بستخف من ولدي كرهت اليهال منه

[الاحساس]

اول شي الحمدلله ع النعمة

بنات ولدي موصج بجاية بشكل موطبيعي من الغازات والمغص والحمدلله غيرت الحليب صارلي3ايام اول يوم اوكي خف المغص عليه ويطلع غازات ثاني وثالث يوم مااايناااام

ماينااااااااام مااااااااااايناااااااااااام

اليوم كله ينام نص ساعه ويقعد ساعتين قايم
اطول مدة نامها 40دقيقه وبعدها يقوم يقعد ساعه والا ساعه ونص والاساعتين وبعدها يرد ينام ربع ساعه

وانا طبعا قاعده ماانام تخيلوا ماانام ولااسوي ولاشي لااطلع ولاحتى قادرة اسويلي شي اكله ولاحتى عندي وقت احك راسي لوول

ولدي عمره شهر ونص ماادري شالحل وديته عند طبيب قال ماكو شي غازات خفيفة ومغص عاديوخشمه مصكر شوي وهالاشياء العادية اللي كل اليهال فيها بهالحزة يعني مو شي خطير الحمدلله


بس انا تعبت


*

 

[روحي الباجي]

ياحياتي الله يكون بعونج بس انتي شكلج هذا اول بيبي لج صح
ترى حييييييييل عادي اليهال جذيه في البدايه و انشالله بعد جم شهر بيتعدل نومهم انتي لاتحاتين وانشالله مافيه الا كل خير و عافيه
ترى انا مو متزوجه بس عن تجربه اختي بعيالها كلهم جذيه و اغلب إلي اعرفهم هم نفس حالتج و الحمدلله الحين نوم عيالهم تعدل تربيه اليهال مو سهله يبيلها صبر و طوله بال و الله يكون بالعوووون حبيبتي

 

[om-3azo-83z]

بنت اخت ريلي كانت جذي
و كانت كله زوااااااع وانتي بكرامه
اخرتها طلع مو اي حليب يناسب معدتها وديه عند دكتور خاااص و مختص بالسالفه اهوا يقولج الحليب اللي يناسبه

 

[Melazlaza]

حبيبتي لي اربع اسهر ااياهل غثيييييييث بنومته شوفي في طقوس تخليه ينام

اهمها
سبحيه ولبسيه بالحمام لا ياخذ برد وعلى طول لفيه عدل وشربيه حليبته بيدوخ حيل وحاولي تحطينه بمكان فيه بهدوء

وماعليه شر
لا تتضايقين والله الاغلبية نفس ولدج

هذا ظناج حبيبج لا تقولين جذي وترى الناس اذا شافوج متمللة منه بياخذون فكرة ان موذي حتى لو كبر

الله يخليج له ويرزقج بره*

 

[ليمون ونعناع]

حبيبتي الحدلهه على سلامتج
وكثري استغفار
وشغلي قران خليه يسمع وينام
تاكدي ان يشرب حليب كفايه
واذا خشمه مسكر ترى مايرضع عدل ولاينام عدل
جربي بخاخ اوشن سبراي ينباع بالصيدليه بدون وصفه
حطيهعلى بطنه بالفراش او بحصنج عشان يطلع غازات وهمن الي بخشمه يطلع ويعدين شفطيه بشفاطه

 

[<<لمار>>]

عادي حبوبه الياهل بهالسن متعب عيل شلون الجنه تحت اقدام الامهات صبري واحتسبي الاجل وادعي ربج يسر اموركم

 

[زين ودلال]

الله يعينج

نوميه على بطنه ومسحي على ظهره

وعطيه اعشاب بليل قبل لا ينام واقري عليه وان شاء الله ينام عدل

 

[زبدة ككاو]

نومية على بطنه ومدي ريوله لمدة ساعه
شربيه اعشاب
واذا يبجي على طول اخاف مملوع
ييبي زيت زيتون سخنيه شوي مو حيل ودلكي جسمه وانتي مشغليه الدفاية عشان لايمرض
ودلكي عقب لبسيه وخليه ينام راح يرتااح

 

[ام كوثر2007]

يزا الامهات الينه والله ..

عيل شعلا بالج الياهل سهل تربيته ومراعاته .

اول شي حبيبتي اذا فيه امساك نقعيلج تمره في ماي دافي وشخليها وزيديها ماي لي رقم واحد وشربيه بيسهل بطنه


سبحيه حطي دفايه ام ظلوع بالحمام وخلي ملابسه دافيه وسبحيه عشان بس يسبح ينام اسم الله عليه .

