بسافر واخلي بنتي؟؟؟ آآآآآآآآآآزروني

[&رعبوووبه&]

وااااااااااي والله يا كويتيات قلب بيتقطع من حجزت وانا اطالع كتكوتي
واتحسر احس بتأنيب ضمير شلون بروح 15 يوم واخليها
المشكله ما ابي اكنسل وما اقدر اخذها اخاف عليها
منو يضمها منو يحبها منو يعوضني عنها منو يعوضها عني
آآآآآآآآآآآآآآآآآآآآآآآآآآآه والف آآآآآآآآآآآه :eh_s(11): :eh_s(11): :eh_s(11): ​

​

 

[dima]

ليش اتسافرين عيل!!!!!!!

السفر ماراح يخلص لاحقه عليه

خلج مع بنتج وايد احسن

 

[المستبده]

وييييييي بنتج جم عمرها
ووين بتخلينها
بسراحه انا كنت بسافر بس اجلت السفره عشان بنتي لو شنو اهلي ثقه
بس مااخليها واهيه باشد الحاجه لي محد يعرفلها غيري مع ان الخدامه اتعرفلها بس ماسافرت
بسراحه السفر يتعوض بس بنتج لو سارلها اي شي بسيط
ماراح تسامحين عمرج
انا مابي اخوفج واخرعج
بس لاسمح الله

واذا كلش كلش اخذيها معاج
انتي خايفه عليها من شنو بالضبط مافسرتي
اذا بتروحين دوله بارده وخايفه عليها من البرد
دفيها واخذي ادويه من الديره تحسبا لاي حاله طارئه

وبس الله يخليها لج

 

[لموية العسولة]

يممممممممممه يالعيارة عقب ماحجزت وخلصت فكرت ببنتها خخخخخخخ<<< بتنطق

لا والله أتغشمر ...اذا كانت صغيرة ماتفهم سافري واستانسي وغيري جو وان شاءالله ماعليها شر باذن الرحمن ..أمج وخواتج فيهم الخير وبيخافون عليها اكثر منج ..وسعي صدرج وكلها 15 يوم وانتي رادة ...الله يوفقج ويسمح دربج يارب

 

[الدنـ نور ـيا]

المال والبنون زينة الحياة الدنيا يالغالية إذا بنتج عمرها أقل من ثلاث سنوات وهذا هو عمر الحضانة والحضن آنا أقول السفر لاحقة عليه بس حرام ياهل تحس بالفراق والألم واهي صغيرونه واساس التربية أحب المسافر حتى يرجع والمريض حتى يشفى والصغير حتى يكبر هذا هو أساس العدل في التربية والحكم لك .

 

[brettey]

حبوبه خليها عند امج اضمن شي ولا تطولين بالسفر اسبوع وردي ولما تكبر كتكوتج الحلوه شوي عوضيها قعدي شهر واخذيها طبعا

 

[قمر ضاوي33]

اذا انت قاعدة تحاتين من الحين اشلون بتخلينها وتروحين ؟؟

بتحاتين بالسفر ... ما راح تستانسين كلش سأليني مجربتها طلعت روحي اسبوع بنتي مريضة لأنها فاقدتني ...

انا اقولج روحي قريب يعني مصر ولا دبي جذي واخذيها معاك ولا عوار القلب ...

 

[mooomooo]

سويتها مره وخلت عيالي وسافرت مع ريلي اسبوعين


هخخخخخخخخخخخخخ

من اول ماطارت الطياره وانا دمووع

وهناك كل ما اشوف اليهال يضيق خلقيييييي


الله يعينج ذكرتيني :eh_s(22):

 

[منورة الكويتية]

والله انتي نفس حالتي بالظبط
بس قعد افكر فيها يمين شمال
شفت ان قعدتها افضل من اني ايريرها معاي
وهمن انا احتاج حق هالسفره حييييل لان هالسنه كانت وايد صعبه حمال وولادة ودراسه يعني يبيله بريك وتغيير جو وبناتنا ما عليهم شر عند الوالدة الله يخليها يارب
استخيري وتوكلي على الله

 

[شهد ستايل*]

السلام عليكم ورحمه الله وبركاته....
شلونكم حبايبى اتشالله بخير...

الله يعنيج ويعين قلبج يا حبيبتى ........... انا مجربتها كذا مره . ....... ومن ادش المطار هات يا بجى لين ارجع.........ولا استانس ولا اللى معاى يستانس ..... بس شسوى مرات الواحد تحكمه الظروف ..والله كل مادقيت عليهم يقولون عيالج بخير مالج شغل فيهم استانسى انتتى
... موشرط انج رايحه تستانسين معنى هذاانج ظلمتيها ... انتى بعد يبيلج تغيير ووناسه ..
خليها عند امج طالما اهى صغيره مو حاسه بشى ... احنا كبار ونحاتى .... والله كل ما دقيت عليهم كلهم يقولون عيالج بخير مالج شغل فيهم ..........
اذا عندها خدامه زينه تثقين فيها خليها والله وياج ووياها .... وامج وخواتج ماراح يقصرون فيها .... وبعدين اهم مجموعه من وحده لوحده ماراح يهدونها...
ادعيللها وادعى ربج يرجعج بالسلامه انشالله وروحى تشرى لها جنج رايحه السوق ومخليتها عند امج الله يخليلج اميمتج وبنيتج ويرجعج بالسلامه انشالله

