بسالكم عن اسواق الكويت

[صغيرة لكن خطيرة]

مرحبا حبيباتي شلونكم


تكفون ساعدوني انا جايه للكويت قبل عيد الاضحى بس ابغى لسته باافضل المجمعات اللي بها صناعات كويتيه او ماركات مو موجوه عندنا بالسعوديه


اذكرولي اسما محلات مميزه للملابس الكويته وافضل مكان يبيع مكياج حلو

ووشي الشغلات اللي هابين فيها الحين من عبايات واكسسوارات وغيره

واخر سوال مكياج حنان دشتي حلو اولا ووين مكانه بالظبط


تكفون لاتطنشوني ردو بليييييييييييييييييييييييييييييييييييييييييييييييييييييييييييييييييييييييييييييييييز :bbbiu:




تامروني على شي من السعوديه :eh_s(7):

 

[بيلسان المنار]

رد : بسالكم عن اسواق الكويت

هلا حبيبتي توصلينا بالسلامه انشالله
شوفي ،، الاسواق الي تبيع يعني الدراريع الكويتيه ما اعرف بس عندج المعارض مثل معرض الهليتون و السفير في الرقعي و سليل الجهرا يعني شغل حريم و هالسوالف عبايات و ملافع و عندج مجمع الكوت في المنطقه العاشره و مجمع الفنار و اسواق الفروانيه و بالجهرا مجمع اوتاد و عندج بحولي المهلب و العثمان
عندج المكياج بدبنهامز في الافينو و سوق شرق و في بالمطار و العبايه الي هابينفيا مادري بس سمعت بالعبايه الرومانيه بس ما اعرف شكلها في وحده بحرينيه تعرض بالكويت اسمها المياسه ان ما خاب ظني عباياتها حلوه وشيك
اما بخصوص مكياج حنان دشتي حلو اذا تبيين تشترين منهم ما اعرف بالضبط وين مكانهم بس انا قبل سنتين شريت منهم من ارض المعارض


هذا الي اقدر اساعدج فيه و انشالله البنات يفيدونج

 

[صغيرة لكن خطيرة]

يجزاك الجنه بيلسان


وين الباقين معقوله ماتعرفون شي

 

[عـزايـز]

حبيبتي عندح مجمع الصالحيه شغل راااقي ،،، ومجمع المهلب بمنطقة حولي في شغلات صناعه كويتيه
والافنيوز طبعا فيه كل اللي تسألين عنه من مكياج ولبس

 

[lulwa-q8]

رد : بسالكم عن اسواق الكويت

مااتوقع مافي ماركه عندنا مو عندكم ..!!

عندج الصالحيه و 360 وايد حلوين

وعندج لافنيوز جامع تقريبا كل المحلات اللي في المجمعات الثانيه و هم الفناار فيه جم محل ماتلاقينه الا فيه
=)