ومثل ما قالولج البنات يمكن احد مالعه او شايلته غلط عشان جذى يبجي ..

مسكيلج زيت زيتون حار طبعا دافي يكون علي جسمه ودفي ايدج وخلي الدفايه شغاله بالغرفه

ودهني جسمه كله بس اشوي اشوي مو تضغطين علي الصبي حيل .

وثاني يوم سبحيه لا تسبحينه بنفس اليوم ديري بالج .


واربع وعشرين ساعه حطيه علي قناه القراءن .. وخلي الصوت اشوي مرتفع خليه ينام ويتعود علي صوت القراءن انا عيالي اسم لله عليهم لمن كانو يهال ما ينامون الا علي صوت القراءن تعودوا عليه ..


وعسى الله يخليه لج وتحمدي ربج علي كل شي وسمي عليه واقري عليه الفاتحه سبع مرات ومسحي علي جسمه كله . من فوق لي تحت


وطمنينا عليه

 

[كات 511]

شوفي أنا عندي عيال وكل واحد غير عن الثاني بس عن تجربه كل الكلام اللي فوق صح وزيدي عليه يمكن المكان اللي انتي فيه ازعاج او احد مخرعه او فاز فيه انتي كل مابدلتي له نقطي بخشمه قطرة المستوصف عاااادي ماتضر وخليها عاده يوميه مو بس لمرض بعدين عندج بالصيدليه دوا أسمه بونيسان والاحلي جاز بمبي أسالي الصيدلي وراح يختار لج الاحلي وبالليل عطيه رضعة اعشاب دافيه{يانسون،بابونج،نعناع}أنتي زيدي أو نقصي تاخذين من كل شي ملعقه صغيره تنقعينا بكوب ماي فايح وتغطينه علي طول بعدها بعشر دقايق تشخلينها و تحطينها مع حبه سكر نبات وتشربينه ويكون بعد رضعه الساعه 12ص بعد ماتمرخين جسمه بزيت زيتون دافي ولفيه ونوميه وللساعه 5 الفجر لاتعطينه شي اذا بجي عطيه ماي بس هذي نصيحة د.اطفال وماله الا العافيه واتمال كبير انه غازااات او الحليب ماناسبه الدكاتره يمدحون بيبي لاك انتي وديه الدكتور يصرف الحليب اللي يناسبه ودير بالج الحليب بعد ساعتين من الرضعه الاولي مو اقل ولازم تعقيم الادوات واذا سويتي حليبه وماشربها تخلصي منها بعد عشرين دقيقه ولاتحطين الحليب بالماي وهو حار بعدين تبردينه غلط لازم الماي دفي بعدين الحليبه ولا تعطينه بارده همن غلط ,
أتمني اكون أفدتج وآسفه علي الاطاله بس هذي تجربتي اللي ريحتني.
ملاحظه الساعه 9 بالليل عوديه رضعيه وبدليله ودهنيه وطفي الليت وخليه بهدوء شوي شوي راح يتعود هالوقت ينام وبتشوفين ان شاء الله.

 

[كوين74]

الله يحفظه ويحميه من العين ​

وديه حق دكتور ((( ياسر القحص ))) في مستشفى السيف​

بنتي كانت مثل ولدج و ديتها وعطاها دوا أعشاب إسمه ((بونيسان)) تسحب الغازات من الحليب و بنفس الوقت تخلي الغازات تطلع ​

براحه من البطن بدون مغص و غيرلها الحليب إسمه نوفيلاك طبعا خاص حق إللي بحالتها ​

أنا قلتلج المعلومات عشان اتعرفين إن ولدج له وضع خاص مو أي حليب يمشي معاه ​

و على فكره هذي الأعشاب وااااايد عدلت نومة بنتي و خلتها تصتصح ​

والدكتور هذاعيالي كلهم عنده ​

الله يطمنج عليه

وعفوا الإخت إللي تقول حطي الدفايه أم

إضلوع بالحمام لا يا قلبي هذا توه بيبي

طير من طيور الجنه لا دخلينه الحمام

سبحيه بالغرفه طبعا أكييييد عندج

حوض حقه للسباحه وباجي الأغراض

طمنينا شنو يصير معاج​

 

[Cute mama]

