بستقيل من دوامي وعندي استفسار صغير

[G6waa]

صباحــ / مســاء
الــخـــــيــــــر ....​

شلووونكم صبايا :eh_s(17):​

انا موظفة ببنك وابي استقيل واسجل بالديوان ​

بس خايفه اني اطول وانا انطر اسمي ينزل واتوظف بالديوان​

اللي عندها فكره شكثر ممكن ياخذ وقت الموضوع ... ياليت تفيدني ​

وعلى فكره انا شهادتي دبلوم محاسبه ومتزوجه ( مادري يفرق بالديوان المتزوجات ولا بس المتزوجين !! )​

وسوري عالاطاله :eh_s(8):​

 

[frawlah_83]

اتا بكالريوس محاسبه مستقيله من شهر ٣ وسجلت شهر ٧ بالديوان ونزلي ترشيح توه حق التربيه بس رفضت لانه مو طموحي واعرف وحده دبلوم محاسبه استقالت شهر ٢ ومانزل اسمها الى بعد سنه و ٣ شهور تقريبا .. اهو يفرق اذا متزجه اولا بس اول شي الاولويه حق الي مسجليين بالفترات السابقه تالي اذا تساوت الفترات في معايير ثانيه بس ماني متاكده من ترتيبها

١- الاقدم في الحصول على المؤهل*
٢- التقدير الاعلى
٣- الاكبر سناً
٤- يقدم المتزوج على الاعزب

يعني عملي حسابج بطوليين والترشيحات اتم
على حسب الاحتياجات مرات تمشي الاسامي بسرعه مرات اطول تقدرين ادشين على تجمعات دفعات الديوان شوفي دفعه ٣٦ اذا في احد دبلوم محاسبه جم مجموع الي مقدمين اتبين من ارقامهم انتي بتكونين شي اكيد بعدهم *


وموفقه ان شاء الله

 

[الأمل لحظه]

انا اللي اعرفه ان اللي متزوج او متزوجه له الاولويه وينزل اسمه بسرعه بالترشيح
والايام تمشي بسرعه انتي قدمي والله يوفقج ...



حبوبه سؤال فضولي >>> انتي ليش بتستقيلين من البنك !! والناس طق مطاقق عليه !!
؟؟؟؟

 

[G6waa]

مشكورين ما قصرتو عالردود بنات



فراوله

اذا سنه و3 شهور بنتحر لوووول
حدددده واايد



الامل لحظه

صراحه انا دشيت البنك كان عندي طموح معين وعبالي ان القطاعات الخاصه والبنوك بالذات على حسب شغلج تصعدين
بس للاسف طلعت الواسطات اهي اللي تمشي وسهالات يخلون اللي اردى منج يصعد بالوظيفه وانت مثل ما انتي


مع اني بدون غرور والله شغلي حدددده زين بالبنك

حسيت حال الموظفه بالحكومه احسن مني
اول شي ساعات الدوام اقل
ثاني شي ماكو ضغط كبير عليج (البنك شغله يتعب بسكل مو طبيعي خاصة اني اداوم 6 ايام بالاسبوع مرات)
ثالث شي اللي بالحكومه معاشج كل سنه تييج زياده يعني تييج بس البنك لازم تاخذين سكور كبيييييير عشان يزيد معاشج
رابع شي اذا اخذتي طبيه محسوبه عليج وتنزل سكورج
خامس شي مسؤوله عوووووده عليج
سادس شي اتيج نفسيات مختلفه من العملاء ومثل ما تدرين مو كل الناس اسلوبها راقي في ناس ....... ماني قايله شي حدث ولا حرج صراحه

عندج البنك احسن بالمعاش بسسسسسس



سووووري عالطواله

 

[G6waa]

فرااااووله

انتي متزوجه ؟؟

 

[G6waa]

ورفيجتج متزوجه ؟

 

[frawlah_83]

لا انا مو متزوحه

رفيجتي منفصله بس عندها ياهل ...

اذا انتي مو مستعيله على الشغل استقيلي .. بس حطي ابالج انه ممكن اطولين


انا استقلت من الخاص لمشاكل صارتلي فضطريت اطلع وانا عامله حسابي اني بطول المشكله اعرف نفسي جو الوزارات ماراح يناسبني متعوده انا على بيئه شغل معينه ومتعوده على الشغل واغلب الوزارات شغل خفييف اذا بروح وزاره بروح الماليه وانا رابطه حاليا عالماليه بس الماليه مايطلبون تخصص محاسبه الا شهر ٤ والدور طويل اساسا انا مو ناطرتهم انا قاعده ادور بكل مكان سواء حكومه او خااص



شوفي الاسباب الي ذكرتيها اسباب عاديه يعني ماتجبرج على الاستقاله السريعه تقدرين تظليين بشغلج ودورين مكان ثاني او تنطريين لما الموؤسسات والهيئات الحكوميه انزلون اعلانات تو من جم اسبوع المركزي منزل اعلان حسافه لو مقدمه


