بسأله هالسؤال عاادي

[ليالي الماضي]

السلام عليكم كويتيات

علاقتي مع ريلي تغيرت بعد ولادتي واحسه من قبل واهو له علاقات يعني ايكلم بنات ولما جيكت على حسابه بالانستغرام كله بنات بس ربعه الشباب المعروفين وبخاطري اسأله اذا انا مقصرة معاه بشي محتارة ومتضايقة والله اني اصلي واصوم واطلب رضا ربي بس ماادري ليش ريلي جذي معاي اهو موملتزم بصلاته يعني مرة يصلي ومرة لا وبعد بالصيام مو ملتزم وانا من زمان اصلي واصوم بس ماادري ليش ربي رزقني بالريال هاذا والله احس اني كرهته ساعدوووني الله يوفقكم ويفرجها عليكم *

 

[مذهلة2013]

حبيبتي انتي قلتيها ساعات مايصلي ولايصوم !!!

شنو تهقين بيطلع منه ؟؟ الله يهديه بس

وبخاطري اسأله اذا انا مقصرة معاه بشي محتارة ومتضايقة

شنو بخاطرج ؟ هذا حقج ومن حقج تسالين وتوقفينه عند حده ! يـلأا فلان منو هذه وهذه وهذه عادي انتي مرته مو غريبه !

وانا من زمان اصلي واصوم بس ماادري ليش ربي رزقني بالريال هاذا والله احس اني كرهته

اولا هذا نصيب حبيبتي
وبالعكس ربي كتب بينكم يمكن يستقيم و يرجع لوعيه و يرجع لربه ..


بس اكرر انتي مرته ومن حقج تعرفين كل اسراره ...


ريس يسخركم لبعض

 

[ليدي بجد]

الله يكون بعونك ويهدي زوجك. كل القسم يشتكي من الخيانه والأغلب ب هالانستقرام !!! بديت أكرهه

 

[ليالي الماضي]

حبايبي مشكورين على الرد
اهو مايدري ان عندي حساب بالانستغرام لانه موراضي حلال عليه وحرام عليه ومو عارفة شلون افاتحه بالموضوع ممكن اتساعدوني

 

[ليالي الماضي]

قصدي حرام علي الانستغرام اسفة غلطت

 

[سندس 90]

اب اب
ربي يصلح مابينكم

 

[Nonono83]

الله يسخره لج ومومعناته عنده بنات في شي بينهم حطي للمؤمن سبعين عذر
ممكن تقولين له وحده اعرفها قالت لي ان زوجج عنده بنت وانا مادري ليش بينكم هالحواجز! يعني تبين شي قوليله واذا مارضا لاتسوينه حتى انتي غلطانه انج سويتي شي من وراه صح ولا لا؟ انا ماقولج ان حلال عليه وكيفه بس حسيت ان بينكم حاجز انتي وزوجج ورسميين مع بعض ومايسير جذي هذا زوجج وانتي زوجته المفروض كل شي على بلاطه بينكم
الله يسر امورج ويسخره لج ولايشوف غيرج

 

[عـيّــآره]

وين السؤال مافهمت​

 

[شانيل 5]

حبيبتي حاولي تغيرين من طريقتج معاه واهم شي الدواء السحري إدعي الله انه يهديه

 

[غرور 9]

حبيبتي لاتكرهينه ولاهم يحزنونتقربي منه حيل وخليه يشوفج انتي بالدنيا ومافي غيرج
غيريه للاحسن وعن سالفة الصلاة هاذي بيدج انتي الي تقدرين تخلينه يداوم عليها ماتدرين يمكن الـلـْ♡ـْْه رزقج فيه وهدايته ع ايدج
وعن سالفة الانستغرام طوفي ياقلبي جنج ماشفتي شي ٨٠٪ من الي حواليني ازواجهم ينامون ويقعدون ع الانستغرام خليه وعطيه حريته
احسن مايروح برا ويخربط ويجيبلج امراض لاسمح الـلـْ♡ـْْه اذا ع الانستغرام تهون الامور ياقلبي

 

[أميرة-]

شنو ماتدرين ليش الله رزقج بهالزوج ؟ وتقولين انا اصلي واصوم كلنا نصلي ونصوم وما نتمنن على الله بعيادتنا

انا مو داخله اتهاوش معاج بس حبيبتي بوضح لج شغلة طريقة كلامج هذي فيها اعتراض على رزقة ربج وهذا ما يجوز

ربي يسخر لج زوجج ان شالله ويهديه

 

[مــرح]

هالشي طبيعي تقريبا اغلب الشباب جذي عسئ الله يهديهم رفعو ضغطنا

 

[ليالي الماضي]

اعوذ بالله مااعترض بس من حر مافيني
وشلون اتقرب منه وهو كله بدوانيته مع ربعه ولا طالع وشلون اتقرب اذا اهو اصلا مايحب ادخل باموره الخاصة على قولته تعبت واللة

 

[شــــــــــــــوقــــه]

انا اتعب نفسيا من هالمواضيع و من البرود الي اشوفه

يقولون شي طبيعي :/ ااخ بطلع قبل لا قلبي يوقف

 

[سمراء كويتية]

الله يهديه و يسخره لج كثري الاستغفار و
الحوار لازم بينكم بس بهدوء

 

[M!SS.LOBY]

الله يعينج اذا مو ملتزم بصلاته هالفرض اللي ربي فرضه عالمسلمين والمسلمات بصراحة اللي ما يصلي ولا يصوم معناته ما يخاف من الله ولا حتى عنده غاريه عالبيته ومرأته ولا يميز بين الحلال والحرام


الله يهديه ويصلح حالج ويسهل أموره

بس لا تأيسين من رحمة رب العالمين أدعي الله والمرأة الذكية تحاول وتصنع المستحيل عشان تعدلين سلوك ريلج فكري عدل بدون مشاكل ونجره


الريال يكره شئ اسمه حنه ومشاكل وصراخ بالسياسة حاولي تتقربين من قلبه مثل الياهل

 

[روح امها]

هالبرامج ما وراها غير المشاكل والخيانات

حسبي الله ونعم الوكيل

 

[امـ خــزامـى]

الله يسخره ويهديييييه

 

[نـعـومـه]

مره يصلي مره لا ومايصوم !!

تدرين الريال فرض صلي بالمسيد !!! دام قادر وصحته زينه فرض عليه يصلي بالمسيد وزوجج مرات مايصلي معناته منتهي بصراحه

وكان يكلم بنات بعد !!! الله يهديه بس لازم تكلمينه بسالفه الصلاه وتقعديله قعده لااااازم يصلي كل صلاه اذا مايصلي ترا حرام تقعدين عنده !! عقبها عالجي سالفه البنات

بس لاتسكتين حلي هالمشكله بسرعه

 

[بيبي قيرل]

شي طبيعي حبيبتي لاتحاتين كل شبابنا جي لوول