بسافر واترك زوجي شرايكم

[عاشقة الاسلام]

مساء الخير


خواتي المتزوجات حبيت اشواركم وابي مشوراتكم احتمال اسافر مع اهلي حق السعوديه لمدة خمس ايام واترك ريلي بالبيت مع العلم ريلي معاق مصاب بشلل نصفي بس الحمدلله اهو شايل نفسه بكل شي وعنده اللي يخدمه بالبيت اذا لاسمح الله احتاج شي وانا احتمال سفرتي تكون حق العلاج مع تبديل الجواز السعودي لان بعد كم شهر ينتهي
شوارو علي خواتي اسافر او لا مع العلم هو ماعنده مانع علي السفره مع اهلي

 

[جادل سبيع]

عادي سافري اذا عنده احد قايم فيه وعشان يشتاقلج بعد..

بالتوفيق.

 

[zaina alotibi]

ما اشوف فيها شي اذا سافرتي عندج شغل وبتخلصينه بالسعودية وبنفس الوقت تغيير جو لج ...

زوجج دام شايل نفسه وماعنده مانع روحي ولاتطولين وايد وتواصلي معاه وانتي هناك بالتلفون وتروحين وتردين بالسلامة

 

[شادن33]

اذا شغل وهو سامحلج وين المشكله

 

[batool H]

دام راضي ليش لا

موفقه

 

[om Firas]

دام اهو راضي عادي الله يسهل عليج هالسفره
والله يعينه ويشفيه يااارب

 

[فاطمة البحرينية]

اذ حق شغله معينه وتخلصينها وهو شايل نفسه

والمده قصيره 5 ايام واهم شي تكونين على اتصال

فيه لاتنشغلين عنه والله يخليكم لبعض

 

[ســتارز]

اذا عنده احد ممكن يسال عنه

عادي بنظري دامه راضي

 

[دلوعة صلوح]

توكلى على الله خمس ايام مو وايد واهو عندة لى يساعدة الله يردج بالسلامة.

 

[عاشقة الاسلام]

كل الشكر لكم خواتي راح اتوكل علي الله وسافر يوم الاحد انشاءالله

 

[رتو الكيوت]

وسعي صدرش