بســـــافر دبي بعد جمن يوم بليز دشو دشو نقذو اخيتكم =((

[:حضرية واجد:]

السلام عليكم و رحمة الله و بركاته ..~


اشلونكم يا احلى بنات .. :eh_s(17):

انا مسافرة بعد جمن يوم الامارات " دبي " لاول مرة بسافر هالديرة و ابي اعرف شنو احلى محلات يبيعون دخون فواحة .. و يا ليت بنات الامارات يفيدوني بهالسالفة و بعد ابي اعرف شنو اسم هالدخون يعني ابي اشياء مفصلة :eh_s(17): و ابي بعد محلات عبايات فخمة بس تكون ناعمة بليز عددولي محلات و اسماء مولات بعد لاني اول مرة بطب هالديرة و مابي اضيع وقتي ادور ع محلات و اسال انا رايحة مع خالي و امي و اختي و عيالها وتعرفون يهال و دوخة محد له خلق يدور و اكيد بيتعبون من الفرارة بسبة اليهالو :eh_s(14): و حالفة اخم دبي قبل لا ارد الكويت لوووول اي صح و ابي اسماء فنادق اسعارها حلوة بدبي و تكون فايف ستارز و فيها خدمة نت لان سمعت في فنادق مافيها وايرلس :$

و آمواح لكم كلكم وحدة وحدة :eh_s(22): :eh_s(17):



برؤب ’, و ناطرة ردودكم :eh_s(22): :eh_s(8):

 

[ليدي دبي]

هلا فيج حبوبة

بالنسبه لمحلات الدخون فيه محل او اقدر اقولج كشك اسمه انفاسك دخون ... عطوراته وبخوره حلووو ... موجود في مركز ميركاتو بالطابق الارضي .... واعتقد بدبي مول ....
وعندج محل ياس الاسم الملكي للعطور موجود بدبي مول وفسيتفال سيتي بس هالمحل شوي غالي ...
بالنسبه للعبايات عندج مركز ابو هيل .. وعندج محل ماي فير ليدي بابراج الامارات .. ومحل حناين موجود باغلب المجمعات
الفنادق خلي البنات الي زاروا دبي وجربوا فنادقها يفيدونج لان انا ما جربتها كسكن فالمجربين احسن .... بس اخذي فنادق بمنطقة ديرة .. لان هالمنطقه بوسط دبي وقريبه على اغلب الاماكن

حياج الله بدبي

 

[:حضرية واجد:]

يا حياتي والله فديتج والله سجلت كل الي قلتيهم و بسوي سيرج عنهم و آب آب ابي فنادق زينة و خدماتها عالية

 

[- BambeNo -]

حياج الله حبيبتي بتنورونا ..

أنفاسك دخون رووعه أنصحج بعطر أسمه ( عود شي) والله يظل فيج كذا يوم يفووح ..
ونفس ماقالت الأخت محل ياس عطوراته وبخوراته مميزه
باريس جاليري عندهم قسم بعد لعطورات خاصه تعبينهن عطورات هند ودهن عود ..

العبايات اذا تبين أسعارهن معقوله مركز بوهيل وبتحصلين محلات في دبي موول و مردف سيتي سنتر
و امارات موول .. بس لاتفوتين دبي مول فيه كل شي تبينه وبعد لو حابه ماركات
ومحل m&a هذا بروحه خارجي محله للعبايات..
وفي مصممات اماراتيات بس اسعارهن غاليه شوي اذا تبين بعطيج الارقام..

ابن بطوطه بعد حلو هالمول والفيستيفال سيتي..
ولاتنسين تزورين القريه العالميه ..

