بسالكم اجرب طبيعي والا اطلب قيصريه ! ... عمليتي الاولى تشد علي ؟؟؟؟

[Zaina-al-zaina]

​

بسالكم حبوباااتي

انا قلت لي الدكتورا الاتي : اذا يالج طلق طبيعي راح نخليج تولدين عادي ونشوف

واذا ماياج طلق طبيعي ماراح نعطيج طلق صناعي وراح نولدج عمليه !!!

انا حملي الاول ولادتي قيصريه وحملت عقبها بست شهور !!!

والحين الجرح مرات يشد علي !!!!

فخايفه اجرب ولاده طبيعيه وينفجر رحمي ):
لاني سمعت وحده كانت جربت الطبيعي بس خلاص الرحم ماتحمل وانفجر الرحم ):

فخايفه اصير مثلها ):

شوروا علي !!! اجرب حظي والا اشيل الفكره من بالي ....!!!!

 

[روح الوتين]

توكلي على الله واستخيري ...وان شاء الله تتيسر امورك ..بس لاتروحين المستشفى بدري يمكن يستعجلون عليك ويسويلك قيصرية؟

 

[أم عزيـز]

حبيبتي ما فهمت شكو الدكتوره تحط لج طلق صناعي وتولدج قيصري ؟؟
الطلق الصناعي ما يحطونه الا اذا يبون يولدون الوحده طبيعي مو قيصري ؟؟

تأكدي منها لان في معلومات مو صحيحه قاعده تقوليها


انتي توكلي على ربج ولا تحاتين وتوسوسين بالعكس الطبيعي رحمه من رب العالمين
لان بس تولدين تنسين كل تعب الولاده والطلق وترتاحين
اما العمليه تتمين جم يوم ما تقدرين تمشين عدل ولا تكحين ولا تعطسين كله يأثر على الجرح

ان شاء الله تولدين طبيعي ويسهل عليج يا قلبي

 

[أشبـاهـ المطـر]

الطبيعـي أفضـل أكيد
وايد حريم ولدوا قيصريه
وبعدها بفضـل الله يولدون طبيعي ...​

 

[Zaina-al-zaina]

حبيبتي ما فهمت شكو الدكتوره تحط لج طلق صناعي وتولدج قيصري ؟؟
الطلق الصناعي ما يحطونه الا اذا يبون يولدون الوحده طبيعي مو قيصري ؟؟

تأكدي منها لان في معلومات مو صحيحه قاعده تقوليها


انتي توكلي على ربج ولا تحاتين وتوسوسين بالعكس الطبيعي رحمه من رب العالمين
لان بس تولدين تنسين كل تعب الولاده والطلق وترتاحين
اما العمليه تتمين جم يوم ما تقدرين تمشين عدل ولا تكحين ولا تعطسين كله يأثر على الجرح

ان شاء الله تولدين طبيعي ويسهل عليج يا قلبي

لا اهيا تقول انها ماراح تحط طلق صناعي

بس تنطر الطلق الطبيعي واذا ما يا راح تولدني عمليه !

وانا احاتي اذا ياني طلق طبيعي ان رحمي ماراح يتحمل !


الله كريم ...ويسر لي اللي فيه كل خير ...

 

[auoma]

لاتستعيلين
والطبيعي ارحم من القيصري انا جربت الاثنين
وعادي ييلج طلق منو قال ينفجر الرحم شكثر الي أعرفهم ولدوا طبيعي عقب قيصريه
لا انفجر رحمهم ولا شي للتحكيم االفكره في بالج
وبالنسبه حق الطلق الصناعي مستحيل يحطونه لج لأنج من قبل قيصريه

 

[ام فوااز]

أنا اعرف وحدة ولدت طبيعي بعد القيصرية والحمدالله مافيها الا العافية
انتي جربي يمكن اييلج الطلق والله يسهل عليج وتولدين طبيعي

 

[قلبي خالد]

يارب يهون عليج و تمشي امورج و تولدين طبيعي امييين

 

[ام اغلى الناس]

خلي الدكتوره هي تقرر الانسب لج
ادعي وتوكلي على الله
ومعروف الطبيعي احسن
بس يمكن مايصلح لحالتج

 

[ام الحلوااات]

اللــــه يــهــــــووون عـــلـــيـــج وتــــولــــــديــــــن طــبـــيـــعــــــي

 

[عنـــآق ..!]

