بسافر مع ولدي اشلون؟

[عيميه86]

اشلونكم حبايبي شخباركم
ناويه أسافر وهذي اول سفره مع ولدي عمره سنه ونص
وين تنصحوني اروح معاه ومع زوجي
مكان يصلح حق يهال بعد ؟؟

شنو أخذ معاي حقه شنو احطله بالجنطه بروح 14 يوم ؟
واهوا للحين بامبرز ومميه

 

[q.u.e.e.n]

انا نفسج ناويه اسافر مع ولدي وهذي اول سفره معاه الله يستر منه ومن درب الطياره عاد انا بالي مو طويل كلششش وناويه باذن الله على ماليزيا بروح جزر وملاهي ماليزيا وااايد عائليه على عطله الربيع باذن الله والله يسهل

 

[عيميه86]

الله يسهل علينا يا رب وننطر اهل الخبره من البنات الحلوات شنو يشورون علينا

 

[Miss-LuLu]

انا مو متزوجه بس حرام عمره سنه ونص راح ياذيج وايد واذا الدولة بعيده راح يااذيج بالطياره

 

[عيميه86]

مو عشان جذي قاعده اسال اي دوله تنصحوني

 

[krkooora]

روحي قريب دبي لانه معاج ياهل ماراح يتحمل مسافات و بياذيج بطياره
دبي حلوة و فيها شوبينغ و كل مكان العاب يهال و لا اتلانتس سباحه و وناسه
واذا ماودج فيها روووحي تركيا هم حلوة شوفي تقريري بتستفيدين ان شاء الله و وايد حلو 14 يوم بتركيا
و بالنسبه لاغراض البيبي
الاغرا ض المعتاده الاستهلاكيه بامبرز و حليب و غيارات يعني ولدج انتي ابخص فيه
و طبعا لا تنسين العربانه مالته

 

[عيميه86]

تسلمين اختي ما تقصرين
بس مو عارفه اشكثر حليب أخذ معاي واشكثر بامبرز

 

[shog]

والله حبيبتي عادي لاتحاتين ، انا من عمر اخذ اعيالي وياي بدون خدامه ، غرفتين كونكتنج روم ، قبل كنت لآخذ سويت ان يكون فيه سوفا بيد و اطلب اكترا بد انا ماحب الشقق الفندقيه، افضل الريسورت ، قبل كنت اخذ الحليب والبمبرز وبسكوت ، وهناك بعد كل شي موجود لاتكثرين ، الحين اعيالي كبار الحمدلله لا بمبرز ولا حليب ولا تغير ملابس ولا تسبح ، اللهم بس ولدي اليي بروضه اليي ابدله وسبحه ، ولا الباجي الحمدلله شايلين عمرهم ، وخذي من مذركير عربانه خفيفه سهله ، احسن من العربانات الكبيرة ، اهيا حق الترافل ، وانشالله تستمتعون ابسفرتكم

 

[عيميه86]

تسلمين حبيبتي ما تقصرين
والله يخليلج عيالج يا رب

 

[q.u.e.e.n]

اب اب

 

[عيميه86]

يسلمو حبيبتي كوين على الرفع

 

[اعتزاز]

السلام والله انا توني صغيره بس العام كنا مسافرين واول مره ناخذ اختي الصغيره اذكر امي كانت مسهرتها ماخلتها تنام علشان تنام بالطياره وما تاذينا لان الطريج طويل كان ٧ساعات واخذي معاج بالطياره جنطه صغيره حطي فيها بامبرز بس لا تحطين وايد حطيلج ٢او٣ بس حق الطياره واذا وصلتي ان شاء الله بالسلامه اشتريله من هناك وحطي بالجنطه حليب ومميه وبدله علشان اذا وصخ ولا شي تبدلينه والجنطه طبعا تكون معاج بالطياره

 

[عيميه86]

يسلمو اعتزاز حبيبتي ما تقصرين

 

[q.u.e.e.n]

اب بنات نبي نستفيد

 

[opera]

ولدي عمره 3 سنوات ومن عمره 6 شهور سفرته معاي

مو نوعي اقط عيالي واسافر عشان جذي كنت اخذه معاي كل مكان

وديته معاي الشرق والغرب .. ما اقولج ما اذاني امبلا اذاني بالشيل والحط وقيدني في وايد العاب او رحلات ماكنت اقدر اروح لانه معاي

و في سفره طاح علي مريض من اول يوم وصلنا وكنت امر المستشفى كل يوم ياخذ ابره

و اذا طولنا بالطلعه يتملل ويحن

يعني الياهل الصغير اللي مو شايل روحه يتعب بصراحه بس عندي انا اهون من اني اقطه عند احد واقعد حاتي

اهم شي حق الطياره انج تكونين مسهرته قبلها عشان ينام بالطياره

و حق الرحلات والطلعات عربانه و جنطه حطي فيها الاشياء الضروريه حقه و اكل

 

[ابتسمامه]

البنات ماقصروا وازيد عليهم اخذي معاج مناديل جونسون المبلله بالطياره لانه صعب تغسلينه بحمامات الطياره واخذيله اكل روب بالفواكه صمون يمكن مايقدر ياكل من اكل الطيارة

 

[عيميه86]

يسلمو اوبرا وكوين
ما تقصرون

 

[الملسسونه]

مثل ماقالولج البنات ،
اهم شي العده ، وراح تتعبين صح
بس اهم شي يكون معاج وبحضج​

 

[عيميه86]

الله كريم
يسلمواختي على المرور

 

[$حبيبة عبودي$]

تروحين وتردين بالسلاامه