بس العاقله ترد عليا

[قطعة ألماس]

سلام

توني متخانقه مع زوجي. والسبه الألعاب اللي يلعبها كلها بنات

أنا مجروحه منه يإما خاني والسبه هالبنات الله يبعدهم عنا ويهديهم
يدش بنية انه يلعب ويكلمونه دش قريتي واسقيلك واسقيلي والله إدش اقرأ سوالف وكركه
برا حدود اللعب
وياما أخذ ارقامهم وايميلاتهم من هالمواقع القذره
تعبت منه
أقوله لا تضيف بنات باللعبه يقول لازم أضيف وما أسولف معاهم وهو يكذب يإما أطيح عليه يسولف


غير هذا صحبة السوء اللي متزوجين ويدزون له أفلام. موزينه

ومتزوجيتن ويكلمون تعبت من حياته كلها غلط

مستحيل أغيره بين ليله وضحاها

غير جذي ماله كلمه ولاله رأي

أي أحد ممكن وبسهوله انه يغير رأيه

كل يوم له قرار جديد

اللي جرحني وخلاني اكتب هالموضوع انه قالي اللعبه بلعبها عاجبج ولا يله بيت أهلج

حيل جرحني

وأنا زهقت وأنا إراقبه وإتابع موبايله

يقول انتي بس شك وتحقيق

واذا كلمته بهدوء مو عاجبه واذا صراخ مو عاجبه
آخرها يقول انتي مجنونه مريضه

ساعة
أبي حل بس بدون لا أحد يغلط
تذكرو قل خيرا أو أصمت

 

[الكحيلانه]

رد : بس العاقله ترد عليا

والله والله ماراح يتغير لونبشتي وراه لا بالعكس بتلقين بلاوي هذا رجال من طبعه يحب ايجرب نصيحه مني طلبي ربج وادعي بنيت انه يبتعد عن هالعبه واوالله واستغفر ي دايما وربي بيتغير من الي بس خلي عندج يقين انه ربي بيغيره لج وعسى ربي يهديج لج قولووو امين

 

[كريستآله]

الله يعينج شتسوين بعد بس والله مارده بيمل وبيخليهم بس ادعي ربج انه يهديه يسخره لج ويبعده عن هالاشكال

 

[أو عبوش]

حبيبه قلبي انتي

لو جبتي اكبر عاقله بالمنتدى مراح تنفعج........


حديث ماني حافظته بالضبط بس

إذا استعنت فستعن بالله وأعلم إن الأمة لو اجتمعت علي ينفعوك بشي لن ينفعوك إلا بشي قد كتبه الله لك ,ولو اجتمعت علي أن يضروك بشي لن يضروك إلا بشي قد كتبه ...عليك


ادعي له ادعي من قلبج الله وحده هو اللي يقدر يغيره لج


الله يهديه

 

[Miss McDonald]

رد : بس العاقله ترد عليا

,
حبوبة ليش تنبشين ورى ريلج ..!
ترى الرياييل جذي طبعهم مايحبون اللي تعاندهم واللي تدور من ورآهم ..
هذول رخآص ..!
ترفعي عنهم ..
وزوجج ادعي له بالهدآية وحآولي تششغلينه ولا تييبين له هالسسيرة ..,



الله يهديه ويسسخره لج ,

 

[ms.eng]

رد : بس العاقله ترد عليا

حاولي اتدخلين طرف ثاني بالموضوع ابو امه او احد من اهلج

يكون له كلمه عليه ويقدر يأثر فيه

وادعيله بصلاتج انه ربج يهدي ويسخره لج ويبعد عيال الحرام عنه

وكثري من الاستغفار والله يعوض صبرج خير ويفرج همج

 

[Sweetq8]

في لعبه ماعرف اسمها بس اضن بلياردو هني بالنت ومن كل ديره تلقين بنت ويصير فيها لعب وجات اول ماتزوجت لاحظت زوجي مدددمن عليهاا تدرين واشوفه يسولف ولا يتحرشون يقولون له اشدعوا خلني أفوز ما استاهل أنا دلوعه ترا ابجي الحين ومن هالحجي والله والله ماقلت له حررررف طنشت وطنشت وطنشت بس تقربت له اكثر كل ماراح بيلعب أجي أحصنت أقوله مشتاقتلك

لما اشوفه مندمج أجي ابوسه أقوله بيبي احبك ومابي لحظه أطوف وانا ما اسولف معاك والمك وابوسك تدري لو تلعب وياي و لا اسولف وياي هالشي يسوا الدنيا والناس والله يننننقد علا نفسه ويصكر اللعبه و يقعد معاي وما اذكر متا اخر مره فتح اللاب ولعب و هلم جرا

اشوي اشوي فديتج والله الزوج جاااااهل كبير العناد والمواجه والتنبش مايجيب نتيجه الا ضدج ويصير عناااااد يلعب زوووود

