بسافر لندن تكفون ساعدوني

[امل الوجدان]

بنات انا قريب بسافر لندن بس ما اعرف المناطق اللي فيها ولا وين اسكن ولا اسوقتها تكفون ساعدوني قولولي اسكني في المكان الفلاني وروحي المطعم الفلاني والسوق الفلاني لما اتعود على الديره واقدر اتعرف على اماكنها

 

[nouna82]

عااااد لندن من اسهل ما يمكن

السكن اما في بورتمان سكوير اللي فيه جيرجر و بورتمان ساس و سلفرجس و تستل ماربل ارج او كيمبرلاند يعني على حسب ميزانيتكم وين تقدرون تسكون او تسكينون في الباركلين بس هم هناك غاليين الفنادق


اما السوق عنج طبعا شارع اوكسفورد طويل فيه وااايد محلات _ سلفرج _ هارودز _ هارفي نيكولاس _ و فيه شارع كله بوتيكات ماركات بس نسيت اسمه متفرع من هارفي نيكولاس

المطاعم اذا تبين عربية روحي اجورود كله مطاعم عربية و انا احب شاورما رنووش يمي يمي وايد لذيذة و اذا تبين مطاعم ثانية عندج ستيك هاوس و في مطعم مغربي في الويجمار ستريت

و احب مطعم سلفريج فوق احب النودلز ماله و اذا تذكرت شي ثاني اقولج و رحلة سعيدة

 

[اميرة الغيد]

اذا تبين سكن بوسط السوق اخذي شقق البارك ويست او اي شي بشارع اجوار رود ، عندج فندق سلفرج مكانه عجيب بوسط السوق ، لندن حلوه وكل مكان فيها حلو عندج اهم الاسواق باجوار رود وماربل آرش واوكسفورد ، هذيلا كلهم يم بعض ، بعد اذا تبين ماركات روحي حق شارع بوند ستريت ، اذا تبين اشياء عمليه ورخيصه روحي حق شبرد بوش
بالنسبه للاماكن السياحيه عندج لندن بريدج ولندن تاور اللي عنده ساعة لندن اللي تعتبر من اهم معالم لندن ، المتحف البريطاني بريتيش ميوزيام ، متحف الشمع مدام توسود ، مو تنسين تروحين محل Wool Worth حق الهدايا والككاويات.

 

[كلي ملح]

قوه اختي هذي مواقع اتفيدج وايد


http://byebyelondon.com

http://www.visitlondon.com/

 

[LA TROO7]

عندج فندق الكمبرلاند وفندق السلفرج وماربل ارتش هذي موقعها عند السوق

وبالنسبه لي احلااااا قهوة ذقتها بحياتي قهوة مارك سبنسر وااااااااااااااااااااو صرت ادمان عليها جربيها

والاسواق مثل ماقالو البنات وعندج شارع الماركات سالون ستريت

وبالتوفيق ترا لندن محد يضيع فيها

 

[رقي]

عشقي الاول والاخير لندووووووووووووون

الله يهنيج
وهلله هلله بالتسوق والفراره

 

[Simple^Lady]

بنات انا الحين بلندن وين الشارع اللى كله ماركات؟

 

[q8tia27]

شوفي النيتس بريدج مناك تلقين هارودز كله ماركات وتلقين بوتيك بربري عجيب بعد
وشارع اسمه بوند ستريت
وسلون ستريت كله ماركات
وهارفي نيكولاس كله ماركات

 

[Simple^Lady]

حلوو انا ابى البوند ستريت وسالون ستريت وينهم عن اكسفورد؟

 

[Om 9aba]

شوفي تعالي من اول اكسفورد يعني جنج يايه من اجور رود خلج على السايد اليمين ليمن تلقين محل نكست بس انتبهي في وايد افرع اهوا اول واحد تلقين قبله سكه طويله دخليها وراح تشوفين محلات على اليمين واليسار هذا كله البويند ستريت وسلامتج وتعيشين انشاللم اكون ضبطتج بالوصف حبيبتي

 

[Om 9aba]

:tek:سالون ستريت اللي عند هارودز حبيبتي

 

[غلا يوسف]

حبيبتي الناس جدامج واجد ومكاتب السفريات تسوي رحلات خارج لندن وحق المدن الريفية وعندج الاكفورد ستريت والبيكاديللي روعه واي لندن .

وحبيبتي الباصات حيييييل سهلة والاندرقراوند حلو بس دسربالج من تبديل القطارات والهايد بارك جدامج .

وامانه اذا شفتى لندن سلمي عليها وبوسيلي خدودها الشفافة ...


واااااااااااااااااااااااااااااااااااااااااااااي اموووووووووووووووووووووووووت فيها ,,,

 

[r2004]

بنات جم تكلف سفرة لندن 8 ايام ؟؟؟ وتنصحون الواحد يروحها باجازة عيد الاضحى يعني شهر 12 شلون الجو؟؟