بسوي ليزر الي جربت تفيدني بليز .. ليزر ليزر ليزر

[راقيه وجذابه]

قوه حبيباتي شلونكم

بنات أنا ناويه اسوي ليزر حق ..

بطني وظهري ومنطقة البكيني ..

عندي جم سؤال وبليز أبي الي جربت ترد رد مفصل يريحني مابي اروح على عماي وﻻ اطيح بعياده مو زينه ..

أبي أفضل عياده لليزر وين ؟؟

وهل اليزر لمنطقة البكيني ( يفتحها ) للعلم انا من تحت فاتحه المنطقه ماشاءالله يمكن اغمج بدرجه ف هل يوحد الون .. ويخلي الشعر
مايطلع ( نهائيآ ) وﻻ يرد يطلع ؟؟

واذا سويت بطني وظهري يروح الشعر منها وﻻ هم يرد يطلع

وتنصحوني اسوي منطقة الاندر ارم وﻻ ﻻ .. ﻻن شكثر خوفوني من هالمنطقه قالوا ﻻ ﻻتسوينها !!

وتكفووون فيدوني ابي افضل عياده ابي شي مضموووون

وشكرآ

 

[طيبة83]

شعر البطن والظهر في الغالب يكون خفيف كانه وبر يمكن ما يرضون يسون لج واذا سوه يبي له جلسات وايد عشان يخف

بس باقي الجسم الشعر اخشن تبين النتايج بسرعه

ونصيحه سوي الاندر ارم وارتاحي ما في خطر ولا شي

وعن البكيني صج الشعر يلوع الجبد بس انا استحرمت اسويه بعياده شريت الليزر المنزلي ومقزره فيه

اهو الشعر يرد يطلع بس يطوووووول عشان يطلع واذا طلع يطلع خفيف

 

[راقيه وجذابه]

مشكوره طيبه حبيبتي

زين انا بعرف وين افضل عياده لليزر

 

[<miss botamba>]

بطني وظهري ماسويت لهم ليزر للحين

بس نصيحه انا بسوي جذي

نص البطن بسويه ليزر (المنطقه الي تحت السر وفوق السر بشوي بس مو تحت الصدر)

والظهر يمكن اسوي اسفل الظهر بس


جسمي وويهي والبكيني جربت نوره الصليلي والجهاز ممتاز بس (((((( المواااااااعيد والانتظار زفــــــــــــــــــــت ))))))

واختي جربت ياكو ابولو وتمدحهم وانا ان شاء الله بكمل جلساتي معاهم اذا اعجبوني

واغلب اهلنا يمدحون رويال حياه

ورفيجتي تمدح حيييل كير كلينك


بالنسبه لشعر الشعر مايطلع اذا التزمتي بالجلسات كلها

يعني جلسه وحده ماتسوي شي لازم من 4 وفوق علشان تموتين البصيله عدل


وبالنسبه لتفتحيح عادي مايفتح وايد شي اقل من بسيط

وماكو مضره من الليزر لحد الحين وبالاساس الليزر شي سطحي مو عميق

 

[حرم آلشيخ]

قوه حبيباتي شلونكم

بنات أنا ناويه اسوي ليزر حق ..

بطني وظهري ومنطقة البكيني ..

عندي جم سؤال وبليز أبي الي جربت ترد رد مفصل يريحني مابي اروح على عماي وﻻ اطيح بعياده مو زينه ..

أبي أفضل عياده لليزر وين ؟؟

انا افضل رويال حياة ، اول شي نفسيتهم ونفسية اللي تسويلج والجهاز عندهم ماشاءالله يهبببببل ، وماينطرونج واااااايد .

وهل اليزر لمنطقة البكيني ( يفتحها ) للعلم انا من تحت فاتحه المنطقه ماشاءالله يمكن اغمج بدرجه ف هل يوحد الون .. ويخلي الشعر
مايطلع ( نهائيآ ) وﻻ يرد يطلع ؟؟

انا اعتقد جسم عن جسم يختلف ، انا معاي فتح لونها ، بالبداية يطلع الشعر خفيييف وصغير ويطيح من نفسه ، ومن وين لي وين يطلع ، وحتى اذا طلع يطلع خفيف .

واذا سويت بطني وظهري يروح الشعر منها وﻻ هم يرد يطلع

انا ما افضل تسوين هالمناطق ليزر واشوف الشيره انظف لهالاماكن ، بس انتي اللي يريحج سويه

وتنصحوني اسوي منطقة الاندر ارم وﻻ ﻻ .. ﻻن شكثر خوفوني من هالمنطقه قالوا ﻻ ﻻتسوينها !!

