بسوي عزيمة بنآت في آلبيت

[Red Al Rainbow]

:eh_s(22):

مرحبآ


بنآآت آحتآج مسآعدتكم بليييز

آلآسبوع آليآآي بسوي عزيمة بنآآت في بيتنآ
يعنى ربيعآتي بيون و جييه

و آبى آفكآآركم بليييز
شو آسويلهم عشآآء ؟ نبى شي خفيييف
شو آقدم عقب آلعشآء

همسة: ربيعآتي بنآت جآمعة !!
و ربيعآت خوآتي بنآت ثآنوية و آعدآدية


:eh_s(17):

​

 

[لـولـيـتـا]

up

up

up

ان شاله البنات يفيدونج

 

[كويتيه وافتخر]

دشي مطبخ كويتيات واخذي افكار منهم
اقول قدمي سلطتين بس فنتكي فيهم

وبطاط بالكريمه لذيذ طبق رئيسي
وبرياني دجاج طبق رئيسي


وشوفي قسم الحلويات فيه فناتك
بس انا احب المحلبيه تبرد عالجبد


وبالعافيه

 

[فطووومة]

هلا وغلا اختي

سوي لهم سلطات وفتوش وتبوله ومعكررونة او باستا ومحاشي


وبعد العشا قدمي لهم الحلو وبالعافيه

 

[law love]

العشا سهل لازم سلطات و معجنات مقالي كبب و سمبوسه وهالسوالف اطباق رئيسيه مثل بشميل صينيه دياي بطاط وهالسوالف او مشاوي اذا تحبون
بعد العشا قدمي ايس كريم يكون حلو خفيف ولطيف


انتي تخيلي بوفيه جدامج مال فندق و اختاري جم طبق و سويه

 

[أم*سلمان]

آب


آب


آب

لعيوونج

 

[fatoomm]

سوي سلطات, وسمبوسه, بطاط, يبي برجر خزان سلايدر , بيبسي ,كب كيك او مولتن كيك

 

[عنووو]

يعتمد على عدد المعازيم واذا بنات مو كبار
كلكم تكلمتو عن العشا وماتكلمتو عن التقديم
انا رايي تصلحين اذا كان عددكم كبير 4 مطارات قهوه وتوزعينهم على الطاولات
وتحطين طاوله كبيره او وسط اللي يريحج فيها حلويات تقديم وكل اللي تبينه مثال
اذا كان عندج صحن اللي تحطين فيه كاكاو سايح وتحته شمعه وتحطين حول صحن الكاكاو صحن فراوله وصحن خدود البنات مارشميلو وصحن عنب وتحطين الاعواد الطوال حقات الذره عشان اللي تبي تاخذ عود وتغطي مثلا في المارشميلو وتغطي الكاكاو اتمنى تكونين فهمتيني
وتخلين تقديمك هيلب يور سيلف ( اخدم نفسك بنفسك )
وطبعاً سوالف البنات صحن بطاط وصحن بوب كورن وحلو تشترينه او تسوينه وكب كيك واللي تبي تقوم وتاخذ لها صحن وتاخذ اللي تبي( يعني بوفيه ) والقهوا طبعاً جدامها تخدم نفسها وتصب :eh_s(9):
ياكثر كلامي لووووووول

 

[ام زهقانه]

اطلبي من مره برياني الكل يحبه وسلطه وفتوش و تبووووله اطلبي من وحد معروف الورق العنب حلو
او سوي انتي السلطات ووزعي بيبسي سفن سوي حركات باسفره كلنكسات الاعياد الصحون المواعييييييين الزينه يطلع حلو ومرتب

 

[MN.collection]

ماقصروا البنات

اب

 

[اسواريه]

سوي برياني وفتوس وسلطة الفته ومعكرونه بالباشميل وسوي ورق عنب ومحاشي وكبب وسبرنغ رول
وبعد العشا ايس كريم على بسكوت من ام عمر 66008171 طعمه روووووووووووعه
وبالعافيه عساها جمعه دايمه ان شاء الله

 

[برايفت]

أهلن

قدمي بالبدايه فوندو تشوكليت مع مارشملو و فواكه ( فراوله ، كيوي ، أناناس ، موز ) و كيك تشوكليت و فانيليا مع عصير
و تشيبسات و ديبات بس لا تكثرينها مع العصير

العشا حطي سلطتين
و صينيه رز دجاج بالقشطه
و تكساس فرايز << اللي فرش فرايز و فوقه لحم مفروم و تشيز نفس اللي عند تشيليز
و صينيه مكرونه بالبينك صوص
و ممكن ورق عنب و ملفوف و حمص و كبه و هالسوالف

ممكن تقدمين مع العشا شامبانيا سعوديه << يعني بدون كحول هههههههه

و بعد العشا حطي حلا كاسات أو تشيز كيك في كاسات أو ايس كريم

هذا اللي جا ببالي الحين و الله يوفقك و يسخرلك

إذا بغيتي طريقة أي شي من اللي قلته عطيني خبر اجيبه لك

 

[أم حسيب]

مثل ما قالوا البنات سلطات وسمبوسة وممكن فطاير وورق عنب وبيتزا صغيرة وملفوف وبطاط
وممكن مكرونة بشاميل مع دياي بانيه يمي يمي
والحلو أفضل الايس كريم
وان شاء الله أكون أول الحاضرين

 

[بسمة السلطان]

البنات ماقصرو

 

[أم نواف غير]

حبيبتي موفقه

 

[Om Ghalia]

سمبوسة، ميني فطاير، كباب، كب كيك......................

 

[أم حسون]

سلطات:
جرجير،ناتشوز،يونانيه،سيزر
اطباق رئيسيه:
كشري،يريش،ورق عنب،محاشي،باستا،دياي بالكريمه
حلويات:
ياكثرهم بالمنتدى كل واحد احلى من الثاااني

 

[وآحشنــي زمآنـك]

سلطه شمندر ..

سلطه زهره ..

سلطه جرجير ..

كبب وسمبوسه ..

باستا أو بشميل ..

صينيه توست بالدجاج ..

صينيه قطع دجاج بقسماط مع المشروم والكريمه ..

الحلوو كيكه باسكن روبنز ..