شوفي ياقلبي
اول شئ
تسوين اعلان في المنتدي او في جريده او عن طريق البي بي والايفون
وتحددين الفترة اللي بتسوين فيها المعرض ولازم قبلها ب3 اسابيع علشان يمديج
بعدها يحضرون اللمشتركات وتقعدين مع كل وحده تاخذين بياناتها وتدفع لج نص المبلغ عربون لايسترد
يعني مثال اذا بتسوين اسبوع وكل يوم ب 10 تدفع لج 30 مايرجعون وتنبهينها علي هالشي وكل يوم بتحضر فيه تدفع فيه باقي المبلغ وعلي شرط تكمل المده
وطبعا تعرفين كل وحده وشنو بضاعتها علشان تحطين بالاعلان
تحطين برا منطاد او ليزر علشان الجمهور يعرفون البيت يكون مميز
تفضين المكان اللي عندج علشان تجهزين مكان حق الطالولات
تاجرين من الوسيط الطاوله علي 3 دنانير لايزيدون عليج
الاعلان مهم بالجرايد
وعندج التنويع في السلع بالمعرض هم مهم
ويفضل ان يكون بعد تاريخ 26 الشهر تكون اغلبيه المعاشات نازله
يعني لاتسوين المعرض اخر الشهر او مو موسم يعني دخلت المدارس الصيف هذه اوقات ميته
اجري هذول اللي يسون ناتشوز وبطاط ونفيش وحطي نطايه حق الياهال برا اذا عندج مساحه
والله يوفقج
