بسافر المانيا تحديداً بقعد بفرانكفورت

[مو اي شي]

السلام عليكم حبايبي

ان شاءالله اول شهر 7 بسافر المانيا و بنقعد بفرانكفورت ، كنا نبي نقعد في ميونخ بس تذكرتها و فنادقها اسعارها نار، فبغيت اسألكم شنو اماكن حلوه بفرانكفورت و شنو المناطق القريبه منها و الاسواق و المطاعم و ملاهي الالعاب الحلوه القريبه من فرانكفورت ؟ و ودي اروح دوله قريبه من فرانكفورت بالقطار اي دوله تنصحوني مع العلم انه اي دوله راح نروحلها بالقطار مراح نبات فيها بس يوم واحد و نرد

 

[((غلاي))]

تروحين و تردين بالسلامه

ررفع لعيووونج

 

[آحلى بنوتهـ]

وآي تهبل آلمآنيآ رحت لهآ تجنن وآسعآرهآ مو غآليه آبد ^^

تروحين وتردين بآلسلآمهـ

 

[سكره مالحه]

دخلى منتدى المسافرين العرب راح تستفيدين
وحطى ببالج انا اى مكان قريب بتروحين له بالقطار مو اكثر من ساعتين ونص
لان السالفه جداا متعبه وفيها تبديل قطارات ولويه والالمان نفوسهم قشره وساعات يدرون انج ضايعه وما يعلمونج وان سالتيهم بالانجلش طبعا ما يجاوبونج يعتزون بلغتهم جدااا
انا ما عجبتنى ميونخ كللللها عرب جنها القاهرة ما تاخذين راحتج وخاصه ساحة المارينز بلاتز
لوووعه
روحى المناطق الريفيه القريبه وخاصة شتوتغارت وحوالين ميونخ ولو سيارتكم خاصه اقصد مستاجره بتاخذون راحتكم عدل لان المناظر خلاابه وتجنن
اما اسواقها انا دشيت اسواق ميونخ كبيرة وحلوة بس مو واااو مثل لندن وباريس
بضاعتهم عمليه وكرف
اخخ طلعت عن الموضوع
انصحج دشى الموقع وراح تستفيدين من قلب
وسفرة سعيدة

 

[مو اي شي]

دخلى منتدى المسافرين العرب راح تستفيدين
وحطى ببالج انا اى مكان قريب بتروحين له بالقطار مو اكثر من ساعتين ونص
لان السالفه جداا متعبه وفيها تبديل قطارات ولويه والالمان نفوسهم قشره وساعات يدرون انج ضايعه وما يعلمونج وان سالتيهم بالانجلش طبعا ما يجاوبونج يعتزون بلغتهم جدااا
انا ما عجبتنى ميونخ كللللها عرب جنها القاهرة ما تاخذين راحتج وخاصه ساحة المارينز بلاتز
لوووعه
روحى المناطق الريفيه القريبه وخاصة شتوتغارت وحوالين ميونخ ولو سيارتكم خاصه اقصد مستاجره بتاخذون راحتكم عدل لان المناظر خلاابه وتجنن
اما اسواقها انا دشيت اسواق ميونخ كبيرة وحلوة بس مو واااو مثل لندن وباريس
بضاعتهم عمليه وكرف
اخخ طلعت عن الموضوع
انصحج دشى الموقع وراح تستفيدين من قلب
وسفرة سعيدة

انزين حبيبتي شنو تنصحيني اماكن بفرانكفورت لأني راح اسكن فيها، و شنو مناطق ثلجيه حلوه قريبه منها؟

 

[اخت خالتهم]

واي عاد بسافر وخلينا ميونيخ 6 ايـام 5 ليالي
كرهتوني فيها والمشكلة دفعنا

 

[q8nina]

الاقرب يم فرانكفورت
مدينة بادن بادن
مدينة فيس بادن
مدينة روست " اوربا بارك "

لايطوفونج