سوي وانتي مررررررتاحة ، والله صج صج راححححة :rerrerek:

وتكفووون فيدوني ابي افضل عياده ابي شي مضموووون

وشكرآ

واتمنى اكون افدتج :eh_s(17):

 

[راقيه وجذابه]

فديتكم مس بوتمبا وحرم الشيخ

شدعوه 145 مشاهده والي ردوا 3 !!!!!


مايسوى علي هالسؤال

 

[مـهـــابــــه]

ما انصحج تسوين البطن و الظهر احس مو مستاهل المكان ليزر
اما الاندر ارم فهو اهم منطقه و مالج شغل بكلام الناس انا سائله اكثر من دكتور .. والحمدلله هالمنطقه حاليا ما يطلع لي فيها شعر
عيادتي قلوبل عمارة مزايا عالدايري الرابع

 

[لوولوو_88]

الليزر راحه و نظافه بالنسبه انها تبيض المنطقه شوي مو وايد

بالنسبه للاندر ارم ضروري و البكيني اهم منطفتيييين افتكي .. باجي الاماكن بالعياده يحكمون و انا ما جربت للظهر و البطن

عيادتي طلال العلي مرتاحه منهم وايد مواعيدهم مضبوطه و ما ينطروني ايي ادش سيده مكانهم بالشعب البحري

سويت بكيني باقيلي جله الحمدلله ما في شعر و ان طلع بعض اماكن ناااااااعم و الحين بسوي اندر ارم انشالله

 

[فوزيه الراسي]

نفس ما قالو البنات الليزر راحة ونظافة ويبيض بس مو أوفر عيادة رويال حياة

 

[.. روحي تحبه ..]

..

أنا سويت إيدي كاملة مع الأندرآرم و رجلي بعد عند عيادة سلطان العتيبي بالمنقف ..

الحمدلله الشعر حيييل قل يعني قبل سميك وأسود الحين لا خفيف ومتفرق النتيجة على ساقي أفضل لأنه شعر الساق يكون أسمك ..

بس طولت يعني تقريبا سويت 8 جلسات ،، أول شي ست جلسات ورا بعض متواصلة بعدين عقب سنه قبل عرسي سويت جلستين ..

أختي سوت ساقها في عيادة نورة الصليلي بس أربع جلسات وماكلمت

ونتيجتها أحسن مني مع العلم أنا وياها كنا نفس الشي من ناحية الشعر وسماكته بس ليزر الصليلي أحسن ،،

ويمكن عشان قوته أكبر لأنه كانت حييل تتعور عقب الجلسة اتحس بحرارة أنا لا أقل عشان جذيه نتيجتها كانت أسرع مني ..

يعني الحين عقب التجربة الطويلة قررت أسوي إيدي مرة ثانية وفخذي عند نورة الصليلي يمكن ليزرهم أقوى وساقي خلاص ما أحتاج ..

أدري طولت بس حاولت أفيدج بدقة ..

اموفقة يااارب ..

..

 

[{ غصن البآن }]

قوه حبيباتي شلونكم

بنات أنا ناويه اسوي ليزر حق ..

بطني وظهري ومنطقة البكيني ..

عندي جم سؤال وبليز أبي الي جربت ترد رد مفصل يريحني مابي اروح على عماي وﻻ اطيح بعياده مو زينه ..

أبي أفضل عياده لليزر وين ؟؟


ياااكو وانتي مغمضه، بتروحين تحصلين نص الكويت هناك


وهل اليزر لمنطقة البكيني ( يفتحها ) للعلم انا من تحت فاتحه المنطقه ماشاءالله يمكن اغمج بدرجه ف هل يوحد الون .. ويخلي الشعر
مايطلع ( نهائيآ ) وﻻ يرد يطلع ؟؟



يفتحها واساسا تصرف لج كريم يفتحها زياده
والشعر بعدجلسات طوال ماراح يطلع كلش


واذا سويت بطني وظهري يروح الشعر منها وﻻ هم يرد يطلع


طبعايختفي الشعر ،بس سوي قبل عرسج بفتره طويله
وترى اختفاء الشعر يعتمد على لون اليلد وسمك الشعر وكثافته
وكل هذا راح تعرفينه من الدكتوره اول ماتبطلين ملف عندهم

وتنصحوني اسوي منطقة الاندر ارم وﻻ ﻻ .. ﻻن شكثر خوفوني من هالمنطقه قالوا ﻻ ﻻتسوينها !!

