بس انا جذي ولا الكل جذي

[سراااب]

تعبت ومليت وزهقت من الكراف بحياتي
اقعد من الساعه 6 اقعد اليهال البسهم بطلعه الروح واريقهم وما الحق الا تصير الساعه سبع واوصلهم مدارسهم وبعدين اروح الدوام وارجع من الدوام وسوي الغدا ومالحق اخلص ابدي تدريسهم لي الساعه 6 المغرب وتعشينهم غير شغل البيت حتي لو الخدامه موجوده الاعتماد الكلي علي بكل صغيره وكبيره بالبيت وما يدي انومهم الا انام معاهم ما ادري عن نفسي وبعدين اقعد مع بنوتي الصغيره لي ساعه متاخره طبعا لازم غير ايام المرض والتعب وووو واخيرا الزوج اللي لا حياة لمن تنادي قاعد ونايم شيخ :bbbiu:واذا سوي شي حق اليهال او وصلهم وجابهم يتملل :eh_s(2):
واناا احس اني ما عندي وقت حق نفسي والله احس اني هلكت بمعني الكلمه جني الة متحركه من مكان لي مكان ونفسيتي تعبت صار ما عندي طولت بال كله اصارخ وطقهم ووووووو لااني تعبت بمعني الكلمه

 

[كوين سويرا]

اول شي الله يخليج لهم يارب
ويكبرون ويبرون فيج♥
انتي حطي ببالج قد ماتتعبين عليهم
راح تدور الدنيا ويصير معاهم نفسج
باذن الله بارين فيج

اخذي Day Off وديهم مكان يلعبون وانتي روحي صالون
اهتمي بنفسج سوي نيو لوك
لاتقولين ماعندي وقت
ادري مضغوطه عساج عالقوه
بس بالويكند خليهم عند اختج احد قريب منج
وروحي اهتمي بنفسج شوي

داومي عالاذكار والله بيهونها ان شاء الله♥

 

[في غيبتك راحه]

ياحلو. الأم اللي تهتم بعيالها وتقابلهم ترى انتي احسن من اللي قاطتهم ع الخدم
وان شاء الله يبرون فيج اذا اعمارهم بحدود الست سنوات وفوق عوديهم يرتبون شغلهم بأنفسهم
عوديهم ع الترتيب شوي شوي تصير عاده فيهم وانتي قاعده. تشتغلين في البيت حطي على ويهج ماسك مناسب وجل مريح للعين وبهالشكل ترتاحين وماشاء الله مبين انه انتي حيل دقيقه وماتعتمدين على. احد

 

[ماكدونلز]

خليهم عند احد واهتمي بنفسك حرام تطقيتهم روحي الصالون و البنات ما قصروا

 

[mnoooll]

حبيبتي اجلسي مع زوجك ووزعي المهام

يعني زوجك يوديهم وانتي تجيبينهم او العكس المفروض هو يودي ويجيب


بالاتفاق وبتخطيط الامور تنحل المشكله بس بالعقل مو كل شي عليك

 

[تولة مسك030]

ماشاء الله عليج

 

[YaraQ8]

انا مثل حالتج و لمه ينامون اليهال مااالي خلق اسوي شي اشلع نفسي غصب اذا في عزيمه او مشوار الله يسهل

 

[قرمووشه]

الله يعينج ويسهل عليج

اختي خلي زوجج اهو اللي يودي ويجيب العيال مو انتي
والشغل خلي عندج خدامه تغسل الملابس وتنظف البيت وتكوي
يكون عليج تدريسهم والطبخ

وشوي شوي تتسهل بإذن الله

بس نصيحتي بالويكند هذا خليه لأهلج
وناسه تقعدين معاهم تسولفون وتقهوون
صج قعده بيت الاهل ماتنمل اهي اللي بتوسع صدرج

 

[كويتيه مذهله 87]

ميخالف هذي الحياه واليهال
خلي الويك اند لج استانسي

 

[basoOomah]

الله يعينج

 

[1001]

احنا عندنا بالعايله لازم يوم واحد بالاسبوع او بالاسبوعين يكون اوف للام غالبا يكون يوم الاثنين وبعضهم يسكرون التلفون علشان الريال مايدق
تخلي العيال عن الابو او ام الابو وتطلع مع اخواتها وامها وتشوف نفسها بالصالون او بالسوق او تسوي المواجب للاهل بدون اليهال
حتى الرجال اذا جته باليل يشوفها حرمه ثانيه ونفسيتها مرتاحه هو يتغير

 

[لهفه لقاء]

الله يخليهم لك و يرزقك برهمم

 

[تحت ظلك]

الله يسهل أمورج
ومن قال الدنيا فيها راحة
لازم التعب والي يبي يعيش يتتتعب

 

[Um Rashed]

لازم تقولين لريلج يساعدج على الاقل يوصلهم مايصير ...والله يقويج ماجوووره

 

[لذه السكر]

اغلب الامهات اللي عندهم اليهال هذي حالتهم

خدامتج شتسوي ؟؟ خليها تساعدج تره مو عيب تمسك اليهال ساعه ولا راح تكونين قاطتهم ...لنفسك عليك حق... ساعه وحده بس خليها يلعبون والا عند التلفزيون نامي والا سبحي والا قعدي بالدار بالهدوء

التوصيل ريلج خليه يساعدج

الاكل مره نص الاسبوع مطعم

ويوم خفايف ومقالي وتقزر

الخدامه تقصص وتزهب وانتي حمسي وطبخي او ثلجي اريح لج

التدريس واجباتهم بروحهم واني انسدحي يمهم والدراسه الله يعينج لازم مجابل

بالويك انج خلي وقت خاص فيج مثلا ريوق السبت اكيد اليهال ينامون ويتاخرون بالنوم طلعي مع خواتج امج رفيجاتج تريقي وعيني من الله خير

لازم لج وقت خاااص مع ريلج .. طلعيهم الحين كل مجمع فيه العاب مسكره مثل 360 دخليهم وانتي قعدي معاه

وكل شي باجره حبيبتي عسا الله يجعلهم من البارين

 

[ms_5ajoola]

الله يعينج بس لازم في مشاركة من الزوج

 

[ms_5ajoola]

اب اب اب اب

 

[يستفزني غلاك]

الله يعينج بس تجي العطل ترتاحين