعزيزتي​

 

[pink Barbie]

زييييييييييييين طلعت وحده نفس تفكيري

انا على ويه زواج ان شاء الله
ادش ابي اقرا واشوف واثقف نفسي لما ادش مواقع اجنبيه عن الزواج غييييييييييييييييييييييييييييييييييييييييييييييييييييييييييييير عن العرب ولما ادش اهني الصراحه صدموني وعقدوني حسسوني ان المره لازم تكون بيرفكت و ملاك و .. و..و..و...... شدعوه اذا هذا زواجكم الصراحه ما يسوى علينا هالزواج سكتي سوي لبسي لا تقولين لا تتكلمين تعبي حبي طبخي غسلي
الصراحه من اللي قريته من بنات المنتدى ان المره لازم تكون سوبر ومن وقراندايزر عشان حضرته ينام مرتاح ؟؟

انا أأيدج بالراي مليووون بالاميه تسلم هالانامل اللي كتبت هالموضوع

 

[هيفاء 966]

انا بالنسبه لي اسوي الحد الادنى في كل شي يعني ما اذبح عمري عشان ارضيه. لان ريلي اصلا روتيني. بس اذا الريال مقدرها ويفاجأها ومعطيها اهتمام تبادله بس مو كل اللي قلتيه. اللي تحس انها تبيه*