بسافر ماليزيا ابي فزعتكم

[تعب-قلبي]

السلام عليكم

شلونكم يا احلى خوات

ابي مساعدتكم انا بسافر ماليزيا بشهر 1 لمده 10 ايام وراح اروح سيلانجور وبعدها لنكاوي ويمكن بيننق وبعدين كوالمبور
وميزانيتنا مو ذاك الزود

ابي رايكم بخصوص بيننق اروحلها والا يكفي لنكاوي لان مانبي نتنقل وايد بالطيران الداخلي او العباره 3 ساعات

وبخصوص لنكاوي جم يسوى نقعد فيها وشنو احلى شي فيها وشنو الاسواق الحلوه والرخيصه فيها وابي فندق غير لنكاوي لاقون لان سمعت فيه حشرات ويكون سعره مناسب وصج ان الساعه 6 يصكر كل شي

وبخصوص رحله المانغروف انا شفت صوره ويقولون خطيره ابي اللي جربوها يقولون رايهم وشنو احسن الرحلات فيها

وابي طيران زين يكون ترانزيت شنو الافضل
وشلون بيكون الجو بشهر 1 بارد والا زين عشان السباحه

وابي تنصحوني في الاسواق الحلوه اللي فيها اشياء غريبه


وابي اعرف صج مطار كوالمبور ياخذون منج السوائل سواء كانت عطور وحتن كريم اساس
لان وايد بنات قريت ان خدو كل عطوراتهم
عشان ماشتري وياخذونهم


وابي سفريات زينه وسعرها معقول

وياريت لو تكتبون لي جدول لمده 10 ايام من ناحيه سوق وسياحه


وياريييييييييييييت لو تجاوبون على كل الاسئله اكون ممنونه لكم
واسفه عالاطاله ويعطيكم العافيه

 

[روعـهـ ربانيـهـ]

انا الصيف رحت ماليزيا 12 ليله روووعه بكل مافيها بس الجو شوي حار ماليزيا هذا جوها طوال السنه
بس بشهر 1 و 2 تكون احسن شوي بس مو بارده
انا اول يومين بكوالا لمبور فندنا على شارع العرب قراند ميلينيم الثالث طرنا داخلي حق لنكاوي جزيره هاديه مافيها سوق هاديه حيل الساعه 8 تقريبا الناس كلها اتنام
فندقنا كان برجايا تييهبل حيييييييل ونظيف عندهم الجزيره الخاصه انتي ورجلج بس تسبحين على راحتج تقريبا تكلفتها 35 دينار
يومين بس واجد عليها
بعدها بالعباره السفينه رحنا لبيننق ( لاعت جبدي ورجعت فيها ) بيننق حللوه كان فندقنا رويال هوتيل غالي لانه عالبحر وقدامه السوق الصيني
احلى شي فيها البراشوت والتيجيسكي وعندهم محل قهوه وككاو موطبيعيييي بس موجود في بيننق اخذت منهم ككاو بتراميسو روعه وقهوة جوز الهند هم رووعه وفيها مجمع كبير حلووو واسعاره حلوه تسوقهم من فيه
يومين بس واجد عليها
طبعا اي تكسي سواء في لنكاوي او بيننق راح يقولهم تبون جوله اربع ساعات ب10دينار عرض حلو

طرنا داخلي لكوالا لمبور فندقنا المره هاذي استانا هوتيل ارخص من قراند ميلينيم لانه مو على شارع العرب بس قريب تقدرين اتروحين مشي وبصرااحه ايهببببببببببببل احلا من قراند ميلينيم وارخص منه بواجد
و طبعا المره هاذي تسوق لان اتفقنا السوق اخر شي عشان ثقل الجنطه
اسواقها روووووووووعه ومطاعهم حلوه طربوش لا يطوفج
اذا معاكم جهال روحي افا موسي بتونسهم كلها حيوانات وعروض
طبعا لا طوفد جنتق مدينه العاب فوق الجبل بارررده وحلوه

ميزانيت سوقي تقريبا 200 دينار بس ؟؟؟؟ رخيصه ماليزيا وحلوه اخذت فيها 7 جناط ماركات ماليزيه و 10 كعوب بعد؟ وقتها كان تنزيلات
نصيحه احجزوا من الحين السكن والتذاكر عشان تجي عليكم ارخص ودفعوا من الحين عشان لا يصير عليكم ضغط
واول ماطبون ماليزيا روحي احجزو طيران داخلي لانه زحمه ويمكن يروح عليكم حجزكم بالجزر
وانشالله اني افدج

 

[تعب-قلبي]

حبيبتي مشكوره على ردج بخصوص الطيران الداخلي تنصحيني احجزه من هناك؟ لان انا ناويه احجز الفنادق من هني اللي في سيلانجور وكوالمبور ولنكاوي فشلون عالطيران الداخلي
وانا روحتي بس مع زوجي بدون يهال وناويه اروح
التلفريك والقارب الزجاجي ورحله المانغروف يمكن تهقين زين يومين

وبسأل محلات الملابس فيها قياس خخخخ اهم شي عاللبس

 

[احب المنتدى]

رد : بسافر ماليزيا ابي فزعتكم

جم ميزانيتج؟؟؟؟؟؟

 

[P!NKia]

