بسررررعه الفزعه الفزعه واللي يعافيكم اختي حامل وينزل منها دم

[اريام22]

السلام عليكم ورحمه الله وبركاته

مبروك عليكم الشهر ان شاء الله


ابي ابدا الموضوع على طووووووول

اختي صارله متزوجه شهرين وحامل لها الحين خمس اسابيع الله يثبته يااارب

وامس نزل منها دم لونه بني كل ماتروح للحمام عزكم الله ينزل بني :eh_s(10):

وراحت سوت سونار داخلي لانه مايبين من برا وقالت لها الدكتوره دام الدم بني عادي لاتخافين


وطلبت منها تحاليل وقالت لها اخذي المثبت لغايه عشر ايام وتعالي اشوفج


وراحت للبيت اختي ولما راحت للحمام عزكم الله وتمسح يطلع دم لونه احمر من امس لليوم ما وقف


وماراحت لاي طبيب وتقول ان فيها مغص خفييييييف نفس مغص الدوره عاااادي


والحين ما ندري شنو معناته هذا اللي تعرف بحاله اختي لاتبخل علي بالرد


واللي يعافيكم واللي ماعندها فكرا لا تطلع من غير اب اب



والحمد لله على كل حال والله يقدم اللي فيه الخير



ناااااااااطره ردودكم :eh_s(7):

 

[أبله جهراويه]

حياتي اذا ينزل منها دم بني خلترتاح ولا تتعب روحها وتبعد عن الجماع كم يوم لغايت ما ينقطع الدم
والمفروض الدكتوره تعطيها ابر مثبته
الله يثبت حملها يارب

 

[مواصله]

والله مادري حاله عن حاله تفرق

اذا الافراز البني صار دم ضروري تروح الاسعاف

انا نزل علي افراز بني بالشهر الثاني

وقالت لي الطبيبه عادي اكثر الحوامل بداية حملهم يصير معاهم جذي

بس مومعناتها تهمل نفسها ،،الله يتمم عليها وعلينا

 

[beauty rose]

لا تخلي الدكتوره تسويلها سوووناااار داخلي !!!!
خليها تستمر عالمثبتات و تنسدح على ظهرها ماتحرك الا للحمام و الصلاة و لا تصعد و تنزل دري
و كل شي تسويه شوي شوي العطسة كحة ضحك لا تعصر بطنها
و ان شااء الله ربي يثبته لها يااااارب
و اذا ان شاء الله وقف الدم لاتاخذ راحتها تتمشى و تطلع
تقعد جذي لي 3 شهور لانهم اخطر شي

 

[اريام22]

شكرا عالردود

بي ليش الباجي تدخلون وتطلعون بدون رد 

المهم بالنسبه للدم عادي دم احمر يعني

من امس معاها دم وتقولي مع الدم نفس الخيوط لونهم عنابي غامج نفس الدم المتجمد


والله مدري ومعطتها الا حبوب مثبت مو ابر


*

 

[ScarletteO'Hara]

منو قال ان الدم عادي؟؟
حبيبتي اخذي اختج و طيري المستشفى محد يقدر يطمنج غير الدكتور
لا تاخذين آراء البنات ترى احنا مو دكاترة
كلام دكتورتها واضح اذا دم بني عادي معانه اذا دم احمر ممكن يكون في مشكلة
و الله ما اقصد اخرعج بس من خاف سلم
نصيحتي روحوا الطبيت لا تضيعون وقت

 

[ام ساره 4]

حبيبتي مو شرط البني معناته مو إجهاض خلي تروح الطبيب أحسن عشان تاخذ احتياطاتها وعسى الله يثبته لها

 

[QYtiya.com]

ليش تسويلها سونار داخلي اصلا هذا يساعد عالاجهاض
لا تسوي سونار داخلي اهي توها ماراح يبين الجيس الا بعد اسبوعين او اكثر

 

[anooma_86]

حبيبتي مابي اخرعج بس احتمال هذا يكون إنذار اجهاض خليها تروح المستشفى الحين

 

[مألوفة]

انا باول حمل لي نزل مني دم خفيف بني وثبت الحمل ولا رحت الدكتور ولا اي شي

بس حالة اختج تقولي دم احمر وفيها عوار المفروض الطبيييييييييييب احس شي خل تسولها سونار

 

[الأميرة جوري]

صار معاي جذيه مرتين مره للاسف اجهضت ومره لا ارتحت علي ظهري واخذت حبوب مثبه مدة شهر والحمد الله يبت بنت....بس خليها تنام علي ظهري وماتمشي وايد حدها الله يكرمج الحمام وترد تنام وتاخذ مثبتات ...

 

[قلبي خالد]

نفس حالتي اكيد اختج ضعيفة
الحبوب المثبات اكلتهم استمر الدم ورحت عند استشاري قالي هذا علاجج بس الكميه غلط بدال ثلاث حبات صارت حبه لانه كميات الدوا علي الوزن وصج وقف الدم*

 

[الشيرازية19]

انا ببداية حملي كان ينزل علي دم لونه بني ومرات احمر وقالوا فيج اجهاض منذر وعطوني مثبتات خل تستمر عالمثبتات لا تقطعهم الحين خل تاخذهم مرتين باليوم و لا تتحرك كله خل تنسدح على ظهرها وتحط جم مخده تحت ريولها ولا تقول الا حق الصلاة وعزج الله الحمام والله انا نزل علي لي الشهر الرابع وكنت اخذ المثبتات لي الشهر الرابع بعدها الحمدلله ثبت الحمل لاني كنت كله انسدح ما اتحرك ولما شفت ان الدم وقف قطعت المثبتات بس اهم شي نبض الجنين اذا اوكي لاتحاتي والله يثبته ياارب

 

[الشيرازية19]

اي ونسيت اقوولج كانت يدة ريلي تسويلي ماي نشا ترا وااايد زين يوقف الدم والله شربي مره باليوم وشوفي

 

[^^كرستالة^^]

ليش ما تروح الطبيب
محد راح يفيدها اهني بيذكرون تجاربهم بس

الله يثبته لها

 

[خيشة شكر@]

الله يتم عليها ياربي
ليش ماي النشا شنو فايدته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[tbola]

اذا بني عادي ام اذا احمر ترا خطرر

 

[حنان1983]

اختي الغالية الله يثبت حمل اختك ان شاء الله وخلها تروح الطبيب ولا تهمل نفسها تري كل واحده حالتها غير الثانيه

 

[noof nasser]

up..up

 

[عطر الدوحه]

الله يثبته يارب