بسافر تايلاند __ << بعد اسبوع >>

[زوجة-القمر]

حبيباتي ،،،

بسافر انشالله بعد اسبوع تايلند وأبي كل شي عن هالدولة1- اماكن السياحة

2- مكان احسن سوق

3- شلون اسعارسوقهم وكل بضايعهم من ملابس اكسسوارات جنط ساعات

4- اكلهم نظيف ومطاعهم ابي احسن مطاعم هناك

ضروري الله يعافيكم انشالله ​

 

[ombaza]

بعد قلبي تروحين وتردين بالسلامه تايلاند كبيره حددي وين بالضبط بوكيت او بانكوك؟؟؟ عشان نفيدج

 

[جروووح -79]

اذا بتروحين بانكوك .. عندج مجمعات وايد حلوة مثل السنترال + سيام باراغون + امبوريوم + زين + طوكيو سنتر + سنترال وورد .. واسعارهم مب غالية واااايد ولا رخيصة .. الصراحة هاي بالنسبة للمجمعات ..


اذا تبين اسعار رخيصة عندج شارع العرب وعندج china town

اماكن السياحة .. رحنا دريم وورد هذي ملاهي كبيرة وحلوة وايد .. ورحنا سفاري وورد حديقة حيوان بس مفتوحة ..

عموما انا رحلتي كانت عشرة ايام عشان جذي ما درت عدل ..

 

[إستبرق]

حبيبتي انا كنت بتايلند شهر 1 لي 2

شوفي انا رحت بانكوك وبوكيت وبعدين رديت بانكوك

اول شي بانكوك سكنت اول فندق فبانكوك سكنت بنوفتيل سيام سكوير بصراحه الفندق حلو ومرتب وبعدين الاسوقه كلها حواليج الفندق بالنص يكون ماعليج الى تنزلين وتطقينها فراره
المطاعم عندج ناناستريت هذا الشارع كله خليجيين ومطاعم اسلاميه في مطعم لبناني يربي نسيت اسمه بس انا وزوجي كله عندهم ريوق وغدى وعشاء لانه نظيف واكلهم يهبل واي اصلن ميته على شوربه العدس مالتهم تهبل بس ترى هالشارع كله مطاعم اسلاميه
وشوفي فبوكيت بصراحه ضبطنا سايق يهبببببببل صج صج امين وشريف والله انا اعطيه جنطتي يحطها بالسياره اذا كنت بمكان والقاها مثل حطتها وحتى يوم بنروح بوكيت خلينا عنده غراض بسيارته ورحنا بوكيت 7 ايام وردينا بانكوك بس كنا عارفين فيها فمانبي سايق اخر يوم فبانكوك دقينا عليه يابلنا الغراض للفندق وعلى حطتهم وكان ياخذ علينا طول اليوم من الصبح لي بليل 1000 بات بالنسبه لغيره سعره حده شي
اسمه جون وهذا رقمه 0819261548 عاد انشاءالله يرد عليكم ويعرف يتكلم انجليزي
وروحي لسوق الي فالبحر اسمه floating market هذا مو عن بضاعه في شغلات حلوه بس اجوائه تهبببببببببببل تروحين تركبين انتي وزوجج بقارب من خشب وواحد يجدف فيكم وكله قاعدين بالقارب وفي محلات توقفون عند المحلات بالقارب وتتسوقون الاجواء صج ونااسه ومنهمن السوق هذا طلعنا رحنا غابه مصغره للفيله تلقين اصلن لما تنزلين من القارب صور ناس مع فيله قولي للسايق بروح هني تروحين وتركبين مع زوجج للفيل ويمشونكم بالغابه الصغيره بس والله شي شي شي صج راح تهتزين هز بس وناسه خخخخخخ
ورحنا حديقه الحيوان مالت بانكوك حلوه انا رحت لاني بصور مع النمر وصج صورت مع النمر وفي شو للفيله وشو للشواذي حده يونس خاصه الفيله شلون يرقصون يهبلون
وبعد روحي دريم وورد مدينه ملاهي كبيره وحلوه وفي بعد فانتاسيا بس تركبين مع السايق تقولين ابي فانتاسي يعرف بس هذا ديري بالج في قسم يكون فيه حريم مو شي وفي صوب لا وناسه
وفي بعد سوق الليل شوفي في فبانكون سوقين ليل واحد يكون ابو الصياعه مارحنا له وفي واحد لا مافيه شي حنا قلنا نبي السوق الي مافيه بنات السايق فهمنا وودانا لسوق مافيه بنات والله عندهم شغلات حلوه وسوق الليل جذي لان ترى اسوقتهم على الساعه 9 ولا جذي تسكر مو شي فسوق الليل يبطل وبصراحه انا ماحبيت اسوقه الشوارع تخوف كله رحت مجمعات وعندج سوق اسمه mbk داخله هم في سوق اسمه طوكيو بطوكيو في قسم كله جناط وجواتي ماركات وتهببببببببببببببببببببل انا خذيت منهم ليما فولت خخخخخخخ تلقين الجنطه الوحده في منها موديلات يعني من نفس الجلد بس قصات غير وستايل غير وكل شي تلقين البواكه احجام وميداليات كل شي يهبل صج صج حلو واسعارهم زينه