حبيبتي شي طبيعي اول 3 اشهر غازات راح تتعبين معاه شوي
عقب ال 3 اشهر ان شالله بتروح
ييبي من الصيدليه ديسفلاتيل وايد يريح الياهل
ودهني بطنه بزيت زيتون دافي ولفيه عدل خاصة الحين شتا برد دفيه زين
وكله لبسيه دلاق وسوالف مسكره من تحت
نوميه على بطنه شوي ولاتنسين دايما عقب مايشرب الحليب اتشدينه
تقدرين تعطينه ينسون بالليل يريحه ويساعده عالنوم
اذا كنتي ترضعينه طبيعي لاتنسين تنتبهين انتي بعد على اكلج لانه اي شي تاكلينه يوصل للياهل
لاتاكلين سوالف تسوي غازات​

 

[ScarletteO'Hara]

انا بنتي كانت نفس ولدج
طول اليوم قاعدة ما تنام الا ثمان ساعات باليوم الباجي كله بجي و عياط
و لما اوديها الدكتور الي اهو الدكتور ياسر بمستشفى السيف وصف لي بونيسان و استمرت معاها الغازات الي سمها الدكتور خفيفة
هذا طبعا غير الترجيع
كان الحليب يتم على جبدها تخيلي من ١٢ بالليل لي ٦ الصبح يالله ترجع و تنام بالكثير ثلاث ساعات و تفعد تسوي لي فضيحة
جربت معاها ماي غريب ما نفعها كلش حتى الي من المستوصف
رجعت للدكتور ابي حل حق الغازات و الترجيع عطاني بدال اس ٢٦ سميلاك كومفرت نوعا ما حل المشكلة
و انا قمت كل يوم بالليل اسبحها هني قامت تنام عدل و مع الوقت شوي شوي تعدلت نومتها
الحليب زين الحمدلله بس لا بد تييها غازات و ترجيع يعني ما يعتبر حل نهائي بس وااااايد خفف لي مشكلتها
جربت معاها مرة كراوية هدى لي بطنها بس ما خلها تخرج فقطعت عنها الاعشاب
ان شاء الله تلقين حل حق ولدج

 

[&شهرزاد&]

الله يعينج حبيبتي

ماعليه مثل مااقالولج البنات ماقصرو

جرربي اول شي تدهنينه بزيت زيتون

تكونين مدفيته اشوي علي بطنه

وظهرره

لان وايد فاادت هالطريقه ولد اختي وماكانت

تسبحه كل يووم لان الجوو باارد

واذا ماافاد

وديه الطبيب خاليغير الحليب يممكن موو

ماشي عليه

 

[الـفـجـر الـبـعـيـد]

حبيبتي اصبري عليه وسوي اللي قالولج عليه

توه شهر ونص كل اليهال جذي ماتتعدل نومتهم الا بعد 6 شهور

وفي يهال يقعدون لي سنه بعد واللي يرضع صناعي دايما يتأذى

اكثر من الطبيعي والله يعينج

 

[أم ميميتو]

حبيبتي هذا شي طبيعي البيبي بهالعمر جذي لما يكمل اربع او ست شهور على الاقل عشان تتعدل نومته بس يمكن الحليب مسويله مشاكل و غازات انا ولد اخوي قد ولدج او اصغربجم يوم كله جذي يبجي و ما ينام و غازات بس صارله يومين احسن لان الدكتور غيرله الحليب اسمه نوفيلاك في بعده حرف مو ذاكرته بس اهو خاص حق الترجيع او الغازات اعتقد والله مو ذاكره بضبط بس اهو نوفيلاك قبلها كان يشرب بيبلاك و بعدها سيميلاك والحين نوفيلاك بس نصيحه لا تغيريله الحليب من كيفج الا بستشارة دكتور اطفال و طولي بالج عليه بهالفتره لازم تتعبين معاه شوي الله يخليه لج

 

[الاحساس]

ردودكم بردت جبدي

ايه هذا اول بيبي لي اسم الله عليه

بس هم انا مومتعودة ع المسؤولية

وبمشي على نصايحكم

بالنسبة للحليب الدكتور قالي بعد شهرين غيريله الحليب بس ماقالي اي نوع اغير

قال شنو حليبه قلت سيميلاك قال سيميلاك الغازات فيه اقل من حليب اس ٢٦

بس سيميلاك كومفورت احسن بس ماقدر احكم من جم يوم يبيلي وقت

والسبوح صاجين بنات من كنت بالمستشفى السسترات يقولون لي بيبيج اذية بس يبجي يبي يتسبح والا يبي ينام

والزيت زيتون ماسويتها الا مرتين خخخخ

والله حدي عليمية

مشكوورييييين بعدعمرررررري كويتيات