بسافر تايلند هالشهر جم احط ميزانيه ؟؟!!

[D!ma]

بنات بسافر تايلند هالشهر انا و زوجي
جم احط ميزانيه للشخص الواحد
السفريات ياخذون 350 للشخص تذكره و اقامه
و جم اقدر باجي التكاليف عفيه ردوا علي
و اذا بغير لي ماليزيا جم تكلف ؟؟؟؟؟؟؟؟؟؟؟؟

 

[MyLittleBerry]

انا بعد بسافر هاشهر

وميزانية السوق حطيت بس 500 دينار

حتى ريلي زفني قالي مينونه حاطه هاكثر شنو تبين تشترين السوق كله <---- من كثر ماهي رخيصه

خلي جنطتج فاضيه موفاضيه كلش يعني لاتاخذين وايد ملابس لانج راح تشترين هناك

بالنسبه لفنادقهم ترى رخيصه

هذي الصفحه انا سويتها

انشاءالله تستفيدين منها

وانشاءالله تستانسين بسفرتج وعاد لاتنسين تقوليلنا تجربتج

http://public.fotki.com/alkandari/other/travel/thailand/

 

[Cute_Girle]

مرحبا اختي ... تايلند روووعه سوق موطبيعي والجو الحين حلو

انا انصحج اذا بتسكنين فندق نظيف وراقي واهم شي ( آآآمن )

احجزي فندق (هوليدي ان بانكوك) <<ترى فيه اكثر من هوليدي ان هناك قوليلهم اللي يم (سيام سكوير)
هالفندق بوسط السوق وحده راقي .. انا رحت بالصيف وحجزت من المطار كلفتني الليله 35 دينار للغرفه المزدوجه ..
والتذكرة كلفتني 250 دينار (بس انا حجزت قبل السفره بيوم يعني المفروض انتي تحصلينها ارخص حيل)

وبالنسبه للسوق 500دينار تخمين السوق كلة!!
أ

وأحسن مجمع في بانكوك انصحج بــ (بلاتينيوم)



انشالله تستانسن .. واي سؤال انا حاضره ..

 

[D!ma]

مشكوريييييييييييييييييييييين حبيباتي
انا رايحه السنه اللي طافت بس رحت براس السنه هاي سيزن عندهم و كريسماس و الاسعار كانت دبل و الغرف دبل من جذي مو عارفه الحسبه الحين
تهقون نحجز فندق من هناك لما نوصل والا من هنيه ؟؟! شرايكم و هالحزة زحمه عندهم السواح ؟؟

 

[D!ma]

تهقون شنو احسن نحجز الفنادق بالانترنت و لا عن طريق المكتب شنو ارخص و اظمن ؟

 

[بنت الحزن]

تروحين و تردين بالسلامه

 

[أمواج البحر]

شوفي عادة لما اسافر تايلند احطلي ميزانيه بجيبي 500 دينار مثل ماقالت kuwaitbutterfly

والغرف زوجي ما يحجز من اهني دايما يحجز من هناك مع ان تحجزين هني اضمن

بس يقول لما نحجز من هناك يطلع ارخص

واي سؤال بالخدمه

 

[D!ma]

الله يسلمكم حبيباتي و مشكوين على ردودكم
اذا تبون شي من هناك قولولي بنات انا حاضره

 

[MyLittleBerry]

انا انصحج تحجزين من الانترنت من هني ارخص

 

[Maloka^koka]

انا اقول الحجز بالمطار ارخص
لاني جربت من قبل
واهم شي يا جماعه التكاسي
لاتركبون اي تكسي وانتو طالعين من المطار
شوفو اي مكتب سياحي من ملوت حجز الفنادق وطلبو منه سياره توصلكم الفندق راح يفرق معاكم السعر تقريبا 100 وله 200 بات يعني بالكثير دينار ونص بس امان لانه فيه تكاسي حراميه ويدرون انه الي يايين سياح ومعاهم فلوس وراح يبوقون
لكن لو الي خذيتوه عن طريق المكتب حتى لو فرضنه انه باقكم سهل انه يطلعونه لانج طالبته من مكتب مو موقفينه من الشارع ومسافط التكاسي بالمطار.
مو عن اخوفكم بس لي ناس معرفه انباقت كل فلوسهم لمن خذو تكسي من الي سافطين بره ومن بعدها كله قمنه نعتمد على مكاتب السياحيه وحجوزات الفنادق الي بالمطار.
بالنسبه لحجوزات الفنادق لمن توصلون بانكوك بالسلامه بس حجزو حق بانكوك ولمن تروحون اي مكان ثاني حجزو منه يعني مثلا لا تحجزون حق بوكيت من مطار بانكوك لانه في مطار بوكيت راح يكون ارخص حق فنادق بوكيت احنه مجربين هالشغله.

 

[D!ma]

حجزنا خفنه نروح و نتوهق خصوصا عندهم هاي سيزن الحين و بالنسبه للتاكسي ملوكه كوكه اشكرج على هالمعلومه و انشالله راح ناخذ بنصبحتج يالغاليه
كويت بترفلاي انا مو مال انترنت و هالسوالف من تزوجت و انا صايره متخلفه هيهيهيهيهي نسيت التقنيات و التكنولوجيا و حل محلهم قواطي ابتاميل و بامبرز