بسكـــويت منزلي,,, صنع ايديا وحياة عنيااا,,,مرفق بصوور

[غيدآء]

السلام عليكم ...

وصباحكم نور وسرور يارب ..


شلونكم بنات شخباركم؟؟


اليوم حبيت اكتب لكم عن تجربتي مع البسكويت المنزلي ,,,,

طبعا بما اني بعطله ورمضان على الابواب قلت ليش يا بنت جابر ما تقومين وتدخلين المطبخ وتجربين تسوين بسكوت..مثل ما هو مكتوب بكتاب منال العالم...


فقمت ورحت وشفت ومحصت ولقيت كل شي تمام يعني OK....

طبعاا انا سويتهاا على سبيل التجربه...يعني خليت البسكويت ساده وانتي وذوقج ممكن تحطين قطع كاكاو او فواكه او كريمه من بره للتزيين يعني تتفنين بلمساتج السحريه:ggdw:



المقادير هي كالتالي....

3 كوب طحين

1 ملعقه صغيره باكينق باودر

ثمن ملعقه صغيره ملح

1 كوب زبده لينه

1 كوب سكر ناعم

2 حبه كبيره بيض


الطريقه

قبل كل شي لازم تكونين مطلعه الزبده من الثلاجه علشان تكون لينه معاج وسهله انج تعجنينها مع المقادير...

نطحن السكر ونحطه بالعجانه مع الزيده ونقوم بعجنه بالاله الين ما تتماسك المكونات ونضيف عقبها البيض وانتي مستمره بالاله الين ما تتماسك المكونات ...

قبلها تكونين شاخله ومصفيه الطحين على صوب بروحه وضايفه معاه الباكينق باودر وملعقة الملح...


بعد ما تشوفين انه الزبده والبيض والسكر متماسكين اوكي ضيفي الطحين معاهم عقب ما تضيفين معاه الباكينق باودر والملح...

وواصلي بالعجن الين ما تتماسك العجينه بعدين اخذيها بايديج وخليها كتله وحده ولفيها بورق نايلون وخليها لمدة ساعه بالثلاجه وممكن تستخدمين العجينه حق ثاني يوم بعد...

طريقه الخبز بالفرن...


جيبي صينيه وحطي عليها ورق زبده..

وطلعي العجينه من الثلاجه وافرديها وسوي الاشكال الي انتي تبينهاا...

بيني وبينكم انا استخدمت الفناجيل لووووووووووول وسويت باجي العجينه شكلين حلزونيين

ووزعيها بالصينيه وحطيها بالفرن على درجة حرارة متوسطه لمدة عشر دقايق او 15 دقيقه بالكثير..

وطلعيها ووزعيها بصينية تقديم وقدميها مع القهوه والشاي وهي ساخنه...


يمي يمي واستمتعي بالطعم.. وادعيلي

ما اسمح لاي وحده تنقل موضوعي من غير ذكر اسمي واسم منتدى كويتيات

وعليكم بالعافيه....
Image(767).jpg


Image(768).jpg


Image(769).jpg


Image(770).jpg

 

[غيدآء]

ماشالله 19 المشاهدات ومافي ولا كلمه


على العموم مشكورين يالي تمرون ولا تكتبون كلمه اهم شي انكم استفدتوا:eh_s(6):

 

[manarah]

ماشالله شكلم مرتب تسلم ايدينج

 

[غيدآء]

الله يسلمج حبيبتي مناره....


نورتي

 

[Mis$ LeO]

تسلم الايادي

 

[غيدآء]

الله يسلمج مس...

نورتي

 

[هوى الدار]

يم يم شكله يشهيييييييييييييي


تسلم ايدج

 

[جارة القمر]

مشكووووره

 

[غيدآء]

يم يم شكله يشهيييييييييييييي


تسلم ايدج

الله يسلمج...

وحياج الله نورتي

 

[رويال ديزاين]

الله ذكرتيني ب بسكوت الإقتصاد المنزلي اللي قبل كنا نسويه بالمدرسه ...

تسلم إيدج فعلا شي حلو و سهل و مميز

 

[غروري ضروري]

تسلم ايدج

 

[العنود22]

وايد حلو شكله انشاء الله احاول اجربه
تسلم ايدج يالغالية

 

[قمر الليل]

مشكووووووووووووورة على البسكوت ​

 

[غيدآء]

مشكوووورين على المرور...

 

[%عـجـمـيـه صـريـحـه%]

تسلم ايدج

 

[غيدآء]

الله يسلمج..

 

[أم عبدالله Q8]

تسلم ايدج حبيبتي بس اشلونه ترف؟

 

[غيدآء]

الله يسلمج ام عبدالله....

انتي جربيه راح تلقينه لذيذ مثل ما لقيته يمي يمي

 

[omjasim]

مشكوره عالبسكوت وعلى نشيدة أيام الفتى وايد أحبها واذا عندك لو سمحتى مقادير بتى فور الكاكاو نفس اللى بالروضه

 

[العود الأزرق]

تسلم الأيادي

راح أجربه إن شاء الله