اتمنا اكون افدتج

 

[brettey]

رد : بس العاقله ترد عليا

حبوبه لاتسكتين دخلي ابوج او ابوه لان الخيانه مو شي هين واذا ماعندج عيال لاتحملين
الله يهديه كثري من الاستغفار وصلاه الليل والدعاء

 

[tmtmt]

لا تنبشين وتعورين قلبج
الحين انتي نبشتي بس ما استفدتي شي
خليه طخي عنه سنه واكثر بتشوفينه بروحه بمل ان شاءالله

لا تكلمينه من غير دليل
بقولج شكاكه ومادري شنو

حقريه وبفج بينه وبين نفسه ان شاءالله

جم عمره ؟
ماعندج عيال ؟

 

[tmtmt]

وما حددتي بس يسولف معاهم ؟
لنج قلتي خيانه واذا بس يسولف ما تعتبر خيانه بالنسبه لا

 

[خذاني الشوق]

لاتعبين عمرج ولاتغثين نفسج صج تجرح بالقلب بس الشكوى لله وانا اختج ومصير الجلب يفتر ويفتر ويرد لج انتى كل ماحسيتى انه يكلم اشغلى نفسج باي شئ خلج طبيعيه ولاتبينين له انج متضايقه بالعكس خلج هاديه وسكبي قد ماتقدرين والله راح يتغير

 

[أبله كويتيه]

رد : بس العاقله ترد عليا

حبيبتي هدي نفسج مو جذي تصرفين

بالهداوه بالعقل بالرزانه

مثل ما بنات ابليس وهالالعاب وهالفيس موجود

خلج شاطره وكبري عقلج

اذا شفتيه مجابل هالسوالف سوي لج حركه قوميه

شوقي ريلج لج

شوقيه بالحجي الحلو شوقيه باللبس شوقيه بالبخور شوقيه بسوالف يديده

ريلج ماخانج للحين بس بتصرفاتج هذي وبمشاكلج هذي وصراخج بتخلينه غصب يخونجوتنقصين من غلاج بقلبه بكلامج وطريقتج

 

[Lechi]

رد : بس العاقله ترد عليا

لعبي هاللعبه نفسه!!! واذا منعج قوليله يا العب يا ارجع بيت أهلي بس لاتبينين له انج محتره من لعبته. عطيه طاف ولعلي انتي واذا قال لا قوليله ليش؟؟؟؟ كل من يرا الناس بعين طبعه

 

[Lechi]

رد : بس العاقله ترد عليا

مادري مادري أنا بعد مستشره علا ريلي فلاتاخذين برايي ههههههههههههه. الله يعينك ويعينا

 

[كتكوته ورديه]

الله يهديه

 

[قطعة ألماس]

بخصوص البنات اللي يقولون بيعقل وطنشيه شلون اطنشه وأنا أدري انه يكلم بجميع الوسائل شات و فون بجد تعبانه

 

[mlakiya]

اللللللله يعييييييينج خيتوو وادعيله والله يهديه انشالله

 

[sweet december]

رد : بس العاقله ترد عليا

تطلقي منه لو متاكده انه يخونج لانه مو كفو

 

[آهات الليل]

رد : بس العاقله ترد عليا

هذا بايعج يالعب هاللعبه ولا روحي بيت اهلج صج مايستاهلج ومايستحي الله يصبرج ويعينج عاللي انتي فيه قوليله الدنيا كما تدين تدان وخاف الله فيني وباجر ورانا حساب

 

[*g!vnchy]

رد: بس العهههاقله ترد عليا

الخيانه خيانه
بس تعددت وسائلها كانت بالفون او مسن او عن طريق الالعاب
ياقلبي مو قصدي ازيدك على اللي فيك
هل ناقشتيه عن اسباب الخيانه ..!!
الخيانه مالها الا حلين
الصبر والدعاء والجئي الى ربك
حاولي تاخذينه من هالجو يعني قبل لايجلس على اللعبه روحي له وقولي له مشتاقه لكـ
فاهمه قصدي ... حاولي ماتكلمينه عن خياناته لاتكرهينه فيك وانتبهي انتبهي يدري انك تفتشين وراه
الرجل يكره المراه ويمكن بعد يستغنى عنها ...ولاتنهزمين على طوول حاولي بكل الطرق انك تغيرينه

الحل الثاني تنفصلين عنه اذا انتي مو قادره تصبرين على خيانته
لان بعض الزوجات ماتقدر تعيش مع هالوضع والوضع اكيد مر
وانا مانصحك بالطلاق ابدا لانه مو حل وخاصه اذا كان عندك عيال
ونصيحه لك اخيره
حبي نفسك وارحميها من التفتيش لانها تتعبك وتدمرك نفسيا وجسديا..عيشي حياتك ولاتفكرين بانسان
جرحك لان مايستاهل كل هاللي تسوينه بنفسك
الله يفرج همك والله يهديه