بس انا ولا في مثل طريقتي بالشارع ؟؟؟؟

[ام فطوم وحمود]

السلام عليكم ويعطيكم العافية ،،،
انا مشكلتي بالشارع وانا اسوق السيارة اتناجر مليون مرة على مااوصل المكان اللي ابيه ،،،
مثلا اكره شي عندي إذا احد نام علي وانا اسوق أو ناطرة تطلع السيارة من المصفط عشا اصفط وفجأة اييلج واحد باردة امبردة يصفط مكانج وانتي ولا كأنج واقفة انا اهني اموت:eh_s(14)::eh_s(14)::eh_s(14)::eh_s(14): والله والله ان مرة صار فيني هالموقف دش الهندي بسرعة وصفط وانا صارلي نص ساعة واقفة وطاقة اشارة ويوم قتله اطلع من المصفط انا واقفة من زمان حاقرني وصاك الجام عني وربي فصخت الكعب ( وانتوا بكرامة وكفخته بالجام ) لين طلع من المصفط ودخلت بمكانه،،يالله ردوا بشوف هالحاله طبيعية ولا بس انااااااااا؟؟؟؟

 

[اروى77]

بصراحة انا كنت اعصب بالشارع بس دربت نفسي على ترك هالعاده لاني صرت اشوفها موحلوه بحقي ووايد ناس انتقدوني وانصحوني بالهدوء لان العصبيه بالشارع ماتليق بانوثة البنت ورقتها..والحمدلله الحين انا شنو ماصارلي بالشارع امسك اعصابي

 

[girl k.s.a]

لا مو بس انتي شي طبيعي هالشي
انا اشوف اخواني وابوي من يركبون السياره لين يوصلون وهم اوف واوف وشهالزحمه وشهالحاله وماجاني هالفلان الا يوم جيت انا
ومساعه فاضي يوم مشينا جات الزحمه كل يوم ع هالحال

 

[بنوته86]

انا والله صج وايد اتحلطم بالطريج مرات بس بدون شعوور
بس عمري ماسويتها هههههه ياما صارلي هالموقف اللي انطر مصفط ويي واحد ويصفط مكاني بس ماانزل ولا اطق
امشي واقول حسبي الله ونعم الوكيل

 

[بنت السعوودية]

لا لا تكفي العصبية الي فيني..
سوى فينا خير صقر الجزيزة والا جان اربع وعشرين ساعه معصبة ههههههههههههههههههه ..
عاد وقتها يحرم الحديث معايه ..


بنسبة لمشكلتك فأفضل اختي تقولين الاذكار قبل لا تطلعي وشغلي قرآن بسيارة..
استغفري كثير وقت ما تكوني معصبة..>>عن تجربة..
وامسكي نفسك قد ما تقدري وراح تلاقي نفسك تغير بأذن الله..

 

[cup-cacke]

انا ما أسوق

بس اشوف امي وابوي...لما تصير مثل هالحركات...يرتفع ضغطهم

يعني مره واقفين ننطر السياره تطلع...وابوي كان طاق الإشاره...طبعا على ما ركبت بنت الحلال وعلى ما عدلت ملفعها..بالأخير تلطفت علينا وطلعت...جان تجي وحده توقف يمنا...اخوي قال لأبوي شوف ترى راح تصفط

طبعا ابوي قال لا تشوفني صار لي ساعه واقف وطاق الإشاره..ما عليك
طلعت السياره..ويوم جا ابوي يبي يلف
فجأه جان تدخل!!!!!!!!!!!!!!!!!!!!!!!!!!!!

وربي وقتها ارتفع ضغطي وبغيت انزل عليها...وابوي طبعا منصدم من الحركه
يعني احنا تعودنا هالحركه من هنود رياجيل...حريم أول مره اشوف

اما اللي ينامون ياااااا كثرهم...شرايج مره باص نام علينا...وربج ستر ولا جان رحنا فيها

 

[rihanna]

يعطيج العافية حببتي ماكو احد مايعصب اذا كان مثل موقفج
:eh_s(6):

انا اختي جذيه تعصب اذا صارلها هالموقف ​

 

[Killer^Girl]

واي ياكره هالمواقف
انا اعصب
بس مانزل
امشي واخليهم شنسوي بعد

 

[الصابرة المحتسبة]

مايخالف تحملوا
وترى القيادة فن وذوق

 

[عطر الكادي]

وربي انا من امسك السكان تجيني حالة كله اسب واشتم .. ودايسه حدي .. والله ادري مو صاحية وشكثر ناس نصحوني بس ماكو فايدة .. والله اشغل القران واقول ادعية الركوب .. بس ما ادري .. ما اقول الا الله يهديني غصب عني ويهدي الكل ..

 

[ام فطوم وحمود]

اشوة يعني موبس انا والله شي يحر ويقهر قطع ....