،






من صججج !!


الطبيعي طبعآ / لاتحطين في بالج هالسوالف ياقلبي
انسي السهاله من ربج سبحانه واذا الرحم مبطل شوي
يحطون لج طلق صناعي نسبه 1 % عالخفيف يكوون

 

[عيون مبارك]

شوفي اللي مسويه قيصريه ما يعطونها طلق صناعي
انا جربت نفس حالتج والدكتور عطاني ابرة الظهر عشان حتى طلقي الطبيعي ما يشد علي والحمدلله تساهيل هو قصد يعطيني ابرة الظهر عشان اولد طبيعي لاني اذا ولدت قيصري كرتين خلاص تصير كل ولاداتي قيصريه

 

[Zaina-al-zaina]

يعطيكم العافيه حبيباتي

ماقصرتوا

انا اللي خايفه منه بس ان الشد اللي احس فيه الحين
يعني ان رحمي مايتحمل ... فليش اجازف !

انا موعايفه الطبيعي بس اتمنى فهمتوا قصدي !

 

[Zaina-al-zaina]

شوفي اللي مسويه قيصريه ما يعطونها طلق صناعي
انا جربت نفس حالتج والدكتور عطاني ابرة الظهر عشان حتى طلقي الطبيعي ما يشد علي والحمدلله تساهيل هو قصد يعطيني ابرة الظهر عشان اولد طبيعي لاني اذا ولدت قيصري كرتين خلاص تصير كل ولاداتي قيصريه

يعطيج العافيه حبوبه

صج نورتيني ... بطلب ابرة ظهر والله كريم ...

 

[ام رهومي]

حبيبتي ما عندي معلومه وما حبيت اطلع من غير ما ادعيلج



الله يسهل عليج ويتمملج على خير وتولدين طبيعي بادن الله وان شاء الله اييلج طلق من الله وتولدين بسهاله


اللهم امين

 

[Zaina-al-zaina]

ربي يوفقج (( ام رهومي ))

ويرزقج من واسع ابوابه ع هالدعواه الحلوه

 

[$special$]

الله يسهل عليج يارب
اعرف وحده اول ولاده قيصرية وامس ولدت بالسلامة طبيعي وكانت حامل بالأربعين بعد القيصرية والحمدالله ماعليها الا كل عافيه

 

[دانة=الدنيا]

​

 

[نونو توتو]

بقولك عن وحده قريبه لنا ولدت قيصري وطلعت من الاربعين وحملت وطبعا خافت حتى تقول لامها وخبت عنها موعد ولادتها وولدت في نفس النه يعني 11 بين الولادتين وماشاء الله لاقوة الا بالله ولدت طبيعي الله يقومها بالسلامه
وصدقيني الطلق الطبعي راح يتحمله جسمك اما الطلق الصناعي هو اللي ماتقدري تتحمليه بعد ولاده قيصريه والدليل انه الدكتوره قالت لك انه ماراح يعطونك طلق صناعي
توكلي على الله وانتظري الخيره منه لو كان لك خير بيجيك طلق وتولدي طبيعي ولو كانت القيصريه من صالحك ماراح يجيك طلق طبيعي

 

[Zaina-al-zaina]

(( "سبيشل" و "دانة الدنيا" و"نونو توتو " ))


الله يجزاكم كل خير ويعطيكم العافيه
وكل البنات بعد ،،،

كلامكم ريحني حيل ، نفسيتي احسن الحين ...

الله يوفقكم وين مارحتوااا ....*