بس اللي يعرفون مدرسة دسمان النموذجية يدشون...

[زيزية سمره]

حبيباتي آنا في موضوعي هذا ما ابي أقارن بين مجموعة مدارس..نبي نتكلم بس عن مدرسة دسمان النموذجية...اللي عيالها فيها أو سامعة عنها أو عندها أي شكاوي أو معلومات عن المدرسة خل تفيدنا... حتى لو عندج معلومة وحدة بس قوليها و فيدينا لأن آنا ولدي فيها سنة أولى روضة وحابة أعرف تجارب و خبرات الناس الثانية..سواء جيدة أو سيئة.

 

[زيزية سمره]

شدعوة وينكم كويتيات...ماشااللة 13 وحدة دشو ولا وحدة سامعة عن دسمان...فيدونا واستفيدوا

 

[أوراد3]

آنا معاج يا زيزية ولدي بkg1 والحمد لله مستفيد اللغة تمام والمدرسات يهبلون والولد قام يكتب إنجليزي وعربي وحفظ قرآن.
وإلي تعرف أكثر عن المدرسة تفيدنا.

 

[حلم الطفولة]

أكو موضوع كامل عن دسمان وارواد وأجيال .. والله عيزت أدور الأمهات وبعضهم بالمنتدى مو راضين يدخلون ويكتبون عن المدرسه مع ان يمدحونها ..

 

[اللمسة المخملية]

وديت اليوم ولدي لمقابلة دسمان.. وقبلوه.. زيزية و اوراد.. ياريت تقولون لي شنو رايكم بالمدرسة؟؟ ولدي بيدخل kg1 السنه الياية....

والصراحة انا مترددة لان مبناها قديم ويقمت.... انتو شرايكم؟؟؟ وشلون عيالكم معاها؟؟؟؟ تحسون الولد يحب المدرسة والا يروح غصبن عليه؟؟؟؟؟؟؟؟؟

 

[زيزية سمره]

حبيبتي اللمسة المخملية...من تجربتي الخاصة المدرسة حدها عجيبة ولا تستعيلين ..راح تشوفين ولدج شلون بيصير...آنا مثلج أول ما شفت المدرسة ضاق خلقي و قلت المبنى قديم بس لما شفت التقدم الواضح على ولدي قلت صج مو مهم المنظر أهم شي الجودة وبعدين الصفوف ترى حلوة ونظيفة و مرتبة...يعني ما عليج من المبنى الخارجي.. و المدرسات ماشااللة وايد شطار و نشيطين...يخلون الياهل يحب المدرسة ..وبعدين المدرسة قوية عربي وانجليزي(لو تدورين بالمنتديات اللي فيها مواضيع عن دسمان تلقيني مكررة نفس الكلام ) المهم و مثل ما قالت أختي أوراد عيالنا الحين بأولى روضة وماشااللة يكتبون الحروف والأرقام بالعربي و الانجليزي و بعديكتبون أساميهم وبعد حافظين سورة الفاتحة والاخلاص والناس والفلق و النصر وأزيدج من الشعر بيت ولدي اللة يحفظة قال لي قصة الرسول وشلون نزل علية جبريل.. وبعد شقول ولا شخللي... ...صج قط فلوسك بالشمس واقعد بالذلال...

 

[أوراد3]

والله سجلي ولدج وتوكلي على الله آنا ولدي ما شالله ماشي عندهم اللغة والآكسنت عندهم روعة والولد ييلج عارف الأحرف العربية والإنجليزية كتابة وقراءة وحافظ قرآن ومسمع ومشجعينه والمدرسات روعة مالج شغل بالمبنى المهم شكثر الياهل يستفيد،حتى شخصية وسلوكيات الياهل تتغير.على فكرة آنا ولدي عندهم من الحضانة ولأن الوضع عجبني والولد ارتاح خليته للروضة.الله يوفق وليدج.

 

[اللمسة المخملية]

مشكورين ..... والله حدكم ريحتوني.. وصج هو الاهم اسلوب المدرسات وتعاملهم مع الطفل وانه يرتاح بالمكان...

هي عاجبتني وقريبة مني..... بس محتارة بينها وبين الانجلش بلي قروب بسلوى او السالمية، بس مو بطريجي.. يعني بتمشور كل يوم!!!!!!!!

هو عنده مقابله الاسبوع الياي بالبلاي قروب..

بس غالبا راح احطه بدسمان......... الله يكتب اللي فيه الخير

 

[زيزية سمره]

ياللة ياللة نبي آراء اكثر وينكم كويتيات....

 

[اللمسة المخملية]

ماكو احد مدخل عياله بمدرسة دسمان؟؟

 

[aldana]

خوووش مدرسة انصحكم فيها وعن تجربه انا وصديقاتي

 

[زيزية سمره]

نبي اللي عيالهم بالإبتدائي و المتوسط ...تكفون عطونا من خبرتكم بالمدرسة... ناطرين ردوودكم..

 

[سمبوسه2]

خواتي حبيت أعرف أحسن مس حق kg2

 

[سمبوسه2]

وحبيت أعرف أحسن مس حق kg1

 

[أم حمني المزيون]

خبرتي بدسمان بس بالنسبة حق ال kg لأن طريقتي مع عيالي بس أأسسهم وبعدين أوديهم مدارس الحكومة والحمدلله كل شي أوكي...
بالنسبة حق أفضل مدرسة حق kg 1 وانتي مغمضة مس وسااااام بk g 1 red وبالنسبة حق kg2 عندج مس خديجة ومس ياسمين بعد ...
والمدرسة واااايد عاجبتني وتجربتي فيها لعيالي ال 3 ...وحتى الصغير راح أدخله ان شاء الله بس يكبر بحيل الله.....

 

[زيزية سمره]

تسلمين ام حمني على الرد....ياللة نبي بعد وين اللي عيالهم بالإبتدائي والمتوسط....وينكم فيدوناااا؟؟؟ناطرينكم على نااااااااار:eh_s(14):

 

[اللمسة المخملية]

صباح الخير زيزية.. لاتنطرين على نار.. حطي لج عصير بارد مع ثلج وهدي اعصابج..

انا ناطرة معاج..............................

 

[أوراد3]

aldanaعيالج بأي صف؟؟
وقوليلنا عن خبرتج بالمدرسة

 

[زيزية سمره]

هلا اللمسة المخملية صباح النور... شنسوي ذابحين عمرنا على مستقبل هاليهال ... قولي انشاللة يبين بعينهم....و آنا ترى على طول على نار و كلة مستعيلة وذابحة عمري ...ما ادري متى بيوز من هالطبع الخايس..دايما احاتي عيالي و آكل بعمري...

 

[أوراد3]

والله كلنا جذيه يا زيزية إذا عيالي عندهم امتحان كأني آنا بمتحن مو إهم
هذا إحنا حايسين على مستقبل هالعيال ونبي الزين لهم
والله كريم