يعطيكم العافية عالردود :nbvppw::nbvppw:

 

[حناينq8]

لا يقلبي مو لي هالدرجه

حاولي تتحكين بأعصابج والصبر زين

 

[نونه كلاس]

افضل تصرف بالمواقف هذي ان الوحده تكون اعصابها بارده
وعلى قولهم القياده فن وذوق
ويفضل تشغلون قرآن احسن من الاغاني ترى الاغاني تشتت التركيز
واتمنى لكم قياده امنه

 

[spanish-girl]

اكيد حبوبه يصير فينا وانترفز بس ما توصل اني افصخ الكعب واطقة بالجامه لوووووول

 

[Q8.Bee]

وعليكم السلام ورحمة الله و بركاته

لا حبيبتي مو زين جذي ...لي ركبتي السياره ذكري الله و شغلي قران و خلج هاديه
و هالمواقف تصير كل يوم و حقنا كلنا مو بس انتي

و ترا كلش منظر المره مو حلو و اهي مبين عليها معصبه بالسياره او مبين انها تسب اقصد من حركة الحلج و الايد

ترا مو حلوه فيها لفت نظرم و فيها جرح لانوثتج

الله يهديج و ان شاء الله تبشرينا ان تخلصتي من هالعصبيه


تقبلي مروري و ردي
اختج ام فاطمه

 

[*بسبوسه*]

لا ممو لي هالدرجه000بس بذكر لج مرقف يشابه موقفج مره جذي كنت طاقه اشاره ولا يتليقف واحد ويصفط مكاني جان اسكر عليه ونزلت السوق وتسوقت وقلت لو يشيل سيارتب بونش مو مشكله بس خل اغثه00لان كلنا كلنا حريم واهوا رجال بروحه وماقدر هالشي 00بس لما رديت لقيته طالع من المصفط مصيبه صابته ماردري شلون

بصراحه انا معاج في ناس تغث مو شويه وخاصتا البنات ما يخلونج تمرين ولا يساعدونج 00انا قبل كنت امرر البنات اذا بلفه او دوار بس الحين تبت والله اي بنت ما امررها 00صارت فيني عقده

بس عاد ما تستاهل اني احتر حيل وانزل واقط جوتيي فشله جدام الناس كافي انج تتحسبنين00

 

[Super_Star]

بصراحة انا وايد هادية بس بالشارع اصير اعصااااااااب

مو مني من الاشكال اللي بالشارع صراحة !

سالفة المواقف تهون عن سوالف ثانية تغث و تخلي الواحد غصب يطلع عن طوره

 

[Super_Star]

و في شغلة بعد تنرفزني وايد بالمواقف

سالفة اللي يركب سيارته يبي يطلع و يتنحر بالسيارة بدون مراعاة ان في احد قاعد ينطره

و اغلب اللي يسوون هالحركة ( حرييييييييييم )

و الله تركب السيارة و تعدل اللفة و تاكل العلج و تشيك على الموبايل و ترتب اغراضها بالسيارة و تحط السيدي و تضبط على الاغنية اللي تبيها و بعدين تلتفت الحبيبة عشان تطلع

والله قلة ادب .. انا اذا احد قاعد ينطرني بالمواقف اتدوده اصلا احذف اغراضي و اشغل سيارتي بسرعة بسرعة عشان اطلع و ما ازرع اللي واقف ينطرني و هذولا لا احترام للنفس ولا احترام للآخرين

 

[~Unreachable]

واااااي اليوم واحد نرفزززززززني !!

انا عالسايد اليسار واهوا وراي لاااازق فيني لزقه ويترك !

ياخي كيفي مابي اوخر .. ماشيه 140 اطير يعني عشانك ؟؟ مابي

اذا يبي يوخر خ يعديني لوول .. وانا طنقرت ماراح اوخر لو تموت

فجأه وقف السايد جدامنا زحمه .. الحين انا بطق بريك بخفف بس هالاثول اللي وراي !

اذا دش بسيارتي انا بصلح سيارته

طقيت فلشر ماكو فايده فيه لازق فيني !! واااااي شلون يعني !!

جان أأشر شفييييييييييييييييييك ؟؟؟؟؟؟؟؟؟؟؟

ونزلت شوي عالسيفتي سايد والمينون يضحك واي نرفزني ..

عادي والله وايد ناس ماعندهم ذوق وينرفزونج ويداحرونج !!

بس ولامره وصلت اني انزلن واصرخ او ارفع الكعب لوول ماتخخخخيل !! فشله اسوي show

 

[Gourges]

وااي على طاري السواقه انا صارلي عشرتعش سنه ادرب اسووق وليلحين اخاف لووول <<<عمرها 19
لا بس والله وايد تدربت بس اخااف وايد ..المهم فا اروح وارد مع السايق وااي والله انا انقهر من سواقة سايقنا اكثر من الناس الي بشاارع..واي كلمت انه اهوا مسبه شويا اذا متاخره يمشي على الرااااااااااحه بالاشاره اذا صارت خضره ايخفف جنه ايقول يالله صيري حمره قاعد انطرج @@ واذا انا عاادي مستانسه بسياره قاعده اسمع ااغاني ومتمتعه اييدووووووووووس الي ايدش على النااس والناس ايطقطقون له هرنات وفوق هذا الناس مو عاجبينه السي سيد @@ والمشكله لو يعاند العن خيره واعلم ابوي بس اهوا مسكين اثول ماايفهم فا يكسر خاطري .. طبعا الناس بشاارع وااي وااي شويه انا واوخر ايد السايق واطق هرن وازف @@ علبونه كويتي وشااف هندي بسياره حتى لو الهندي له الحق الكويتي ماايطوفه الا لمن ارز ويهي يعني انا موجوده ومعصبه يااخي وخر برووحك عمه
والله ساعات من القهر ودي اوخر السايق وانا الي ازف الناس بشارع ...مسااطيل الصبح ...
ولي يقهر زيااده لمن باااااااااااااااااااص ايقلقص نفسه بمكان صغير ...يحاادي سياره صغيره ... يستظرف ويروح من حاره لي حاره بدون لا يجيك تحته ...واايد عباله انه اهوا صغير وخفيف @@ وانا الي يوقف قلبي
مليون مره ايميل علينا بااص استغفر الله ياربي على هلناس
ههههه ابيه وايد قرقت بس انتي قلبتي المواجع ;d