ويوم ردينا من بوكيت لبانكوك قعدنا بفندق لاند مارك هذا الفندق حده حلو وبشارع نانا ستريت عند المطاعم انا وزوجي صرنا هني نقعد مبجر ونروح مشي للمطعم مالنا الي ناكل فيه ونتريق وطبعا بالطريج ندخل محلات ولما نتريق عاد ناخذ تكسي يودينا للسوق

صج اذا تبين بخور تراه بشارع نانا استريت عند فندق غريس معروف هالفندق هناك وكله محلات بخور


الحين نروح بوكيت واذا تذكرت شي من بانكوك ارد اقولج انشاءالله

بوكيت خذينا تكسي من الي فالمطار وبوكيت طبعا رحلاتها احلى من بانكوك لان تروحين جزر ومغامرات اذا تحبين المغامرات انا السفره كلها احب اغامر
وحنا مع التكسي قلنا له نبي نحجز رحلات ودانا مكتب بطريج الفندق واحسن شي سواه لان الرحله معانه ناس شوي مو وايد ولويه وحجزنا لجزيره جيمس بوند وجزيره نسيتها بطريج جيمس بوند وحجزنا لبيبي ايلاند والثالثه نسيتها بس الصج الصج بيبي ايلاند ماحبيتها حتى دفعنا لهم فلوس عشان يردونا بس جزيره جيمس بوند والي بطريجها تهببببببببببل حده وناسه خاصه مو جيمس لا الي بالطريج
اول شي كنا حاجزين بفندق رمادا هو الفندق حلو ونظامه حلو مثل الشاليه نظامه بس السيرفس كان تعبان شوي ومكانه حلو مقابل البحر الفندق

عاد اقولج حنا حجزنا رحلات طبعا الرحله من الساعه 7 الصبح ييلنا باص ومعانا قروب وخذونا رحنا بيخت الغدى يكون اسلامي وتروحين فالبحر طبعا تشوفين المناظر الي تهبل وردينا على الساعه 5 ووصلنا الفندق الساعه 7 تقريبا يعني يومج يكون اغلبه ضايع بالرحلات عاد انا وزوجي كنا نبي البرشوت مع الجت سكي وقصوا علينا قالوا بجزيره بيبي ايلاند يوم رحنا طلع ماكو وطلع اصلن فبوكيت موجود الجت سكي والبرشوت انتي اذا تبينهم قولي روح لبج سي هو مقابل ما ادري ياالشيراتون يا الهوليدي ان وورى والمطاعم العربيه هم ورى هالفندق الي هو يا الشيرتون يا الهوليدي ان وفي مطعم اسمه على ما اعتقد نجمه الخليج او زهره الخليج شي من هالقبيل فيه الخليج هذا اكله حلو ونظيف صاحبه اردني وزوجته تشتغل هناك وبصراحه حلو ونظيف
وبشارع الي فيه المطعم تلقين طول الشارع سوق بس انا ما ارتحت فيه ما احب اسوقه الشوارع
وفي مجمع اسمه فاستيفال وورد على ما اعتقد هذا يهبببببببببببببببل شغلاته روعه انا وربي قشيت منهم ليما شبعت جنطهم ماركات وسعرها زين وجناط مو اي شي تهبل صج وفي اشياء وايد حلوه
وبصراحه في مجمعات وايد بس مو حافظه اساميهم عندج بعد مجمع لوتس فبوكيت حتى انتي قولي للسايق ابي مجمع مسكر وجذي وهو يوديج وبعد ودانا السايق لسيارات سباق حلبه كبيره ويلبسونج خوذه وحركات ونااااااااااااااااااااسه بس ما اعرف اسمها
وروحي للشوتنغ حده يشوق تحسين صج انج برمايه خخخخخخخخخ تدخلين يلبسونج سماعات وتختارين المسدس الي تبينه وتصوبين ويحطون لج النتيجه على الورقه منو درجته احسن انتي ولا زوجج ورحنا حديقه الحيوان مالت بوكيت هذي صج صج حلووووووووووووه حسره على الكويت ماكو حيوانات هناك كل شي موجود وهمن صورت مع النمر بس نمر عووووود خخخخخخخخ
مممممممممممم بعد يربي شنو هذا الي ذاكرته الحين اذا تذكرت شي لي عوده
والله يوفقج حبوبه وانشاءالله تستانسين
صج على فكره ترى لما تركبين التكسي تلقين حاطين اوراق وصور عن الاماكن الي عندهم وتقدرين تقولين له عن المكان الي تبينه ويوديج له