ماقدر افيدج بهالشغله سالي الدكتوره افضل
وتكفووون فيدوني ابي افضل عياده ابي شي مضموووون

ياكوو ياكوو ياكوو

 

[{ غصن البآن }]

سوري

بس سلطان العتيبي وايد فاشل

رفيجتي سوت اكثر من ١٠ جلسات

وهم في شعر شوي

بياكو من رابع او خامس جلسه كلش ماتشوفين الشعر

وعقب خامس او سادس جلسه تخلصين بالمره


وسعرهم كل جلسه ينزلون ١٥ بالميه

اول جلسه للجسم كامل ٢٤٠

ثاني جلسه ٢٢٠

ثالث ٢١٠ تقريبا

لين يوصل ١٨٠ ويثبت عليه

اذا اماكنج وايد لليزر

اختاري فل بدي وقولي مابي ويه ولا اندر ارم ولا ظهر مثلا

احسن من كل واحد بروحه يطلع اكثر المبلغ

انا جذي سويت

اما اذا اماكنج محدده لا اختاري

وهم نفس الطريقه ينزلون من المجموع ١٥ بالميه كل جلسه

 

[baa6aa]

انا اول شي سويت عند بهمن كلينك

بس بطني و ظهري لا لان خفيف وقالتلي ان سويناه راح يطلع قامج بعدين فحرام

وعقبها حولت عند عبير الياسين و استمريت عندهم هناك

سوي كل شي خلصي الا بطنج و ظهرج اريح و ان طلع راح يطلع من عقب اول جلسه بجم اسبوع بس عقبها اذا استمريتي ماراح تحتاجين تعيدين الا كل جم شهر لين يوقف وما تعيدين

 

[Smchoocha]

سويت ببيلا كلينك شوي يعور و لازم تنطريييين عشان تدشين على الدكتوره بس يسوااا و يفتح المنطقه

 

[عسى الله يهديني]

بقولج تجربتي سويت عند منى الفارس السيقان والحمدلله حسيت بفرقق شاسع خف الشعر ويطلع كل شهرين بس مايخفتي نهائيا

والاندرارم حسااافه اني سويتخه قامت تطلع لي ريحة عرق وليومج هذا ماينفع معاي اي ديودرنت بليز الي تقدر تفيدني تفيدني

سويت4جلسات يمكن
وراح اكمل سيقاني بس اباطي بوقف


بالمستقبل افكر اسوي البكيني


بالنسبه للبطن والظهر جربي الاكسجييين لانه خفيف حرام كل مره يحكونه لج بموس وتمتن الشعره

 

[عسى الله يهديني]

عياده منى الفارس خفيف ومواعيد مظبوطه واهتمااااام

 

[عروسة اكتوبر]

انا اسوي بعيادة ديرما دنت بالجهرا رووووووووعة رووووووعة شوي عليهم عيادة ممتازه والله الشعر قل من ثاني جلسة وفرق معاااااااي واجد قبل البكيني من ثالث يوم يطلع شعر ألحين بالشهر أحفه مره وحده الحمدالله وجلستهم للبكيني بـ30 وبالنسبة للمواعيد حيييييييل مضبوطين ويدقون عليج قبلها بيومين يذكرونج

 

[.. روحي تحبه ..]

سوري

بس سلطان العتيبي وايد فاشل

رفيجتي سوت اكثر من 10 جلسات

وهم في شعر شوي

..

فعلا لاحظت إنه مو لي هناك ..

عشان جذيه ما راح أكمل عنده ..

..

 

[.. روحي تحبه ..]

والاندرارم حسااافه اني سويتخه قامت تطلع لي ريحة عرق وليومج هذا ماينفع معاي اي ديودرنت بليز الي تقدر تفيدني تفيدني

سويت4جلسات يمكن
وراح اكمل سيقاني بس اباطي بوقف

..
شوفي أنا لمن كنت أسوي الأندرآرم كان ينزل مني ماي موعرق من كثر غزارته كنت أتضايق من هالشي ..

بس ما كان فيه ريحه ..

بعد فترة راحت المشكلة الحمدلله ..

فإنتي استمري حرام توقفين أكيد مؤقت ،،

وسئلي مالت الليزر أحسن بعد يمكن تعطيج كريم شي ..

..

 

[الجواريه]

طيبه كلينك حلو ليزرهم