لنكاوى مافيها شي سوقها كلش مو حلو ورحت رحله المانغروف بالعكس حلوه ومافيها شي خطر
ولنكاوى قعدى فيها ليلتين تكفى لان اكثر من جذى تملين انا سكنت بشيراتون روووعه
انصحج بيننغ رووعه وسوق الليل عجيب عند الهولدى ان وذا كوين مول رووعه هم تكفيج 3 ليالى واحلى شي وكل شي فيها كوالالمبور رووووووووعه صج روووعه واسواقها عجيبه
انا رحت لها بصيف مادرى عنها بشهر 1
وترا ماليزيا اسعارها حلوه ومعقوله
والاسواق الارخيصه بكوالا عندج مجمعين يم بعض بى بى بلازا وسونقى جنه جذى اسمه روووعه ورخيص واذا تبين اسامى المجمعات اقدر اساعدج دزيلى على خاص اى شي تبينه وانا حاضره

 

[][°•سـζـآيب•°][]

رد : بسافر ماليزيا ابي فزعتكم

لاتحاتين المقاسات ترى في

خخخخخخخخخخخخخخخخخ

 

[تعب-قلبي]

بعد عمري كل من رد

وميزانيتي غير التذاكر والفنادق والطيران الداخلي تقريبا 800 دينار
وانا ابي اشري بالسوق لاني مدمنه سووق
خخخخخ

شرايكم في فندق لنكاوي سي فيو
والهولدي ان ومتيارا وبلانجي بيتش

 

[smily girl]

ياقلبي

بينانج احلى بكثييير من لنكاوي

لنكاوي هاديه تنفع لمعاريس

اما بينانج حلوه وفيها مول كبيير والله نسيت اسمه

ولو اختو فندق بارك رويال حدها وناسه

وفيها حدايق فراشات وطيور ومصنع الكاكاو

يعني جامعه التسوق والطبيعه

والسوق الصيني مفتوح لين اخر الليل

وجنب الفندق تروحون مشي

 

[Hello_kitty]

بيننغ احلى وايد من لنكاوي..لنكاوي اذا ميزانيتكم مضغوطه ما يسوى تروحيلها ما فيها شي غير رحله المانغروف فيها اكواريوم صغير
وفيها متحف العيش مفتوح وتلفريك ووبس

بيينغ عجيبه والنشاطات البحريه فيها ممتعه مثل الجت سكي والبراشوت وووغيره وانصحج بفندق بارك رويال او هارد روك وبس

وبالنسبه للجو انه رحت شهر 11 وعادي تسبحنا بالحبر والحما سباحه الجو مو براد ولا اهو غته

ولا تنسين تروحين جنتنغ هاي لاند وصن واي لاقووووون

مووووووووفقه

 

[الطماطه]

رد : بسافر ماليزيا ابي فزعتكم

تروحين وترجعين بالسلامه
بالنسبه لي مارحت جزرلانها تحتاج طيران داخلي والفتره قصيره ماتسمح
انصحج بمرتفعات جنتنغ جوها روعه بارد عباره عن مدينة العاب انصحج تنامين فيها ممتعه
ومنتجع افاموسا فيه كرنفال وسفاري وعالم الحيوان والعاب
وصن واي لاقون ممتعه
والماينز حلو يقولون فيه عروض ليليه بس ماحضرتها لان ماكان عندي فكره عنها
ومرتفعات الكاميرون بارده بس بعيده عن العاصمه 3 ساعات لازم تنامون فيها
وكوالمبور طبعا فيها اسواق وحديقة الفراش والطيور والبهار
ماانصحج تسوقين اسعارهم نفس الكويت والوزن بالمطار زلقه
اما بالنسبه للعطور والكريمات والمعقمات اللي تكون بالشنطه اكثر من 100 غرام ياخدونها

 

[مطرها يسبق رعدها]

حبيبتي انا رحت ماليزيا شهر العسل

ورحت كوالالمبور ولنكاوي << انا من النوع اللي ماحب اتنقل في السفر وهو عارف هالشي

فخلاها منطقتين بس

واللي اعجبني اكثر شي لنكاوي يمكن لاني عروسه وهاديه حيييييل وجو رومنسي وطبيعه تجنن

صح مافيها شي مميز واسواقها عاديه بس حلوه للستجمام وبحر ووناسه

والشي الوحيد اللي عجبني فيها قريه ماعرف اسمها بس فيها تلفريك تحسين فيها جو واصلا كلها سياااح

وهذا الفندق اللي سكنت فيه هو خمس نجوم ونظام فلل ويطل على البحر شوفي الرابط

http://www.agoda.ae/asia/malaysia/langkawi/tanjung_sanctuary_langkawi_resort.html

خدمتهم ولا اروع وفخم حييييييل ونظيييييييف

بس لو دفعتي مقدم اخذي الفاتوره وتوقيعهم لان صارت لنا سالفه قالو مادفعتو ودفع من جديد قيمة ست ليالي

واذا انتي من النوع اللي تحبين السوق خليش في العاصمه طبعا التوين تور غني عن التعريف

والسوق الصيني اذا تحبين تقليد الماركات

ولاتفوتين العشا في البرج برج المناره << حلاته بالليل تشوفين كوالالمبور كلها

بالتوفيق تروحين وتردين بالسلامه

 

["*آآآنؤؤؤقهـ*"]

رد : بسافر ماليزيا ابي فزعتكم

طرشت لج برايفت ^_*

 

[هدوتي]

رد : بسافر ماليزيا ابي فزعتكم

انا ودي اروح ماليزيا بس بقيت كم تتوقعون الميزانيتها حق ثمن اشخاصمن غير التذاكر

 

[احلى ـآ وحده]

توني راده منها وهذا تقرير فيه جزيرة بيننق

http://www.q8yat.net/showthread.php?t=717720


ان شاء الله يفيدج

 

[تبطي عظم!]

عفيا بنات

شهر واحد شلون الجو هناك

لان بسافر ماليزيا شهر العسل بليييييييييييييز ؟