 

[زوجة-القمر]

مشكورين حبايبي ما قصرتو

على راااااااااااااااسي والله

 

[MyLittleBerry]

شوفي الموقع

http://public.fotki.com/alkandari/other/travel/thailand/

وهذا موقع فيه كل منتجعات ko sumui لازم تروحيلها فضييعه

http://www.kohsamuiresorts.com/

 

[إستبرق]

حبوبه جني تذكرت اسم المطعم الي فبانكوك على ما اعتقد اسمه ابو السعد عاد اذا لقيتي مطعم هناك جذي معناته هو وصج خالتي يوم رديت قالت لي كليتي بمطعم العراقي قلت لا قالت من صجج انا كله عندهم اكلهم يهبل عاد انتي روحي له اسمه العراقي وحتى بنانا ستريت وديري بالج لاتروحين المطعم الي اسمه المصري بنانا ستريت تراه وصخ الحمدلله ياربي على النعمه بس اكلهم قذر

وشوفي حبوبه في عندهم مكان اسمه فاكتوري هذا مثل المعرض الدائم فيه جنط وذهب والماس الي تكون صناعاتهم ويعتزون فيها الجنط ما انصحج تاخذين منهم لاني انا يوم رحت له وعجبتني جنطه جلد اللخمه وقلت لزوجي ابيها عاد زوجي كان مو شايل فلوس وايد قالهم عادي تييون الفندق تاخذون الفلوس قالت اي عادي والجنطه ب90 دينار ويوم طلعنا منهم رحنا الام بي كي ولا الجنطه مقططه هناك على 20 دينار مقططه بشكل مو طبيعي جان تنسد نفسي منها وقلت لزوجي دق كنسلها وصج كنسلتها قلت حسافه بس خذيت منهم من فاكتوري ذهب سواره وقلبين وتراجي وخواتم وربي زوووووووووغه والله ان كل الي يشوفونهم يسألوني عليهم شكلهم حدهم حلو
وانا رحت فاكتوري الي فبانكوك مو بوكيت الي فبوكيت مارحت له وموفقه مره ثانيه واذا تذكرت شي لي عوده باذن الله خخخخخخخخخ

 

[MISS^^CHANEL]

وناسه انا بعد راح اسافر عقب يومين ان شالله اذا الله راد ومشكورين بنات كفيتو ووفيتو

 

[فوفو التخينة]

استبرق
آآآآآآآآآآآآآآآآآآه ذكرتيني بمطعم أبو السعد
قلبتي على مواجع تايلند
متى يصير شهر 7 عشان بنروح لها إن شاء الله للمرة الثالثة

كنا بتايلند شهر 8/2006 ونزلنا بفندق زينيث منطقة نانا واكثر اللي فيه عرب حتى بالبوفيه اكل أسلامي تلاقينه بروحه
وأونس شي هالمرة إنهم حاطين شطاف بالحمام (هوز الماي) يا سلام هذه عقدتي بالسفر شطاف الماي بالحمام

أول مرة رحنا 2002 ما كانو حاطين شطاف وتعذبنا وايد ببطل ماي الصحة ، بسالحين عرفوا إنها رغبة العرب فحطوها بس عيبهم الأثاث شوي قديم

نرجع حق مطعم بو السعد بالنسبة لي أنظف مطعم بالشارع وتلاقينة بسطرة فندق زينيث شوي جدام خليك ماشية وزينث على يمنيك تلاقينه قدام شوي بنفس الشارع
الأكل لذيذ وأسعاره عادية أخر اسبوع قعدنا ببانكوك كل أكلنا عنده عشا وغدا لأن الريوق كان بالفندق وإلا كنتاكي (مكتوب عليه حلال ) في مجمع سيام براقون
وفي هذا المجمع ايس كريم عجيب صرنا مشفح كل يوم نروح بس عشان البوظة واوووووو اللي على جوز الهند طعمه يجنن وروحي بعد الأكواريوم بهالمجمع وايد حلو

العراقي إخترب مو مثل أول لقيت شعر ببرياني اللحم فلما ناديت الجرسونة قالت عادي هذا شعر مال خروف
بصراحة بغيت ألخها كف بالصحن وقلت لها إذا ما غيرتيه ما راح أدفع ، غيروا الصحن بس ما اشتهيت آكل وحاسبنا ورجعنا الفندق

أما أكل مطعم ناصر المصري فجربناه اول سفرتنا 2002 كان حلو أكله ونظيف بس السنة اللي طافت ما دخلنا وكان بخاطري أكل سمك مشوي عندنا شفته مرة وأحنا طالين توه مطلعه من التنور ريحته تبط الراس عجيبة