بسافر ايران اسبوع واحس بضيع :(

[ليالي العاشقين]

الســـــــلام عليــــــــــكم ..


شلوووووونكم شخباركم ..


ان شاء لله اليوم سفرتي حق ايران ..
وبقعد فيها اسبوع بالضبط وحدي احس نفسي بضيع
لانيي بروح مع حمله ..

ابي الاسوقه الحلوه الي تستاهل فيهااا ... ؟؟؟
والمناااااااطق الي تنصحوووني فيهاا شنو ..؟؟

وبس سلامتكم ..اتمنى انكم تفيدوني ..!!

:eh_s(1):

 

[♥MaSteRiyA♥]

واااااي وناسة عليج بالعافية يا قلبي
ودام حملة راح يكون حداا وناسة
استمتعي يا حلوة ^_^​

أما عالأسوقة والمناطق فيعتمد حياتوو
انتي وين بتروحين مشهد ولا طهران
طهران واايد أكشخ..
بس مشهد أجواء روحانية عجيبة :eh_s(17):​

وطلبتج يالغلا "بيني وبينج" خخخ :
بليييييييز بليز ادعيلي يصير لي نصيب وأروح
وادعيلي ان يصير اللي ببالي​

وتروحين وتردين بالسلامة قلبوش =**​

 

[ليالي العاشقين]

حبيبتي ولله
الله يسلمج من كل شر ولله
اتوقع مشهد ..

 

[♥MaSteRiyA♥]

هنيالج والله..

أوكي.. الأسوقة الله يسلمج..
بازار رضا هذا سوق مفتوح يم الحرم.. فيه فضيات و أحجار و هالسوالف
وكل اللي يطب مشهد لازم يمر على هالسوق لووول ^_^

عندج مجمع اسمه ألماس شرق على شكل سداسي و كبير
وفيه نافورة كبييييرة تهببل احنا كنا بس واقفين ونطالع

وعندج حبوبة.. سوق اسمه زيست خاور
وفي بعد.. بلوار سجاد
وسوق الغدير

ترا أسوقتهم تقريبا كلها نفس الشي.. بس مرات تلقين فناتق

وعالمناطق.. انا متأكدة ان الحملة راح توديكم
طرقبة.. و شانديز
لأنهم أحلى منطقتين بمشهد و حق سياحة يهبلون
حق الغدا والعشا الجو يرد الروح هناك و الأكل
حددددا يمي "أهم شي" لوولز ^_^

تروحين وتردين بالسلامة
سلامي للرضا
ونسألكم الدعاء :eh_s(7):​

 

[حساسة مصر]

ماعنديش علم عنها


يارب ترجعي بالسسسلامة

 

[برور العرباويه]

ياا حظج اخذيني معاج .., انا شهر 4 السنه الي طافت رحت مشهد وايد حلوه الصراحه وحده وناسه واحلى شي التمشي من الفندق لي الحرم كله محلات عاد واحنا رادين من الحرم مشي نقعد نتشرى وجذي انصحج بالتمشي .., واما المناطق الي رحنا لها الي اهيا طرقبه رحنا سوق اهناك مادري شسمه بس هم حلو ووناسه وهم بغينا نروح شانديز بسس للأسف ماكان في وقت لأن سفرتنا كانت بس 4 ايام .., وادعيلنا

 

[اسينات]

عليج بالعافيه قلبي مشهد حلوه وبلغي سلامي للرضا (ع)
اردبيل جنه الله في ارضه
اصفهان روعه

 

[غرقانة بالحزن]

عليك بالعافية وايران حلوة وامان وماعليك الا الرحمن وسلامي للرضا
علية السلام

 

[كندوره سبرايز]

أمبيه ليش بتروحين ايران حدها تلوع الجبد واي رحتلها مرة مع اختي لأنها كانت بتحط تقويم

وااااااااااااااي اتييب المرض وحدها كئيبة ودولة بدائية تحسينها مو متطورين
والله اني من اول يوم قمت ابجي :eh_s(2):ابي ارد الكويت ما تحملتها

مابي احبطج بس هذا الواقع:bbbiu:

 

[كشموووشه]

عليج بالف عاااااااااااافيه وبطريجج دشي اي صيدلية وخمي اللي اكو كله حق شعرج وويهج وجسمج
وسلامي للرضا لاتنسينه