الفنادق ماعرف وايد اذا تذكرت راجعتلج

 

[:حضرية واجد:]

يا حياتي والله فديتج يالغلا ماروم ع هالكرم والطيب لوووول شلوني بالاماراتي :$

فديتج انا يا ليت تقوليلي الارقام حقين المصممات لاني باخذ صوغات سبيشل لخالاتي و خواتي ..
و لحقيني بفنادق قريبة من المولات تكفين يا بعدهم .. ما ننحرمش يا الغلاآآ ..,ّ

آب آب

 

[انوثتي اهم شي]

حتى انا جايه بدبي بعد كم اسبوووع

 

[روح العطش]

يامرحبا وسهلا بالغالين في دبي

غناتي بالنسبة للدخون والعطورات أفضل دخون بتحصلينه عند أنفاسك دخون عندهم مجموعة

جدا رائعة كل صنف أحلى من الثاني ما راح تندمين إذا خذتيهم محلهم موجود في مركاتوا

ووافي وسيتي سنتر دبي

وعندج بعد هند العود الله على هند العود والمخلطات اللي فيه أنصحج بالشيخ عبدالله
ومسك الامارات وبنك مسك ومجموعة روعة من المخلطات واذا بغيتي دخون بتحصلين عندهم أجود أنواع

الدخون محلهم موجود في صحاري سنتر الشارقة وبرجمان دبي

ومحلات العطور كثيرة الامارات من ضمنها الياس وهو أشهر من نار على علم

نتمنى لج اقامة سعيدة في بلدك الثاني

يامرحبا الساع​

 

[Red Al Rainbow]

مممممممممممممم

بتنورين بلآدنآ عزيزتي

آلبنآت مآ قصروآآآ

 

[ليدي دبي]

بقولج عن الفنادق الي اعرفها ...
عندج فندق كراون بلازا فستيفال سيتي وفندق انتركونتننتال فستيفال سيتي هالفندقين قريبين بمول فستيفال سيتي تروحين له مشي
عندج بدبي مول فندق العنوان انصحج فيه رووعه وموقعه استراتيجي قبال برج خليفه والنوافير الراقصه ... يبيلج تسكنين قريب من دبي مول لان هالمول علشان تفرينه كله يبيلج اقل شي ثلاث ايام لانه جبير ويبيله وقت ...
وعندج بعد الفنادق القريبه من دبي مول .. فندق المروج روتانا .. فندق قمر الدين .. فندق المنزل ...

كلها فنادق 5 نجوم وراقيه

ولا تنسين تزورين القرية العالمية ... وملتقى العائله بمنطقة الخوانيج .. اهو مثل القرية الصغيره اغلب محلاته شغل اماراتي يفتحونه كل سنه هالفتره .... فيه مطاعم اكلها اماراتي شعبي .. والعاب لليهال ... وتفتح من العصر ....

ونتمنى لج اقامة سعيدة

 

[قطرة ندى1]

بقولج عن الفنادق الي اعرفها ...
عندج فندق كراون بلازا فستيفال سيتي وفندق انتركونتننتال فستيفال سيتي هالفندقين قريبين بمول فستيفال سيتي تروحين له مشي
عندج بدبي مول فندق العنوان انصحج فيه رووعه وموقعه استراتيجي قبال برج خليفه والنوافير الراقصه ... يبيلج تسكنين قريب من دبي مول لان هالمول علشان تفرينه كله يبيلج اقل شي ثلاث ايام لانه جبير ويبيله وقت ...
وعندج بعد الفنادق القريبه من دبي مول .. فندق المروج روتانا .. فندق قمر الدين .. فندق المنزل ...

كلها فنادق 5 نجوم وراقيه

ولا تنسين تزورين القرية العالمية ... وملتقى العائله بمنطقة الخوانيج .. اهو مثل القرية الصغيره اغلب محلاته شغل اماراتي يفتحونه كل سنه هالفتره .... فيه مطاعم اكلها اماراتي شعبي .. والعاب لليهال ... وتفتح من العصر ....

ونتمنى لج اقامة سعيدة

اختي ملتقى العائله اللي بالخوانيج

ووين بالضبط .؟؟ ومتى ينتهي ؟؟​

 

[ليدي دبي]

اختي ملتقى العائله اللي بالخوانيج​

ووين بالضبط .؟؟ ومتى ينتهي ؟؟​

في منطقة الخوانيج ,, اهي منطقة سكنية .. قولي للتاكسي اهو يعرف ... واعتقد بتسكر بشهر 3 ...