اما اذا انتب تبين وزاره وشغل خفييف فمعناته لازم تستقيلين عشان تسجلين بالديوان بس عملي حسابج راح اطوليين شوي

 

[frawlah_83]

شكثر صارلج تشتغلين بالبنك ؟

 

[G6waa]

صارلي سنه

لا والله انا نفسيتي تعبت من الدوام اللي انا فيه صايرتلي جم شغله مضايقتني منه وايد

وبعدين انا مشكلتي عندي قسط سيارتي ببتلش فيه لوووول

ماقدر ابقى فتره طويله مو متوظفه

 

[frawlah_83]

امممم انزيين استخيري وشاوري ريلج بالموضوع شوفي شنو رايه

 

[KOKO_284I]

انشالله البنات يفيدونج

 

[G6waa]

ريلي يبي اللي يريحني

بس انا مابي اضغط عليه وابقى فتره طويله دابسته بقسط سيارتي

محتاره صراحه

خايفه استقيل واتوهق

 

[frawlah_83]

في هالشي محد يقدر ياخذ عنج قرار .... دام ريلج يبي راحتج وماعنده مشكله .. بس انتي شكلج محتاره ومتردده

صلي استخاره مره مرتين ثلاث اربع ... ونطري شوفي ... شوفي شنو الي مكتوب لج


متى تسجيل الدفعه اليايه بالديوان ؟ حطي ابالج تحتاجين اسبوعين على ماينسحب اسمج من التامينات ويعتمد على بنكم هل يبي منج مده معينه قبل لاتطلعين من عندهم لانه حسب اللوائح والنظم الي صارده من الشؤون ثلاث شهور تقعدين تشتغلين قبل لاتمشييين بس بعض الاماكن تقدر تتنازل عن هالفتره والبعض اخفضها لي شهر او اسبوعين تسوين فيهم هاند اوفر على شغلج وتسلمينه

ترى حاسه فييج لاني مرييت بسالفه الحيره هذي والتردد خذت مني شهرين تقريبا على ماقدرت اتخذ قرار وصلييت فيهم استخااره واايد والحمدلله تسهلت امور استقالتي الحمدلله على كل حال كل شي خيره *

 

[G6waa]

انا من ناحية اني بطلع من البنك اكيد ابي اطلع


انا اللي مخليني محتاره موضوع متى اطلع احسن ؟

مشكلتي حتى مو تقولين ميمعه مبلغ اقدر ادبر فيه روحي بعد ما استقيل

انا قاعده افكر ابقى جم شهر ايمع شوي


وانشالله بصلي استخاره وانشالله خير

ومشكوره وايد عالردود فراوله

 

[frawlah_83]

العفو حيااج

شوفي في دفعه تسجيل على نص ١١ او اخر ١١ الي وراها بتكون السنه اليايه على شهر ٣ تقدرين تشتغليين مني لي شهر ١ ويمعي فيهم مبلغ وتالي طلعي وتابعي هالايام الاعلانات اذا في شي مناسب حق تخصصج تقدرين تقدميين

بس قبل كل شي سالي شكثر مده الاخطاار حق الاستقاله عشان تعملين حسابج

وموفقه ان شاءالله والله يكتب الي فيه الخير ان شاءالله

 

[G6waa]

تسلمين حبيبتي يوفقنا اجمعين يارب

 

[G6waa]

اب


بليز اللي عنده فكره يرد على الموضوع وثانكس مقدما

 

[atoooty]

والله اذا على سالفت النطرره رآآآح تنطرين وآآآيد

انا دبلوم محاسبه

من شهر 2 متخررجه ولحد الحين رقمي رييض

تو الناس يمكن يبيلي 6 شهور بعد

بس تبين نصيحتي عادي استقيلي ترآآ النطره حلوه ههههههه

والله مافي احلى من النوووم والرباده صج مرآت ملل بس عآآآدي

 

[awashamen7asha]

انا استقلت و طولت على مانزل اسمي تقريبا ست شهور لأول مره نزل و رفضت وعقب صار كل 3 شهور الله كريم .. انا بكالريوس محاسبه! ترا الهيئات المستقله بعضها ممكن تقدمين و انتي موظفه و انصحج اذا ماكملتي سنه بالبنك نطري عشان تنحسبلج سنه خدمه . و اذا طايفه السنتين كمليهم 3 سنوات للخبره.

 

[G6waa]

والله اذا على سالفت النطرره رآآآح تنطرين وآآآيد

انا دبلوم محاسبه

من شهر 2 متخررجه ولحد الحين رقمي رييض

تو الناس يمكن يبيلي 6 شهور بعد

بس تبين نصيحتي عادي استقيلي ترآآ النطره حلوه ههههههه

والله مافي احلى من النوووم والرباده صج مرآت ملل بس عآآآدي

لوووول اي صح ليش لا تعتبر اجازه بالنسبه لي لاني زهقت من الدوام والقعده الصبح

بس انا عندي التزامات ماينفع انطر وايد


:eh_s(16):