 

[fajoora75]

والله انا نفس حالتج ولدي عمره سنه ونص قبل شهر رحت البحرين يومين رديت مريض حرمت اخليه عند احد والحين بروح ماليزيا الصراحه باخذه معاي مااقدر حرام احنا نحمل ونولد وغيرنا يبتلش خلاص نتحمل عيالنا ادري اهو بيتاذى وانا اتاذى بس اريحلي قلب الصراحه مايسوى علي ابجي كل يوم

 

[rawona]

الله يعينج والله ..

بس انشالله ماعليها شر روحي استانسي انتي و ابو العيال لاحقين على الحنه والرنه .. و انشالله ماعليها الا العافيه ..

لانها اصغيره و ماتفهم الحين بس تكبر انشالله اخذيها وياج و عوضيها ..
واهي انشالله بين اهلها وكلها اسبوعين و اتردين لها انشالله :eh_s(6): ​

 

[فطووومة]

الله يوفقج وتردين بالسلامة

مهما كان عمر بنتج المفروض تاخذينها معاج



انا سافرت وبنتي عمرها 6 اشهر واخذتها معاي عااااااااااااادي

وحتى اذا تركتيها مع اهلج اكيد ما يقصرون معاها

بالسلامة

 

[&رعبوووبه&]

مشكورين يا كويتيات بعد عمري بنات ديرتي خوووش راي اللي قالت لي استخيري
الله يجزاج الجنه بستخير واتوكل على الله
وبقولكم شيصير مع كتكوتي

 

[مرت ريلي]

الله يعينج

 

[رفرف]

انا خليت بنتي صج قلبي عورني بس احسن من اني باهدلها معاي بالطيارة والسفر من منطقة لي الثانية بقطار والا بالسيارة والا تغيير الجو يعني هني وايد اريح لها ...


بس تبين الصج ؟؟
الود ودي ماسافر بدونهم حتى التعب عسل على قلبي بس ابوهم مايحب سفر مع يهال صغار شسوييييي ؟؟؟؟؟

 

[@Miss Dio@]

بنات البنت احجزت ليش تقولون لها هوني
شوفي حبوه انتي تعرفين ريلج اذا يتحمل ياهل اخذيها اذا 1.% ممكن يتحلطم لاتاخذينها واذا هونتي بيسافر وايخليج بالحر والغبره واذا رد يكون رايق وانتي قنبله موقوته
انا بنتي العوده اضطريت اخليها وعمرها 6 شهور وسافر 3 اسابيع وكنت كل ليله ابجي قبل لا انام وسويت فيلم هندي بالمطار بجيت كل اللي بالصاله
الحين بخلي الصغيره اختها الكبيره اتقول لي حرام يما نخليها اقول لها خليتج قبل ماصار فيج شي اتقول صج يما ما اتذكر
يعني انتي تذكرين لما كان عمرج 6 اشهر شنو صار فيج؟؟؟؟؟
والله يا اختي انا بعد بخلي بنتي اسبوعين بس شسوي صعبه آخذها حيل صعبه

 

[&رعبوووبه&]

مشكوره عالمرور miss dio المشكله عمرها سنتين ونص ومتعلقين فبعض حيل واللي معاي ما يحب حوسه اليهال مو بس يتحلطم يمكن يعصب ويقول يالله الديره

 

[رفرف]

عاد سنتين ونص ماشالله مره شايله عمرها ...
بس اذا ريلج مايتحمل لااااااااااااااااا تاخذينها تنقلب السفرة نكد والا تحطون حرتكم واعصابكم بالياهل ....

انا خذيت بنتي لما كان عمرها سنتين و4 شهور ما تعبتني كللللللش غير التعب العادي بس ابوها عسر السفرة كلها خو ياهل تبي تكرمين حمام كل شوي تبي تاكل بمواعيد غير اكلنا يعني الشغلة يبيلها عبالة شوي بس تبي احد يتحمل ...

 

[dalprincess]

حبيبتي بالعكس لازم تسافرين تغيرين جو ,,, وبنتج اذا اخذتيها اهي راح تتأذى وهن انتي ,,, ف خليها عند امج محد بيخاف عليها كثر امج ,, خليها وسافرين واستانسي ولمن تردين عوضيها حنان انا هديت بنتي لم كان عمرها 35 يوم وسافرت :/ صج بحيت شوي وانا مسافره بس هم استانست واايد وكله كنت اقول اشوه اني مايبتها معاي لان كانت راح تتأذى ,,, والحين بسافر بعد مره بس بنتي كبرت عمرها سنه وشهرين وتفهم حييييييييييل مادري شلون بهدها بس اهي تمووووت من الوناسه لي راحت بيت امي عشان جذي مو قاعده احاتي بحطها مع الخدامه عند امي والله كريم